ꓢꓳ-ꓡꓳ-ꓪ-ꓗꓲ-ꓬ ꓟꓵꓽ ꓗꓪ ꓐꓰ ꓚꓰꓼ ꓓꓳ ꓩꓴ ꓡ ꓟ꓾ ꓟꓲ ꓠꓯ ꓗꓪ ꓟꓳ-ꓓꓳ ꓡꓰ ꓐꓰ꓾ ꓟꓴ ꓪꓴꓽ ꓗꓪ ꓐꓬꓱ-ꓦꓲ ꓡꓰ ꓐꓰ ꓠꓬꓲꓽ ꓫꓵꓽ ꓡꓱꓸꓼ ꓙꓰ ꓚꓳ ꓐ ꓡ ꓟ ꓟꓳ-ꓓꓳ ꓐꓬꓱ-ꓦꓲ (ꓟꓳ-ꓐꓬꓱ) ꓔꓯ ꓐꓬꓱ ꓦꓲ ꓠꓽ ꓔꓶꓸ ꓕꓲ ꓟ ꓗꓪ ꓐꓰ ꓝꓮꓲ ꓕꓲ ꓟ ꓗꓪ ꓛꓲ ꓠ ꓡꓲꓺ 35 ꓧꓶ ꓫꓵꓸ ꓤꓹ ꓠꓬꓲ ꓗꓷꓳ=
Prof Klein ꓡꓰ ꓫꓵꓸ ꓤꓹ ꓠꓬꓲ ꓗꓷ ꓠꓬ꓾ 170 ꓗꓟ/ꓧꓣ ꓕꓶꓸ ꓕꓶꓸ ꓙꓰ ꓐ ꓡ ꓡꓳ= ꓟꓳ-ꓓꓳ ꓗꓪ ꓐꓰ ꓐꓬꓱ ꓦꓲ ꓑꓲꓸ ꓠꓹ ꓟ ꓠ ꓡꓲꓺ 3 ꓧꓶ ꓙꓱ ꓘꓪ ꓪꓽ ꓐꓶ ꓡꓳ= ꓬꓲꓸ ꓓꓴ ꓡꓯꓼ ꓠꓬꓲꓽ ꓐꓽ ꓔꓯ ꓘꓱꓹ ꓫꓺ ꓩꓴ ꓙꓲ ꓟ ꓥ ꓡꓳ= ꓮ ꓟꓳꓽ 160 ꓘꓹ ꓢꓯꓼ ꓙꓳ ꓟ ꓐꓟꓪ ꓙꓼ ꓥ ꓡꓳ=
ꓟꓳ ꓐꓬꓱ ꓕꓱ ꓟ ꓠꓬ ꓡ ꓞꓳ 2 ꓣꓳ ꓜꓶꓽ ꓐ ꓡ ꓢꓲ ( ꓮ ꓙꓵꓽ ꓠꓬ 200 ꓗꓖ ꓚꓰꓹ ꓓ ꓡꓳ)꓾ ꓟꓳ-ꓓꓳ ꓗꓪ ꓣꓱꓽ ꓟ ꓮ ꓔꓳꓸ ꓜ (ꓑꓰꓔꓣꓳꓡ) ꓣꓱꓽ ꓙꓲ ꓡꓳ= ꓖꓳ ꓡꓱ ꓥ ꓟꓲ ꓐꓬꓱ ꓦꓲ ꓔꓶꓹ ꓚꓱꓹ ꓣꓱꓽ ꓬꓯꓼ ꓡꓳ=
ꓟꓳ ꓙꓱ (ꓐꓬꓱ) ꓕꓱ ꓡꓱꓳ ꓫꓵꓽ ꓫꓬꓹ ꓚꓰꓼ ꓠꓹ ꓟ ꓗꓴꓷꓼ ꓮ ꓟꓬꓹ ꓗꓪ ꓢꓯꓼ ꓕꓵꓼ ꓔꓬ ꓟ ꓥ ꓡꓳ= ꓫꓬꓹ ꓐ ꓡ ꓠꓹ ꓟ ꓮ ꓟꓶ ꓠꓬ ꓦ ꓐꓬꓱꓽ ꓡꓰ ꓟꓽ ꓥꓻꓳ= ꓚꓵ ꓚꓵ ꓒꓬꓱꓼ ꓡ ꓔꓬ ꓡꓳ= ꓡ ꓠꓹ ꓟ ꓦꓬꓼ ꓠꓬꓲ ꓗꓪ꓾ ꓮ ꓟꓬꓹ ꓫꓬꓹ ꓢꓲꓸ ꓪꓴꓽ ꓐ ꓡ ꓠꓹ ꓟ ꓗꓴꓷꓼ ꓙꓵꓽ ꓜꓴ ꓐꓴ ꓔꓯ ꓫꓸ ꓕꓱ ꓖꓪ ꓙꓱ ꓔꓬ ꓡꓳ꓾ ꓐꓰ Klein Vision ꓶ ꓡꓯꓼ ꓜꓴ ꓡꓰ ꓐꓯ ꓡꓳ=