ꓮ ꓟꓶ ꓕꓳ ꓶ ꓕꓱ ꓕꓲ ꓕꓳꓸ ꓗꓪ ꓠꓬ꓾ ꓝꓯ-ꓓ-ꓬꓯ ꓙꓵꓽ ꓚꓱꓹ ꓔꓯ ꓟꓳꓸ ꓬꓲꓸ ꓟꓳ ꓡꓱꓽ ꓢꓳ ꓠꓬꓲ ꓓꓴ ꓥꓳ= ꓝꓯ-ꓓ-ꓬꓯ ꓙꓵꓽ ꓚꓱꓹ ꓐꓯ ꓟ ꓠꓬ꓾ ꓗꓴꓷꓼ ꓙꓵꓽ ꓚꓱꓹ ꓗꓪ ꓐꓰ ꓙ ꓖꓴ ꓒꓴ ꓖꓶꓽ ꓔꓸ ꓟ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓟ ꓐꓰ꓾ ꓖꓳ ꓡꓱ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓟ ꓟꓵꓽ ꓮ ꓟꓬꓹ ꓔꓺ ꓫꓳꓹ ꓢꓲꓸ ꓙꓵꓽ ꓟ ꓙꓵꓽ ꓚꓱꓹ ꓥ ꓡꓳ= ꓖꓳ ꓟ ꓑꓶꓸ ꓓꓴ ꓙꓵꓽ ꓢꓴ ꓠꓬꓲꓽ ꓕꓲꓸ ꓙꓳ ꓡ ꓡꓳ= ꓗꓴꓷꓼ ꓕꓲ ꓟ ꓡꓱꓸ ꓗꓪ ꓠꓬ ꓮ ꓙꓵꓽ ꓟ ꓪꓴꓸ ꓗꓪ ꓙꓵꓽ ꓢꓴ ꓕꓲ ꓕꓲꓸ ꓙꓳ ꓢꓲ꓾ ꓟꓵꓽ ꓫꓴ ꓗꓪ ꓠꓬ ꓟꓵꓽ ꓫꓴ ꓕꓲ ꓟ ꓡꓲ ꓕꓲ ꓟ ꓗꓪ ꓙꓵꓽ ꓢꓴ ꓕꓲ ꓜꓴ ꓙꓳ ꓡ ꓡꓳ= ꓟꓵꓽ ꓫꓴ ꓗꓪ ꓠꓬ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓚꓱꓹ ꓬꓰ ꓢꓲꓸ ꓙꓵꓽ ꓡꓳ= ꓖꓳ ꓡꓱ ꓥ ꓟꓲ ꓗꓴꓷꓼ ꓕꓲ ꓟ ꓡꓱꓸꓼ ꓗꓪ ꓠꓬ ꓮ ꓙꓵꓽ ꓢꓴ ꓔꓺ ꓢꓲ ꓙꓵꓽ ꓟ ꓥ ꓡꓳ=
ꓝꓯ-ꓓ-ꓬꓯ ꓙꓵꓽ ꓚꓱꓹ ꓔꓯ ꓡꓲ-ꓢꓴ꓾ ꓟꓬ-ꓟ ꓐꓰ ꓧꓪ ꓒꓴ ꓥꓳꓽ ꓗꓪ ꓕꓱ ꓡꓱ ꓒꓶ ꓟꓸ ꓖꓶ ꓡ ꓠꓬ ꓟꓬꓽ ꓠꓬꓲ ꓙ ꓜꓲꓼ ꓢ ꓥꓳ ꓐꓰ ꓓꓵꓽ ꓙ ꓡꓳ= “ꓝꓯ-ꓓ-ꓬꓯ ꓙꓵꓽ ꓚꓱꓹ ꓠꓬ ꓗꓴꓷꓼ ꓙꓵꓽ ꓚꓱꓹ ꓡꓳ ꓚ ꓙꓵꓽ ꓪ ꓖꓶ ꓩꓴ ꓡ ꓟ꓾ ꓗꓴꓷꓼ ꓫꓴ ꓕꓲ ꓙꓶ ꓗꓪ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓚꓱꓹ ꓥ ꓢꓲ꓾ ꓗꓴꓷꓼ ꓕꓲ ꓙꓶ ꓗꓪ ꓠꓬ ꓮ ꓙꓵꓽ ꓢꓴ ꓔ ꓫꓳꓹ ꓔ ꓧꓳꓽ ꓢꓲꓸ ꓙꓵꓽ ꓟ ꓙꓵꓽ ꓚꓱꓹ ꓥ ꓡꓳ= ဖက္ဒရယ္စနစ္ဆိုသည္မွာ အေျခခံဥပေဒအရ ခြင့္ျပဳထားေသာ၊ အာမခံခ်က္ေပးထားေသာ ျပည္နယ္ ဆို င္ရာ ကိုယ္ပိုင္ အုပ္ခ်ဳပ္ေရး (self rule in state level) ႏွင့္ ႏိုင္ငံဆိုင္ရာ စုေပါင္းအုပ္ခ်ဳပ္ေရး (shared rule in national level) စနစ္ျဖစ္သည္။ Federalism is self-rule in state level and shared rule in national level guaranteed by Constitution.” ꓕꓱ ꓟ ꓗꓪ ꓐꓰ ꓗꓴꓷꓼ ꓥ ꓟꓲ ꓟꓽ ꓐꓬ ꓡꓰ꓾ ꓗꓴꓷꓼ ꓫꓴ ꓐꓴ ꓥ ꓟꓲ ꓠꓲꓹ ꓘꓪ ꓫꓵ ꓟ ꓙꓵꓽ ꓚꓱꓹ ꓒꓬꓱꓼ ꓡ ꓡꓳ= ꓠꓬꓲꓸ ꓤꓲ ꓟ ꓐꓰ꓾ ꓠꓲꓹ ꓘꓪ ꓟꓽ ꓫꓵ ꓓꓴ ꓮ ꓟꓬꓹ ꓔꓯ ꓒꓶꓻ ꓫꓬ ꓡꓰ ꓝꓲ ꓐ ꓡ ꓟ ꓙꓵꓽ ꓚꓱꓹ ꓥ ꓡꓳ= ꓝꓯ-ꓓ-ꓬꓯ ꓙꓵꓽ ꓚꓱꓹ ꓠꓬ ꓞꓳ ꓫꓵꓽ ꓞꓳ ꓙꓰ ꓡꓲ ꓒꓲꓼ ꓟꓽ ꓫꓱꓸ ꓢꓴ ꓮ ꓟꓬꓹ ꓔꓯ ꓗꓴꓷꓼ ꓠꓯꓸꓼ ꓗꓪ ꓠꓬꓲꓸ ꓤꓲ ꓟ ꓟꓽ ꓙꓳ ꓙꓳ ꓕꓲ ꓠꓲꓹ ꓕꓲ ꓪ ꓔꓬ ꓝꓲ ꓐ ꓡ ꓟ ꓙꓵꓽ ꓚꓱꓹ ꓟꓴ ꓚꓱꓹ ꓕꓲ ꓟ ꓥ ꓡꓳ= ꓮ ꓟꓶ ꓟꓬ-ꓥ ꓗꓴꓷꓼ ꓗꓪ ꓠꓬ ꓙꓵꓽ ꓚꓱꓹ ꓕꓱ ꓟ ꓬꓲ ꓛꓲ ꓡ ꓛꓴꓸ ꓡꓰ ꓟꓽ ꓓ ꓟꓽ ꓢ ꓗꓴꓷꓼ ꓔꓯ ꓧꓶꓹ ꓜꓯ ꓔꓬ ꓟ ꓦꓬꓼ ꓠꓬꓲ ꓥ ꓡꓳ= ꓗꓴꓷꓼ ꓔꓯ ꓕꓲ ꓠꓲꓹ ꓕꓲ ꓪ꓾ ꓕꓲ ꓑꓴ ꓕꓲ ꓧꓪꓽ ꓧꓶꓹ ꓜꓯ ꓠꓹ ꓟ ꓗꓪ ꓟꓯꓼ ꓙꓵꓽ ꓪ ꓗꓪ ꓐꓰ ꓬꓰ ꓔꓬ ꓠꓬꓲ ꓔꓳꓹ ꓢꓴ ꓟꓬꓽ ꓡ ꓟ ꓥ ꓡꓳ= ꓚꓲ ꓛꓬ ꓟꓵꓽ ꓗꓪ ꓚꓲ ꓛꓬ ꓙꓵꓽ ꓝꓲ ꓟ ꓗꓪ ꓐꓰ ꓮ ꓙꓵꓽ ꓢꓴ ꓠꓬ ꓠꓲꓹ ꓘꓪ ꓫꓵ ꓡꓰ ꓢꓲꓸ ꓗꓴꓷꓼ ꓕꓲ ꓙꓶ ꓗꓪ ꓪꓽ ꓡꓯ ꓘꓳ ꓟ ꓟꓬꓽ ꓡ ꓥꓳ ꓐꓰ ꓥꓳ ꓡꓳꓸ ꓢꓴ ꓙꓳ ꓡꓳ= ꓟꓯꓼ ꓙꓵꓽ ꓪ ꓡꓰ ꓧꓶꓹ ꓗꓷ ꓟ 70 ꓘꓳꓼ ꓟꓽ ꓞꓲ ꓙꓳ ꓡꓰ ꓥ ꓟꓲ ꓟꓽ ꓧꓶꓹ ꓜꓳ ꓡꓰ= ꓠꓬꓲꓸ ꓤꓲ ꓟ ꓔꓯ ꓢꓷꓸ ꓢꓴ ꓟꓬꓽ ꓡ ꓢꓲ ꓒꓳꓹ ꓔꓳꓹ ꓢꓴ ꓟꓬꓽ ꓡ ꓡꓳ= ꓖꓳ ꓟ ꓑꓶꓸ ꓓꓴ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓚꓱꓹ ꓗꓪ ꓐꓰ ꓢꓲ ꓡꓲꓹ ꓟ ꓙꓳ ꓡ ꓝꓲ ꓐꓰ ꓥꓳ ꓡꓳꓸ ꓢꓲꓸ ꓟꓬꓱꓽ ꓬꓰ ꓔꓬ ꓟ ꓥ ꓡꓳ= ꓖꓳ ꓡꓱ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓟ ꓗꓪ ꓑ ꓫꓬ ꓐꓴ ꓙꓵꓽ ꓪ ꓟꓶ ꓟ ꓟꓲ ꓥ ꓡꓳ= ꓑ ꓫꓬ ꓙꓵꓽ ꓪ ꓙꓳ ꓟ ꓔꓯ ꓓꓰꓟꓳꓚꓣꓮꓚꓬ ꓙꓵꓽ ꓚꓱꓹ ꓐꓯ ꓡꓳ= ꓖꓳ ꓟ ꓑꓶꓸ ꓓꓴ ꓝꓯ-ꓓ-ꓬꓯ ꓐꓰ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓠꓬꓲꓽ ꓟ ꓔꓺ ꓩꓴ ꓢꓲꓸ ꓟꓬ-ꓟ ꓗꓴꓷꓼ ꓢꓲ ꓡꓲꓹ ꓟ ꓐꓰ꓾ ꓪꓴꓽ ꓟꓴ ꓡ ꓠꓹ ꓟ ꓙ ꓖꓶꓽ ꓔꓬ ꓡꓳ=
ꓝꓯ-ꓓ-ꓬꓯ ꓙꓵꓽ ꓚꓱꓹ ꓮ ꓡꓲ ꓚꓰꓼ ꓒꓬꓱꓼ ꓡ ꓓ ꓟ ꓬꓲꓸ ꓟꓳ ꓡꓱꓽ ꓔꓯ ꓕꓱ ꓡꓱ ꓢꓳ ꓟꓶ ꓓ ꓡꓳ= ꓟꓬ-ꓟ ꓗꓴꓷꓼ ꓗꓪ ꓮ ꓡꓲ ꓒꓬꓱꓼ ꓡ ꓟ ꓠꓬ ꓡꓯ ꓫꓵ ꓠꓬ ꓐꓶꓽ ꓔꓶꓸ ꓡꓳꓸ ꓠꓬꓲ ꓠ ꓗ ꓡꓳ=
- ꓝꓯ-ꓓ-ꓬꓯ ꓙꓵꓽ ꓚꓱꓹ ꓠꓬ ꓗꓴꓷꓼ ꓙꓵꓽ ꓚꓱꓹ ꓡꓳ ꓚ ꓙꓵꓽ ꓪ ꓖꓶ ꓩꓴ ꓡ ꓟ꓾ ꓗꓴꓷꓼ ꓫꓴ ꓕꓲ ꓙꓶ ꓗꓪ ꓚꓲ ꓛꓬ ꓔꓱꓹ ꓚꓲ ꓛꓬ ꓙꓵꓽ ꓚꓱꓹ ꓥ ꓢꓲ꓾ ꓗꓴꓷꓼ ꓕꓲ ꓙꓶ ꓗꓪ ꓠꓬ ꓮ ꓙꓵꓽ ꓢꓴ ꓔ ꓫꓳꓹ ꓔ ꓧꓳꓽ ꓢꓲꓸ ꓙꓵꓽ ꓟ ꓙꓵꓽ ꓚꓱꓹ ꓥ ꓡꓳ= ဖက်ဒရယ်စနစ်ဆိုသည်မှာ အခြေခံဥပဒေအရ ခွင့်ပြုထားသော၊ အာမခံချက်ပေးထားသော ပြည်နယ် ဆိုင်ရာ ကိုယ်ပိုင် အုပ်ချုပ်ရေး (self rule in state level) နှင့် နိုင်ငံဆိုင်ရာ စုပေါင်းအုပ်ချုပ်ရေး (shared rule in national level) စနစ်ဖြစ်သည်။ Federalism is self-rule in state level and shared rule in national level guaranteed by Constitution.”
