ꓠꓴꓖ ꓗꓴꓷꓼ ꓙꓵꓽ ꓜꓴ ꓢꓽ ꓡ ꓙꓵꓽ ꓓꓴ-ꓪ ꓡ-ꓫꓲꓸ-ꓡꓼ ꓡꓰꓽ ꓠꓚꓖꓴꓐ ꓥꓳꓽ ꓡꓰˍ ꓟ ꓗꓪ ꓐꓰ ꓢꓳ ꓣꓴ ꓢꓲꓸ ꓞꓲ ꓠꓲꓹ ꓠꓬ ꓒꓳꓹ ꓔꓳꓹ ꓧꓪꓸ ꓡꓰˍ ꓟ ꓘꓳꓼ ꓒꓬꓱꓼ ꓡ ꓠꓹ ꓟ꓾ ꓟꓵꓽ ꓙꓵꓽ ꓗꓽ ꓓꓴ ꓢꓯꓼ ꓕꓵꓼ ꓡꓯ꓾ ꓐꓰ 48 ꓧꓪꓹ ꓟ ꓠꓴꓖ ꓗꓴꓷꓼ ꓙꓵꓽ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓯ ꓩꓴ ꓡ ꓡꓳ꓿
ꓠꓚꓖꓴꓐ ꓠꓬ 1990 ꓘꓳꓼ ꓗꓪ ꓑ ꓫꓬ ꓢꓲꓻ ꓣꓴ ꓔꓸ ꓟ ꓝꓲ ꓓꓴ ꓐꓴ ꓜꓲꓼ ꓡꓯ ꓘꓳ ꓢꓲꓸ ꓒꓴ ꓔꓸ ꓟ ꓗꓴꓷꓼ ꓙꓵꓽ ꓜꓴ ꓥ ꓡꓳ꓿ ꓬꓲꓸ ꓪꓴꓸ ꓠꓬ ꓟ-ꓠꓯ-ꓑ-ꓡꓳꓹ꓾ ꓗꓸ ꓠꓯꓸ ꓠꓬ ꓐꓶꓽ ꓟꓵꓽ ꓗꓪ ꓬꓲꓸ ꓚꓰꓺ ꓔꓶ ꓢꓲꓸ ꓒꓳꓹ ꓔꓳꓹ ꓥ ꓟꓲ ꓟꓵꓽ ꓙꓵꓽ ꓗꓽ ꓟꓽ ꓐ ꓡ ꓠꓬꓲ ꓢꓯꓼ ꓐꓽ ꓡꓰ ꓡꓳ꓿
“ꓒꓳꓹ ꓔꓳꓹ ꓟ ꓗꓪ ꓫꓵꓽ ꓓꓳ ꓠꓲꓸ ꓡꓰ ꓚꓱꓹ ꓕꓲꓽ ꓟ ꓠꓬ꓾ ꓟꓬ-ꓟ ꓟꓯꓼ ꓗꓪ ꓐꓰ ꓑ ꓫꓬ ꓔꓯ ꓔꓺ ꓡˍ ꓟ ꓥꓳ꓿ ꓬꓲꓸ ꓪ ꓔꓯ ꓐ ꓡ ꓟꓬ ꓛꓲ ꓙꓲ ꓙꓲ ꓘꓳ ꓣꓴ ꓙ ꓡꓯ” ꓐꓰ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓟꓹ-ꓪꓰꓸ-ꓘꓮꓲꓽ-ꓔꓸ ꓡꓰ ꓐꓯˍ ꓡꓳ꓿
ꓢꓟꓠꓴꓖ ꓗꓴꓷꓼ ꓙꓵꓽ ꓜꓴ ꓢꓽ ꓡ ꓙꓵꓽ ꓐꓰ꓾ ꓟꓬꓱꓽ ꓢꓲꓺ ꓐꓴ ꓠꓬꓲꓽ ꓣꓳ ꓡꓱꓸꓼ ꓡꓰ ꓞꓲ ꓠꓲꓹ ꓠꓬ ꓒꓳꓹ ꓔꓳꓹˍ ꓟ ꓧꓪꓸ ꓡꓰ ꓘꓳꓼ ꓥ ꓡꓳ꓾ ꓐꓰ ꓐꓯˍ ꓡꓳ꓿