ꓟꓴ-ꓖ-ꓒꓲꓸ ꓗꓪ ꓡꓲ-ꓢꓴ ꓠꓬꓹ ꓕꓲꓽ ꓫꓵꓽ ꓧꓪ ꓟꓶꓳ

ꓟꓴ-ꓖ-ꓒꓲꓸ ꓪ ꓚꓲ ꓗꓪ ꓔꓬ ꓟ ꓠꓬꓹ ꓤꓽ ꓕꓲ ꓫꓵꓽ ꓔꓯ ꓲ-ꓓꓲ-ꓬ ꓠꓬꓹ ꓧꓪ ꓟꓰꓹ ꓢꓴ ꓐꓴ ꓟꓳꓻ ꓡꓰ ꓢꓲꓸ ꓡꓲ-ꓢꓴ ꓠꓬꓹ (The Lisu Wren Babbler) ꓬꓲꓸ ꓟꓬꓱꓺ ꓖꓶ ꓔ ꓡꓳ꓿

ꓠꓬꓹ ꓕꓱ ꓟ ꓠꓬ ꓧꓪ ꓟꓰꓹ ꓢꓴ ꓐꓴ researchers ꓧꓶꓸ ꓕꓯꓽ ꓟꓽ ꓢꓷꓸ ꓠꓬꓲ ꓟ ꓬꓲꓸ ꓢꓯꓼ ꓮ ꓘꓶꓸ ꓙꓲˍ ꓟ ꓠꓬꓹ ꓬꓲꓸ ꓫꓵꓼ ꓕꓲꓽ ꓫꓵꓽ ꓥ ꓡꓳ꓿

ꓠꓬꓹ ꓧꓪ ꓟꓰꓹ ꓒꓽ (5) ꓣꓳ ꓐꓰ ꓙ ꓖꓴ ꓧꓳꓽ ꓢꓴ ꓡꓲ-ꓢꓴ ꓒꓽ ꓬꓳ-ꓡꓲ-ꓢ ꓐꓴ ꓕꓲ ꓜꓴ ꓡꓲ-ꓢꓴ ꓔꓬ ꓟꓵꓽ ꓫꓵꓸ-ꓓꓰ-ꓘꓹ ꓗꓪ ꓐꓰ ꓟꓴ-ꓖ-ꓒꓲꓸ ꓪ ꓚꓲ ꓗꓪ 2022 ꓘꓳꓼ 3 ꓦ ꓕꓯꓽ ꓠꓬꓹ ꓖꓼ ꓛꓳꓽ ꓧꓪ ꓟꓰꓹ ꓙꓰ ꓟ ꓗꓪ ꓠꓬꓹ ꓕꓱ ꓕꓲꓽ ꓫꓵꓽ ꓔꓯ ꓧꓪ ꓟꓶˍ ꓟ ꓥ ꓡꓳ꓿

ꓬꓲꓸ ꓪ ꓧꓪ ꓟꓶˍ ꓟ ꓠꓬꓹ ꓬꓲꓸ ꓐꓬꓱꓽ꓾ ꓬꓲꓸ ꓢꓯꓼ ꓔꓯ ꓧꓶꓸ ꓕꓯꓽ ꓧꓪ ꓟꓰꓹ ꓔꓸ ꓟ science data ꓔꓯ ꓔꓯꓺ ꓠꓬꓲ ꓗꓷ ꓠꓬ꓾ ꓬꓲꓸ ꓫꓵꓼ ꓕꓲꓽ ꓫꓵꓽ ꓥ ꓟ ꓢꓷꓸ ꓡꓰ ꓡꓳ꓿ ꓠꓬꓹ ꓟꓸ ꓟꓲ ꓜꓲ ꓜꓲ ꓟꓳ ꓟꓳ ꓔꓯ Indian BIRDS ꓗꓪ ꓐꓳ ꓧꓳꓽ ꓔꓸ ꓡꓳ꓿

ꓐꓬꓱꓽ꓾ Yolisa Yobi, minom pertin

ꓠꓬꓹ ꓢꓯꓼ ꓠ ꓠꓹ ꓓꓴ

https://www.eastmojo.com/arunachal-pradesh/2022/12/10/arunachal-birds-unique-song-leads-to-discovery-of-a-possible-new-species/