ꓝꓯ-ꓓ-ꓬꓯ ꓙꓵꓽ ꓚꓱꓹ ꓗꓪ ꓠꓬ ꓜꓴ ꓗꓪ ꓑ ꓫꓬ ꓝꓲ ꓓꓴ ꓮ ꓟꓬ ꓣꓳ ꓝꓲ ꓓ ꓟ ꓟꓽ ꓫꓱꓸ ꓡꓯ ꓘꓳ ꓟ ꓐꓰ꓾ ꓝꓯ-ꓓ-ꓬꓯ ꓟꓵꓽ ꓫꓴ ꓕꓲ ꓟ ꓡꓲ ꓕꓲ ꓟ ꓗꓪ ꓐꓰ ꓑ ꓫꓬ ꓝꓲ ꓓꓴ ꓬꓲꓸ ꓣꓳ ꓕꓲ ꓟꓳꓹ ꓤꓼ ꓡꓰ ꓝꓲ ꓓ ꓟ ꓠꓬꓲꓽ ꓫꓵꓽ ꓒꓬꓱꓼ ꓡ ꓓ ꓡꓳ= ဖက်ဒရယ် စနစ်တွင် အချီးညီဖက်ဒရယ် (သို့မဟုတ်) အချိုးမညီ ဖက်ဒရယ် ဟူ၍ တစ်မျိုးမဟုတ် တစ်မျိုးဖြစ်နိုင်သည်။ In Federal system, it will be either symmetric Federalism or Asymmetric Federalism.ꓝꓯ-ꓓ-ꓬꓯ ꓙꓵꓽ ꓚꓱꓹ ꓗꓪ ꓟꓵꓽ ꓔꓶ ꓔꓶ ꓗꓪ (ꓟꓽ ꓥ ꓠꓬ) ꓞꓳ ꓫꓵꓽ ꓔꓶ ꓔꓶ ꓗꓪ ꓐꓰ ꓙꓵꓽ ꓢꓴ ꓧꓳꓽ ꓢꓴ ꓢꓲ ꓣꓴ ꓟ ꓙꓳ ꓗꓴꓸ ꓡꓳ= ဖက်ဒရယ် စနစ်တွင် ပထဝီဝင်ဒေသအနေအထားကို အခြေခံသော ဖက်ဒရယ်စနစ် နှင့် လူမျိုးကို အခြေခံသော ဖက်ဒရယ်စနစ် ဟူ၍ တစ်မျိုးမဟုတ် တစ်မျိုး ဖြစ်နိုင်ပါသည်။ In Federal system, it will be either Territorial Federalism or Ethinic Federalism.ꓝꓯ-ꓓ-ꓬꓯ ꓙꓵꓽ ꓚꓱꓹ ꓗꓪ ꓗꓴꓷꓼ ꓜꓴ ꓚꓰ ꓣꓴ ꓜꓲꓼ ꓔꓸ ꓟ ꓐꓰ꓾ ꓝꓮꓲ ꓗꓴꓷꓼ ꓜꓴ ꓚꓰ ꓗꓪ ꓐꓰ ꓙꓵꓽ ꓪ ꓐꓱ ꓖꓶ ꓟ ꓠꓬꓲꓽ ꓫꓵꓽ ꓗꓪ ꓐꓰ ꓕꓲ ꓫꓵꓽ ꓒꓬꓱꓼ ꓡ ꓓ ꓡꓳ= ဖက်ဒရယ် စနစ်တွင် ကွဲပြားနေသော ပြည်ထောင်များကို ဗဟိုတွင် စုစည်းထားသော စနစ် နှင့် လုပ်ပိုင်ခွင့်အာဏာများကို ဗဟိုမှ ပြည် ထောင်စု အဖွဲ့ဝင် ပြည်နယ်များသို့ ခွဲဝေပေးသော စနစ် တစ်မျိုးမဟုတ် တစ်မျိုးဖြင့် ဖွဲ့စည်း တည်ထောင်ကြပါသည်။ In Federal system, it will be either Aggregation Federalism or Devolution Federalism.