ꓠꓬꓲꓸ ꓠꓬꓲ 2022 ꓘꓳꓼ 11 ꓦ 8 ꓠꓬꓲ ꓕꓯꓽ ꓟꓶ-ꓚꓲ-ꓠ ꓗꓪ ꓟꓶ-ꓚꓲ-ꓠ ꓗꓪ ꓐꓰ ꓘꓳ ꓣꓴˍ ꓡꓳ ꓐꓳ ꓔꓸ ꓟ ꓗꓪ꓾ ꓝꓮꓲ ꓐ-ꓡꓼ-ꓟꓰꓹ-ꓕꓲꓽ ꓓꓽ ꓖꓴꓽ ꓚꓱꓹ ꓐꓰ꓾ ꓢꓲꓽ-ꓑ-ꓐꓳ ꓙ ꓖꓴ ꓚꓱꓹ ꓗꓪ ꓟꓳ ꓓꓳ ꓮ ꓙꓵꓽ ꓔꓯ License ꓚꓲꓸ ꓚ ꓔꓬ ꓡꓳ꓿
“ꓮ ꓡꓲ ꓟꓽ ꓬꓰꓳ ꓡꓯꓸ꓿ ꓟꓯꓼ ꓟ ꓝꓯꓸ ꓠꓬꓹ ꓢꓲꓸ ꓣꓴ ꓕꓲ ꓬꓰ ꓡ ꓪ” ꓐꓰ ꓟꓳ ꓓꓳ ꓫꓵꓸ ꓒꓽ ꓕꓲꓽ ꓣꓳ ꓡꓰ ꓐꓯ ꓡꓳ꓿
license ꓟꓽ ꓙꓳˍ ꓟ ꓟꓳ ꓓꓳ ꓮ ꓙꓵꓽ ꓔꓯ ꓣꓴ ꓢꓲꓸ ꓟꓶ-ꓚꓲ-ꓠ ꓑ ꓫꓬ ꓝꓲ ꓓꓴ ꓖꓪ ꓙꓱ ꓜꓲꓼ ꓦꓲ ꓡꓽ ꓙꓳ ꓓꓰꓺ ꓗꓪ ꓫꓵꓸ ꓡꓴꓽ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ꓿
“ꓒꓴ ꓐꓶ ꓝꓲ ꓡ ꓥꓻꓰ꓾ ꓟꓽ ꓡꓲꓸ ꓖꓶ ꓡ ꓡ ꓕꓲꓽ ꓙꓪꓺꓼ ꓫꓺ ꓙꓰ ꓡ ꓥꓻꓰ ꓐꓯ ꓟꓽ ꓗꓴꓸꓳ” ꓐꓰ ꓟꓳ ꓓꓳ ꓫꓺ ꓪ ꓡꓰ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓟꓶ-ꓚꓲ-ꓠ ꓗꓪ ꓠꓬ 2010 ꓕ ꓑꓳꓸ ꓗꓴꓷꓼ ꓙꓵꓽ ꓜꓴ ꓗꓪ ꓐꓰ ꓑ ꓫꓬ ꓗꓪ ꓛꓲ lincense ꓟꓽ ꓙꓳˍ ꓟ ꓟꓳ ꓓꓳ ꓜꓶꓽ ꓔꓬ ꓟ ꓥ ꓡꓳ꓿