2022 ꓘꓳꓼ 7 ꓦ 22 ꓠꓬꓲ 9:20 ꓙꓵꓹ ꓗꓪ ꓟꓳ ꓟꓵꓽ꓾ ꓟꓳ-ꓡꓲ-ꓟꓬꓲꓽ ꓡꓳ ꓒꓱ꓾ ꓫꓱ-ꓔꓮꓳ꓾ ꓮ-ꓕ-ꓗꓼ (5) ꓢꓷꓸ ꓠꓲꓹ ꓢꓳ ꓦꓲ ꓐꓱ ꓘꓶꓽ ꓚꓬꓹ ꓐꓱꓽ ꓡꓶꓽ ꓡ ꓢꓲ꓾ 5 ꓣꓳ ꓫꓵꓻꓳ꓿
“ꓐꓱ ꓘꓶꓽ ꓚꓬꓹ ꓠꓬ ꓟ-ꓡ-ꓪꓰꓸ ꓙꓲꓺ ꓔꓲꓺ ꓕꓯꓽ ꓢꓲ ꓔꓺ ꓡ ꓠꓬꓲ ꓤꓽ 2 ꓣꓳ꓾ ꓤ ꓟꓶꓼ 3 ꓣꓳ ꓔꓲꓺ ꓢꓰꓼꓳ꓿ ꓠꓻ ꓓꓴ ꓡꓰ ꓢꓴˍ ꓟꓲ ꓙꓳ ꓡꓳ” ꓐꓰ ꓖꓳ ꓗꓪ ꓚꓬꓴꓹ ꓙ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓫꓵꓻ ꓢꓴ ꓐꓴ ꓔꓯ ꓠꓯ ꓞꓲꓼ ꓦꓲ ꓗꓪ ꓝꓳꓺ ꓔꓸ ꓢꓲ꓾ ꓢꓷ ꓠꓲꓹ ꓢꓳ ꓦꓲ ꓖꓳ ꓗꓪ ꓙꓰˍ ꓟ ꓙ ꓖꓴ ꓔꓯ ꓑꓲꓸ ꓗꓷ ꓢꓲꓸ ꓟꓯꓼ ꓐꓴ ꓗꓽ ꓡꓳꓸ ꓔꓬ ꓡꓳ꓿
ꓕꓱ ꓕꓲ ꓝꓲꓸ ꓠꓬ ꓟꓬ-ꓟ ꓗꓴꓷꓼ ꓖꓴ ꓟꓶꓸ ꓕꓲ ꓛꓱꓽ ꓔꓯꓸ ꓢꓲ ꓟꓶꓽ ꓦ ꓠꓬ ꓐꓯ ꓝꓲꓺ ꓗꓪ ꓚꓳꓸ ꓧꓳꓸ ꓛꓳꓼ ꓩꓴ ꓡ ꓟ ꓡꓰ ꓐꓰ ꓜꓯꓼ ꓔꓬ ꓡꓳ꓿
ꓬꓲꓸ ꓚꓰ꓾ Than Lwin Times