ꓝꓯ-ꓓ-ꓬꓯ ꓠꓬ ꓗꓴꓷꓼ ꓚꓰ ꓗꓪ ꓐꓰ ꓗꓪꓼ ꓔꓸ ꓙꓵꓽ ꓔꓸ ꓟ ꓔꓯ ꓒꓶ ꓩꓴ ꓡ ꓟ ꓡꓰꓽ ꓟꓽ ꓥ= ꓗꓴꓷꓼ ꓙꓵꓽ ꓚꓱꓹ ꓕꓳ ꓶ ꓓꓽ ꓟ ꓗꓪ ꓐꓰ ꓬꓲꓸ ꓔꓱꓹ ꓬꓲꓸ ꓙꓵꓽ ꓪ ꓐꓱ ꓖꓶ ꓩꓴ ꓡ ꓟ ꓥ ꓢꓲ꓾ ꓗꓴꓷꓼ ꓚꓰ ꓗꓪ ꓛꓲ ꓚꓲ ꓛꓬ ꓝꓯ-ꓓ-ꓬꓯ ꓟꓵꓽ ꓐꓱ ꓶ ꓬꓲꓸ ꓛꓲ ꓦꓰꓼ ꓢꓲꓸ ꓫꓸ ꓕꓱ ꓓ ꓡꓳ= ဖက်ဒရယ်စနစ်သည် ဗဟိုချုပ်ကိုင်မှု လျှော့ချခြင်း သက်သက်မျှ မဟုတ်ပါ။ ဖွဲ့စည်း အုပ်ချုပ်ပုံအခြေခံဥပဒေက သီးခြားအာဏာခွဲေ၀ ပေးလိုက် ပြီး၊ ဗဟိုအထိ ကိုယ်စား ပြုမှုရှိစေ ခြင်း ဖြစ်သည်။ Federal system is not mere decentralization. It is power sharing from Constituion, which enable the fereracies to represent at the Union level.
- ꓝꓮꓲ ꓝꓯ-ꓓ-ꓬꓯ ꓠꓬ ꓬꓲꓸ ꓓ ꓬꓲꓸ ꓙꓳ ꓟ ꓟꓵꓽ ꓙꓵꓽ ꓚꓱꓹ ꓟꓽ ꓥ= ဖက်ဒရယ်စနစ်သည် ကျွန်ဖက်ဒ ရေးရှင်း (သီးခြားလွတ်လပ်သော ပြည်နယ်များ အကျိုးတူပူးပေါင်းဆောင်ရွက်နိုင်ရေး အတွက် စုဖွဲ့ထားသော အစုအဖွဲ့) မဟုတ်ပါ။ Federal system is not confederation (which is independent states organized for common interests).
- ꓝꓯ-ꓓ-ꓬꓯ ꓙꓵꓽ ꓚꓱꓹ ꓠꓬ꓾ ꓟꓵꓽ ꓡꓳ ꓚ꓾ ꓞꓳ ꓫꓵꓽ ꓡꓳ ꓚ ꓐꓰ꓾ ꓝꓮꓲ ꓠꓱꓸ ꓐꓯꓼ ꓕꓲ ꓫꓵꓽ ꓫꓵꓽ ꓔꓯ ꓛꓳ ꓢꓲ꓾ ꓮ ꓡꓲ ꓗꓸ ꓘꓳ ꓠꓬ ꓖꓳ ꓡꓱ ꓔꓺ ꓫꓳ ꓢꓲꓸ ꓙꓵꓽ ꓪ ꓐꓱ ꓖꓶ ꓢꓲꓸ ꓡ ꓞꓳ ꓐꓴ ꓠꓲꓹ ꓘꓪ ꓫꓵ ꓡꓰ ꓝꓲ ꓟ ꓚꓱꓹ ꓥ ꓠꓬꓲ꓾ ꓕꓲ ꓗꓷꓴꓼ ꓐꓰ ꓕꓲ ꓗꓴꓷꓼ ꓗꓪ ꓣꓱꓽ ꓔꓬ ꓟ ꓮ ꓙꓵꓽ ꓠꓬ ꓟꓽ ꓫꓱꓸ ꓡꓯ ꓘꓳ ꓟ ꓙꓳ ꓡꓳ= ဖက်ဒရယ် စနစ်သည် ဒေသအလိုက်၊ လူမျိုးအလိုက် နှင့် အခြားအကြောင်းအချက်များကို အခြေခံပြီး အရော အစပ်ပုံစံ မျိုးစုံဖြင့် လူများ စိတ်ကျေနပ်စေရန် အာဏာခွဲဝေသော စနစ်ဖြစ်သောကြောင့် ဖက်ဒရယ် စနစ်ကျင့်သုံးသော နိုင်ငံများတွင်လည်း တစ်ပုံစံတည်းမဖြစ်ကြပါ။ federal system can be seen as hybrid forms as presented above.
