ꓟꓴ ꓖꓪ ꓖꓪ ꓟ ꓟ-ꓕꓹ-ꓕꓴꓸ-ꓪꓹ ꓬꓲꓸ ꓟꓹ ꓟ ꓫꓵꓻꓳ

“Surprise Lily” ꓐꓯˍ ꓟ ꓗꓳ-ꓣꓲꓸ-ꓬ ꓟꓴ ꓖꓪ ꓔꓯ KBS’s ‘National Trot Championships ꓗꓪ ꓖꓪ ꓔꓯꓺ ꓡꓯ ꓘꓳ ꓢꓲꓸ ꓟꓬꓱ ꓓꓳꓽ ꓙꓳ ꓡ ꓟ ꓟ-ꓕꓹ-ꓕꓴꓸ-ꓪꓹ ꓬꓲꓸ ꓟꓹ ꓟ ꓟꓮꓲꓽ-ꓕꓴꓸ-ꓪꓹ (41 ꓘꓳꓼ) ꓠꓬ ꓗꓲ-ꓢ ꓠꓻ ꓢꓲꓸ 2022 ꓘꓳꓼ 5 ꓦ 29 ꓠꓬꓲ 6:49 ꓙꓵꓹ ꓕꓯꓽ ꓗꓳ-ꓣꓲ-ꓬ ꓟꓵꓽ ꓗꓪ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿

ꓬꓲꓸ ꓐꓹ ꓐꓽ ꓥ ꓟꓲ ꓢꓳꓸ-ꓕꓴꓸ-ꓪꓹ ꓥ ꓟꓲ ꓗꓳꓸ ꓗꓷ ꓟ 8 ꓘꓳꓼ ꓕꓯꓽ ꓫꓵꓻꓳ꓿ ꓮ ꓟꓶ ꓬꓲꓸ ꓟꓹ ꓟ ꓥ ꓟꓲ ꓗꓲ-ꓢ ꓠꓻ ꓫꓵꓽ ꓳꓶꓸ ꓓꓴ ꓫꓵꓻꓳ꓿

“ꓜꓰ ꓒꓰꓹ ꓟ ꓤ ꓠꓱ ꓐꓴ ꓔꓯ ꓫꓸ ꓠꓬꓲ ꓤꓼꓳ꓿ ꓪꓴ-ꓢ ꓡꓳꓸ ꓙ ꓝꓲ ” ꓐꓰ ꓪꓽ ꓘꓴ ꓙ ꓢꓴ ꓮ ꓟꓬꓹ ꓙꓳ ꓡꓳ꓿

ꓟꓬ-ꓟ ꓗꓴꓷꓼ ꓗꓪ ꓢꓰꓼ ꓡꓯ ꓘꓳˍ ꓟ ꓟꓽ ꓠꓽ ꓡꓰˍ ꓠꓬꓲ ꓬꓲꓸ ꓪ ꓕꓲꓽ ꓦꓲ ꓠꓬ ꓕꓮꓲꓹ ꓟꓵꓽ ꓗꓪ ꓐꓰ ꓕꓲ ꓝꓸ ꓗꓳ-ꓣꓲ-ꓬꓸ ꓗꓪ ꓬꓯꓽ ꓐꓯꓽ ꓚꓲꓸ ꓓꓵꓽ ꓙꓰˍ ꓟ ꓥ ꓡꓳ꓿