ꓟꓶ-ꓚꓲ-ꓠ꓾ ꓲ-ꓙ-ꓓꓳꓽ ꓗꓪ ꓙꓳˍ ꓟ ꓬꓲꓸ ꓒꓽ 3 ꓣꓳ ꓐꓬꓱꓽ ꓔꓯ 2022 ꓘꓳꓼ 6 ꓦ 8 ꓠꓬꓲ꓾ ꓟꓶ ꓘꓶꓼ 8 ꓙꓵꓹ ꓕꓯꓽ Kachin State Civil Movement ꓡꓰ ꓮ ꓔꓳꓸ ꓛꓴꓺ ꓩꓴꓳ꓾ ꓐꓯ ꓡꓳ꓿
“4-5 ꓣꓳ ꓛꓲ ꓟꓳ ꓓꓳ ꓛꓲꓺ ꓪꓳꓽ ꓔꓯꓹ ꓡ ꓢꓲꓸ ꓮ ꓔꓳꓸ ꓓꓳꓼ ꓩꓴ ꓡ ꓟ ꓥꓳ” ꓐꓰ ꓖꓳ ꓗꓪ ꓒ ꓕꓲ ꓢꓴ ꓡꓰ ꓐꓯˍ ꓟ ꓥ ꓡꓳ꓿
ꓬꓲꓸ ꓤꓽ ꓬꓲꓸ ꓒꓽ 3 ꓣꓳ ꓐꓬꓱꓽ ꓠꓬ ꓢꓲꓹ ꓧꓶꓹ ꓘꓱꓹ ꓔꓬ ꓟ ꓐꓬꓱꓽ ꓥ ꓢꓲꓸ ꓠꓲꓹ ꓧꓳꓹ ꓪꓽ ꓡꓯ ꓘꓳ ꓠꓹ ꓟ ꓢꓯꓼ ꓖꓶˍ ꓟ ꓟꓬ-ꓟ ꓮ ꓠꓱ ꓥꓳꓽ ꓕꓲꓽ ꓚꓱꓹ ꓥ ꓡꓳ꓿
“ꓮ ꓔꓳ ꓔꓳ ꓬꓲꓸ ꓚꓬꓼ ꓪꓽ ꓡꓯ ꓘꓳ ꓚꓱꓹ ꓔꓯ ꓥꓪ ꓠꓴ ꓟꓽ ꓠꓲꓹ ꓫꓵ” ꓐꓰ ꓗꓢꓚꓟ ꓡꓰ ꓐꓯ ꓡꓳ꓿ ꓗꓢꓚꓟ ꓠꓬ Kachin State Civil Movement ꓥ ꓡꓳ꓿
2022 ꓘꓳꓼ 6 ꓦ 9 ꓠꓬꓲ ꓠꓬ ꓗ-ꓛꓲ ꓟꓵ ꓗꓪ ꓟꓯꓼ ꓕꓲ ꓧꓪꓹ ꓢꓰꓼ ꓡꓯ ꓘꓳ ꓡˍ ꓟ (11) ꓘꓳꓼ ꓐꓲ ꓡ ꓟ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓟꓽ ꓛꓲ ꓡ ꓢꓰꓽ ꓟ ꓕꓲꓽ ꓟꓶ ꓘꓶꓼ ꓗꓪ ꓕꓱ ꓡꓱ ꓬꓰ ꓩꓴ ꓡ ꓟ ꓥ ꓡꓳ꓿
1994 ꓘꓳꓼ ꓗꓪ ꓐꓰ 2011 ꓘꓳꓼ ꓗꓪ ꓛꓲ 17 ꓘꓳꓼ ꓠꓬ ꓗ-ꓛꓲ ꓟꓵꓽ ꓗꓪ ꓢꓲ ꓡꓲꓹ ꓟ ꓦꓬꓼ ꓠꓬꓲ ꓙꓳ ꓗꓷ ꓗꓸ ꓠꓯꓸ 2011 ꓘꓳꓼ 6 ꓦ 9 ꓠꓬꓲ ꓗꓪ ꓐꓰ ꓕ ꓑꓳꓸ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓠꓬꓲꓸ ꓠꓬꓲ ꓗꓪ ꓛꓲ ꓥ ꓡꓳ꓿ ꓟꓯꓼ ꓘꓰꓹ ꓢꓴ ꓬꓲꓸ ꓢꓯꓹ ꓟꓽ ꓞꓲ ꓙꓳˍ ꓡꓲ꓾ ꓐꓰ ꓢꓪꓼ ꓔꓸ ꓡꓳ꓿