ꓝꓯ-ꓓ-ꓬꓯ ꓐꓰ ꓡꓲ-ꓢꓴ
ꓟꓬ-ꓟ ꓗꓴꓷꓼ ꓗꓪ ꓝꓯ-ꓓ-ꓬꓯ ꓙꓵꓽ ꓚꓱꓹ ꓙꓳ ꓡ ꓠꓬ꓾ ꓡꓲ-ꓢꓴ ꓐꓴ ꓔꓬ ꓟꓵꓽ ꓗ-ꓛꓲ ꓟꓵꓽ ꓗꓪ ꓥ ꓟꓲ ꓝꓯ-ꓓ-ꓬꓯ ꓙꓵꓽ ꓚꓱꓹ ꓙꓳ ꓡ ꓥꓳ= ꓖꓳ ꓗꓪ ꓡꓲ-ꓢꓴ ꓐꓴ ꓓꓵꓽ ꓙꓰ ꓠꓹ ꓟ ꓠꓬ꓾
(1) ꓗꓴꓷꓼ ꓫꓴ ꓙꓵꓽ ꓗ ꓫꓬꓹ ꓕꓶ ꓟ ꓜꓴ ꓗꓪ ꓔꓺ ꓙꓰ ꓠ ꓗꓷ ꓡ ꓥꓳ= ꓕꓱ ꓟ ꓐꓱ ꓶ ꓡꓲ-ꓢꓴ ꓤ ꓐꓴ ꓠꓬ ꓠꓬꓲꓸ ꓠꓬꓲ ꓗꓪ ꓐꓰ ꓑ ꓫꓬ ꓝꓲ ꓓꓴ ꓮ ꓡꓲ ꓬꓰ ꓠꓹ ꓟ ꓐꓰ꓾ ꓑ ꓫꓬ ꓐꓴ ꓐꓱ ꓶ ꓙꓲ ꓖꓴ ꓙꓳ ꓟ ꓙꓵꓽ ꓗ ꓮ ꓡꓲ ꓫꓬꓹ ꓕꓶ ꓠꓹ ꓟ ꓢꓳ ꓣꓴ ꓔꓸ ꓠ ꓗ ꓡꓳ=
(2) ꓗꓴꓷꓼ ꓫꓴ ꓙꓵꓽ ꓚꓱꓹ ꓟꓴ ꓚꓱꓹ ꓗꓪ ꓔꓺ ꓙꓰ ꓠ ꓗꓷ ꓡ ꓥꓳ= ꓕꓱ ꓟ ꓐꓱ ꓶ ꓠꓬ ꓑ ꓫꓬ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓟ ꓐꓰ꓾ ꓙꓵꓽ ꓚꓱꓹ ꓟꓴ ꓚꓱꓹ ꓢꓷꓸ ꓠꓲꓹ ꓢꓳ ꓠ ꓗ ꓡꓳ=
(3) ꓗꓴꓷꓼ ꓫꓴ ꓐꓯ ꓟꓴ ꓫꓬꓹ ꓚꓱꓹ ꓗꓪ ꓔꓺ ꓙꓰ ꓠ ꓗꓷ ꓡ ꓥꓳ= ꓕꓱ ꓟ ꓐꓱ ꓶ ꓙꓵꓽ ꓗ ꓡꓳ ꓚ ꓐꓯ ꓟꓴ ꓮ ꓡꓲ ꓫꓬꓹ ꓠꓹ ꓟ ꓐꓰ꓾ ꓡꓲ ꓒꓲꓼ ꓡꓳ ꓚ ꓐꓯ ꓟꓴ ꓮ ꓡꓲ ꓜꓳ ꓡꓰ ꓝꓲ ꓠꓹ ꓟ ꓜꓲ ꓜꓲ ꓟꓴ ꓟꓴ ꓧꓪ ꓟꓰꓹ ꓔꓸ ꓢꓴ ꓒꓬꓱꓼ ꓡ ꓠ ꓗ ꓡꓳ=
