ꓟꓲ ꓠꓯ ꓗꓴꓷꓼ ꓜꓴ ꓝꓲ ꓓꓴ ꓟꓰꓹ-ꓮꓳ-ꓡꓮꓲꓽ ꓔꓯ ꓬꓲꓸ ꓪꓴꓸ ꓕꓲꓽ ꓧꓪꓹ ꓜꓲ ꓓꓴ ꓥꓳ

ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓟꓬ-ꓟ ꓗꓴꓷꓼ ꓐꓱ ꓶ ꓝꓲ ꓓꓴ ꓠꓳ-ꓡꓲꓹ ꓦꓯꓹ-ꓤ ꓠꓬ ꓠꓬꓲꓸ ꓠꓬꓲ 2022 ꓘꓳꓼ 8 ꓦ 17 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓜꓲꓽ ꓗꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓜꓲ ꓡꓯ ꓘꓳ ꓓꓴ ꓥꓳ ꓐꓯ ꓡꓳ꓿

ꓬꓲꓸ ꓠꓬ ꓮꓽ ꓟꓲ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓛꓲ ꓡ ꓟ ꓥ ꓡꓳ꓿ ꓬꓲꓸ ꓟꓬꓱꓽ ꓕꓱ ꓟ ꓘꓴ ꓣꓴ ꓗꓷ ꓕꓲ ꓠꓬꓲ ꓗꓪ ꓐꓰ 1 ꓘꓳꓼ ꓙ ꓡ ꓕꓯꓽ ꓢꓲꓸ ꓟꓬ-ꓟ ꓗꓴꓷꓼ ꓗꓪ ꓬꓲꓸ ꓪꓴꓸ ꓕꓲ ꓧꓪꓹ ꓓꓵꓽ ꓪ ꓡꓰ ꓟ ꓥ ꓡꓳ꓿

ꓬꓲꓸ ꓡˍ ꓟ ꓔꓯ ꓠꓴꓖ ꓔꓶ ꓔꓶ ꓗꓪ ꓐꓰ ꓮ ꓫꓵꓽ ꓥꓳ ꓡꓳꓸ ꓓꓴ ꓟꓽ ꓙꓳ꓾ ꓐꓰ ꓐꓯ ꓔꓸ ꓡꓳ꓿ “ꓟꓬ-ꓟ ꓟꓯꓼ ꓗꓳ-ꓢꓰ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓘꓳ ꓣꓴˍ ꓟ ꓢꓷꓸ ꓡꓰ ꓓꓴ ꓟꓽ ꓗꓷ ꓡꓰ ꓠꓹ ꓟ ꓤ ꓟꓳ ꓙꓲꓽ ꓙꓳˍ ꓡꓳ” ꓐꓰ ꓠꓴꓖ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓟ ꓜꓲ-ꓟ-ꓮꓳ ꓡꓰ ꓐꓯ ꓔꓸ ꓡꓳ꓿