ꓬꓥ-ꓖꓳꓥ ꓟꓵꓽ꓾ ꓟꓳ-ꓐꓲ ꓡꓳ ꓒꓱ ꓗꓪ ꓔꓬ ꓟ ꓡꓲ-ꓢꓴ ꓙꓲ-ꓢꓴ ꓘꓴ ꓜꓲꓼ ꓞꓳ ꓐꓴ ꓪꓽ ꓘꓴ ꓦꓲ ꓕꓲ ꓟ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 2 ꓠꓬꓲ ꓗꓪ ꓐꓰ ꓫꓬꓹ ꓪꓴꓸ ꓔꓴ ꓔꓬ ꓡꓳ
ꓠꓯꓼ ꓝꓲꓸ 7 ꓙꓵꓹ ꓗꓪ ꓠꓬ ꓪ ꓘꓴ ꓦꓲ ꓫꓬꓹ ꓗꓳ-ꓟꓲ-ꓔꓲ ꓐꓴ ꓐꓰ ꓟꓬꓱꓽ ꓬꓰ ꓢꓴ ꓐꓴ ꓜꓲꓼ ꓡꓯ ꓘꓳ ꓢꓲ. ꓦꓲ ꓫꓬꓹ ꓪꓴꓸ ꓔꓴ ꓡꓯꓼ ꓙꓱ ꓪ ꓘꓴ ꓜꓲꓼ ꓓꓴ ꓕꓲ ꓟ ꓬꓰ ꓗꓷꓳ꓿
“ꓪ ꓘꓴ ꓦꓲ ꓟ ꓕꓱ ꓡꓱ ꓫꓹ ꓪꓴꓸ ꓔꓴ ꓔꓬ ꓪ꓿ ꓶ ꓤ ꓫꓱꓸ ꓤꓼ ꓟ ꓮ ꓙꓬ ꓡꓰ ꓐꓰ ꓬꓲꓻ ꓡ ꓠꓹ ꓟ ꓮ ꓘꓶꓸ ꓪ ꓘꓴ ꓙ” ꓐꓰ ꓒꓵꓽ ꓶꓽ ꓫꓺ ꓢꓴ ꓟꓸ ꓒ ꓓꓶ-ꓢ-ꓐꓳ ꓡꓰ ꓐꓯ ꓡꓳ꓿
“ꓮ ꓟꓶ 60 ꓢꓯꓹ ꓛꓲ ꓗꓪ ꓚꓳꓸ ꓦꓲꓺ ꓬꓲꓸ ꓚꓰꓺ ꓟ ꓜꓶ ꓪꓴꓸ ꓔꓴ ꓓꓴ ꓥꓳ꓿ ꓔꓲꓺ ꓖꓶ ꓢꓴ ꓙꓳ ꓡ ꓠꓬ ꓙꓳ ꓡ ꓟ ꓡꓰ ꓐꓰ ꓫꓹ ꓝꓸ ꓙꓰ ꓓꓴ ꓥꓳ” ꓐꓯ ꓡꓳ꓿
1994 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓟꓸ ꓒ ꓓꓽ ꓟ ꓡꓯ-ꓟꓯ ꓬꓳ-ꓫꓴ ꓡꓰ ꓙ ꓖꓴ ꓪꓴꓸ ꓕꓴꓸ ꓔꓸ ꓟ ꓗꓪ꓾ ꓡꓲ-ꓢꓴ ꓐꓴ ꓢꓲꓽ ꓫꓬ ꓕꓳ ꓶ ꓢꓳ꓾ꓢꓷꓸ ꓠꓲꓹ ꓢꓳ ꓢꓴ ꓐꓰ ꓶ ꓡꓯꓼ ꓬꓰ ꓢꓴ ꓐꓴ ꓟꓳ-ꓐꓲ ꓗꓪ ꓔꓬ ꓪꓴꓸ ꓔꓴ ꓩꓴ ꓡ ꓟ ꓥ ꓢꓲꓸ ꓮ ꓟꓶ ꓠꓬ ꓦꓲ ꓚꓰꓺ ꓙꓳ ꓢꓴ 20 ꓦꓲ ꓛꓲ ꓙꓳ ꓡꓳ꓿