ꓗ-ꓛꓲ ꓟꓵꓽ ꓫꓴ ꓗꓪ ꓝꓯ-ꓓ-ꓬꓯ ꓙꓵꓽ ꓚꓱꓹ ꓟꓴ ꓚꓱꓹ ꓡꓰ ꓧꓳꓽ ꓪꓴꓸ ꓟꓴ ꓙꓰ ꓡ ꓠꓬ꓾ ꓡꓲ-ꓢꓴ ꓘꓹ ꓡꓲ-ꓢꓴ ꓔꓬ ꓟꓵꓽ ꓗꓪ ꓡꓲ-ꓢꓴ ꓐꓰ ꓗꓪꓼ ꓢꓲ ꓧꓳꓽ ꓪꓴꓸ ꓟꓴ ꓐ ꓡ ꓠꓹ ꓟ ꓢꓷꓸ ꓢꓴ ꓢꓳ ꓔꓸ ꓢꓴ ꓮ ꓟꓬꓹ ꓣꓱꓽ ꓬꓯꓼ ꓡ ꓥꓳ= ꓙꓵꓽ ꓢꓴ ꓗꓪꓼ ꓢꓴ ꓟꓬꓱꓽ ꓐꓰ꓾ ꓬꓲꓸ ꓚꓱꓹ ꓮ ꓟꓬꓹ ꓬꓳꓥꓹ ꓦꓲ ꓮ ꓙꓵꓽ ꓗꓪ ꓟꓬꓱꓽ ꓬꓰ ꓢꓴ ꓮ ꓟꓬꓹ ꓣꓱꓽ ꓬꓯꓼ ꓡ ꓥꓳ= ꓮ ꓡꓲ ꓕꓲ ꓚꓱꓹ ꓗꓪ ꓥ ꓟꓲ꓾ ꓢꓷꓸ ꓠꓲꓹ ꓟꓽ ꓙꓳ ꓠꓬ ꓟꓬꓱꓽ ꓬꓰ ꓟꓽ ꓙꓲ ꓡ=
ꓣꓳ ꓠꓯꓸꓼ ꓗꓪ ꓢꓷꓸ ꓢꓴ ꓟꓽ ꓓꓳ ꓡ ꓠꓬ ꓢꓴ ꓡꓰ ꓣꓳ ꓡꓰ ꓗꓪꓼ ꓡ ꓥꓳ= ꓣꓳ ꓠꓬ ꓢꓴ ꓫꓵꓽ ꓔꓯ ꓗꓪꓼ ꓓꓴ ꓟꓽ ꓥ ꓟꓲ꓾ ꓣꓳ ꓚꓲ ꓛꓬ ꓫꓵꓽ ꓔꓯ ꓚꓲ ꓛꓬ ꓗꓪꓼ ꓠꓹ ꓟ ꓐꓰ꓾ ꓧꓳꓽ ꓪꓴꓸ ꓟꓴ ꓠꓹ ꓟ ꓡꓲ-ꓢꓴ ꓞꓳ ꓡꓱ ꓐꓴ ꓟꓬꓱꓽ ꓒꓬꓱꓼ ꓡ ꓡꓳ= ꓕꓱ ꓟ ꓐꓱ ꓶ ꓠꓬꓲꓸ ꓠꓬꓲ ꓗꓪ ꓐꓰ ꓕꓳ ꓶ ꓮ ꓟꓬꓹ ꓵꓺ ꓢꓲꓸ ꓚꓲ ꓛꓬ ꓠꓲꓹ ꓡꓱ ꓟ ꓚꓱꓹ ꓗꓪ ꓓꓵꓽ ꓪ ꓡꓰ ꓠꓹ ꓟ ꓙꓽ ꓖꓶ ꓔꓸ ꓓꓴ ꓬꓰ ꓡꓯ= (ꓔꓯꓺ ꓥꓳ꓾ ꓣꓳ ꓗ-ꓛꓲ ꓟꓵꓽ ꓗꓪ ꓮ ꓬꓲꓼ ꓠꓬꓲ ꓤ ꓞꓳ ꓫꓵꓽ ꓓꓽ ꓟ 6 ꓫꓵꓽ ꓙꓳ ꓡꓳ= ꓬꓲꓸ ꓪ ꓕꓲ ꓫꓵꓽ ꓡꓲ ꓕꓲ ꓫꓵꓽ ꓠꓬ ꓙꓵꓽ ꓗ ꓔꓶ ꓚꓱꓹ꓾ ꓧꓳꓽ ꓪꓴꓸ ꓟꓴ ꓚꓱꓹ ꓐꓰ꓾ ꓐꓯ ꓟꓴ ꓘꓶꓽ ꓚꓱꓹ ꓮ ꓙꓵꓽ ꓗꓪ ꓙ ꓖꓶ ꓖꓴ ꓡꓰꓳ= ꓮ ꓟꓶ ꓥ ꓟꓲ ꓡꓯꓼ ꓕꓲ ꓟꓬꓱꓽ ꓬꓰ ꓔꓬ ꓢꓴ ꓮ ꓟꓬꓹ ꓙꓳ ꓡꓳ= ꓝꓯ-ꓓ-ꓬꓯ ꓒꓬꓱꓼ ꓡ ꓠꓬ ꓕꓵꓼ ꓡꓵꓸ ꓥꓳ=
