2023 ꓘꓳꓼ 11 ꓦ 26 ꓠꓬꓲ ꓟꓶꓽ ꓘꓶꓼ ꓝꓲꓸ ꓗꓪ ꓐꓰ ꓪꓴꓸ ꓔꓴ ꓢꓲ ꓟꓴ-ꓢꓯ ꓟꓲ (105) ꓕꓶꓹ ꓶ ꓡꓯꓼ ꓙ ꓡꓯ ꓘꓳ ꓗꓺ ꓘꓶꓽ ꓒꓲꓼ ꓗꓪ ꓢꓰꓼ ꓡꓯ ꓘꓳ ꓢꓯꓼ ꓑ ꓙ ꓡꓳ꓿
“ꓓ-ꓣꓳ ꓗꓪ ꓚꓳꓸ ꓐꓳꓽ ꓞꓰ ꓠꓬꓹ ꓥ꓿ ꓟꓵꓽ ꓓꓵꓺ ꓓꓵꓺ ꓥꓳ꓿ ꓓ-ꓣꓳ ꓔꓯ ꓑ ꓫꓬ ꓟꓯꓼ ꓡꓰ ꓟꓽ ꓞꓲ ꓟꓬ-ꓟ ꓟꓯꓼ ꓖꓶ ꓜꓱꓽ ꓡ ꓔꓬꓳ” ꓐꓰ ꓟꓴ-ꓢꓯ ꓟꓲꓺ (105) ꓗꓪ ꓔꓬ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
2023 ꓘꓳꓼ 11 ꓦ 23 ꓠꓬꓲ ꓕꓯꓽ ꓚꓲ-ꓢ-ꓚꓳꓼ ꓶ ꓡꓯꓼ ꓙ ꓡꓯ ꓘꓳ ꓒꓲꓼ ꓗꓪ ꓟꓬ-ꓟ ꓟꓯꓼ ꓠꓰ ꓡ ꓛꓴꓸ ꓓꓽ ꓟ ꓗꓪ ꓚꓳꓸ ꓐꓶ ꓡ ꓠꓬꓲ ꓶ ꓤ ꓶ ꓟꓲ ꓚꓰꓹ ꓔꓸ ꓟ ꓟꓳ ꓓꓳ 100 ꓟꓽ ꓞꓲ ꓮ ꓔꓳꓸ ꓙꓬ ꓬꓰꓳ꓿
ꓟꓴꓭꓢꓯ꓾ ꓠꓟꓼ-ꓘꓸ꓾ ꓠꓮꓳ-ꓛꓳꓽ꓾ ꓡ-ꓫꓴꓽ꓾ ꓡꓮꓳꓼ-ꓗꓮꓲꓽ ꓡꓳ ꓒꓱ ꓗꓪ ꓥ ꓟꓲ ꓡꓯ ꓫꓵꓺ ꓓꓶꓽ ꓡꓯ ꓘꓳ ꓢꓯꓼ ꓑ ꓙ ꓡꓳ꓿
ꓡꓳ ꓪꓴꓸ ꓮ ꓬꓲꓼ ꓠꓬꓲ ꓤ 3 ꓜꓴ ꓡꓰ 1027 ꓟꓯꓼ ꓘꓶꓽ (10 ꓦ 27 ꓠꓬꓲ ꓕꓯꓽ ꓪꓴꓸ ꓔꓴ ꓟ ꓟꓯꓼ ꓘꓶꓽ) ꓔꓯ ꓪꓴꓸ ꓔꓴ ꓗꓷ ꓕ ꓑꓳꓸ ꓮ ꓟꓶ ꓥ ꓟꓲ 1127 ꓘꓶꓽ (11 ꓦ 27 ꓠꓬꓲ ꓕꓯꓽ ꓪꓴꓸ ꓔꓴ ꓟ ꓟꓯꓼ ꓘꓶꓽ) ꓔꓯ ꓔꓳꓼ ꓙꓰ ꓓꓴ ꓥꓳ ꓐꓰ 11 ꓦ 25 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓡꓳ꓿