ꓟꓶ-ꓚꓲ-ꓠ ꓕꓲ ꓚꓳ ꓡꓳ ꓗꓪ ꓞꓳ ꓜꓲꓼ ꓪ ꓜꓲꓼ ꓔꓶꓸ ꓮ ꓙꓵꓽ꓾ ꓙꓲ ꓔꓲꓺ ꓮ ꓙꓵꓽ ꓠꓬꓲꓸ ꓠꓬꓲ 2021 ꓘꓳꓼ 7 ꓦ 25 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓑꓲꓸ ꓔꓸ ꓠꓹ ꓟ ꓗꓲꓳ ꓟꓶ-ꓚꓲ-ꓠ ꓟꓵꓽ ꓙꓵꓽ ꓢꓴ ꓡꓰ ꓕꓳ ꓶ ꓓꓳ ꓩꓴ ꓡ ꓡꓳ=
“ꓟꓴ ꓖꓪ ꓖꓪ ꓔꓶꓸ (ꓗꓔꓦ)꓾ ꓙꓲ ꓒꓶꓽ ꓬꓲꓸ ꓫꓵ ꓬꓲ ꓙꓰ ꓜꓽ ꓓꓳ ꓔꓶ (ꓐꓮꓣ)꓾ ꓑꓲꓹ ꓡꓴꓸ ꓡꓳ ꓖꓪ ꓔꓶꓸ (ꓝꓴꓢꓮꓡ ꓚꓡꓴꓐ)꓾ ꓖꓳ ꓓꓱ ꓢꓯꓼ ꓠꓵꓹ ꓔꓶꓸ (ꓖꓬꓟ)꓾ ꓚꓲꓸ ꓬꓯ ꓑꓶꓹ ꓔꓶꓸ꓾ ꓜꓽ ꓓꓳ ꓔꓶꓸ ꓙꓲ ꓔꓲꓺ ꓐꓰ꓾ ꓠꓱꓸ ꓐꓯꓼ ꓙꓲꓺ ꓔꓲ ꓮ ꓙꓵꓽ ꓑꓲꓸ ꓠꓹ ꓟ” ꓕꓳ ꓶ ꓖꓳ ꓟ ꓗꓪ ꓐꓯ ꓟꓳꓸ ꓖꓶ ꓔꓸ ꓡꓳ=
ꓚꓲ ꓛꓬ ꓠꓲꓹ ꓡꓶꓽ ꓗꓪ ꓐꓰ ꓞꓳ ꓜꓲꓼ ꓪ ꓜꓲꓼ ꓚꓱꓹ ꓬꓰ ꓢꓴ꓾ ꓕꓵꓼ ꓘꓶꓽ ꓕꓱ ꓟ ꓔꓯ ꓟꓽ ꓒꓵꓽ ꓢꓴ ꓐꓴ ꓔꓯ ꓕꓲ ꓝꓸ ꓕꓲ ꓝꓸ ꓙꓵꓽ ꓢꓴ ꓐꓴ ꓗꓪ ꓐꓰ ꓚꓲꓸ ꓚ ꓢꓲꓸ ꓝꓴꓲꓸ ꓖꓶ ꓓꓴ ꓥꓳ ꓐꓰ ꓐꓳ ꓔꓸ ꓡꓳ=