ꓡꓲ-ꓢꓴ ꓤ ꓐꓴ ꓠꓯꓸꓼ ꓗꓪ ꓐꓰ ꓗꓴꓷꓼ ꓧꓳꓽ ꓪꓴꓸ ꓟꓴ ꓢꓷꓸ ꓠꓲꓹ ꓕꓳ ꓶ ꓢꓳ ꓔꓸ ꓢꓴ꓾ ꓐꓯ ꓟꓴ ꓘꓶꓽ ꓢꓲꓽ ꓒꓽ ꓓꓽ ꓟ ꓬꓰ ꓠꓬꓲ ꓢꓴ꓾ ꓠꓯ ꓞꓲꓼ ꓟꓬꓱꓽ ꓗꓪ ꓧꓳꓽ ꓪꓴꓸ ꓟꓴ ꓟꓬꓱꓽ ꓬꓰ ꓔꓬ ꓢꓴ꓾ ꓢꓷꓸ ꓠꓲꓹ ꓕꓳ ꓶ ꓟꓸ ꓖꓶ ꓢꓴ꓾ ꓔꓶ ꓜ ꓔꓶ ꓓꓳ ꓔꓯꓸ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ꓾ ꓓꓽ ꓖꓴ ꓐꓰ꓾ ꓙ ꓖꓴ ꓫꓬꓹ ꓟꓬꓱꓽ ꓧꓳꓽ ꓪꓴꓸ ꓟꓴ ꓐ ꓡ ꓢꓴ ꓮ ꓟꓬꓹ ꓣꓱꓽ ꓬꓯꓼ ꓡꓳ= ꓣꓳ ꓠꓬ ꓢꓯꓼ ꓕꓵꓼ ꓟ ꓗꓪ ꓚꓵ ꓚꓵ ꓬꓲꓸ ꓕꓲꓸ ꓕꓲ ꓕꓲꓸ ꓗꓪ ꓟꓽ ꓛꓲ ꓬꓰ ꓢꓰ ꓐꓰ ꓡꓳꓸ ꓓꓳ ꓡ ꓢꓲ꓾ ꓠꓲꓹ ꓞ ꓢꓯꓼ ꓕꓵꓼ ꓩꓴ ꓡ ꓝꓲꓸ ꓥ ꓡꓳ= ꓟꓽ ꓥ ꓠꓬ꓾ ꓮ ꓫꓵꓽ ꓙꓵꓽ ꓚꓱꓹ ꓗꓪ ꓐꓰ ꓙꓵꓽ ꓥ ꓟꓲ꓾ ꓢꓴ ꓡꓰ ꓣꓳ ꓔꓯ ꓔꓳꓼ ꓔꓳꓼ ꓠꓰ ꓠꓬꓲꓸ ꓤꓲ ꓟ ꓟꓽ ꓥ ꓟꓲ꓾ ꓣꓳ ꓠꓬ ꓖꓼ ꓛꓳ ꓢꓴ꓾ ꓑ ꓫꓬ ꓡꓰ ꓒꓬꓱꓼ ꓡ ꓥꓳ= ꓧꓳꓽ ꓢꓴ ꓟꓴ ꓢꓴ ꓠꓬꓲ ꓖꓴ ꓗꓪ ꓟꓽ ꓛꓲ ꓐ ꓡ= ꓗꓴꓷꓼ ꓙꓵꓽ ꓚꓱꓹ ꓟꓴ ꓚꓱꓹ ꓠꓬ ꓦ ꓡꓱ ꓚꓱꓹ ꓟꓽ ꓥ= ꓘꓴ ꓜꓲꓼ ꓞꓳ ꓧꓳꓽ ꓚꓱꓹ ꓡꓰ ꓐꓰ ꓟꓽ ꓥ= ꓠꓵ ꓠꓲꓹ ꓗꓪ ꓐꓰ ꓡꓰ ꓬꓰ ꓟꓽ ꓙꓲ= ꓖꓳ ꓟ ꓑꓶꓸ ꓓꓴ ꓮ ꓘꓶꓸ ꓕꓯꓹ ꓢꓴ꓾ ꓢꓷꓸ ꓢꓴ ꓓꓳ ꓡ ꓠꓯ ꓡꓳ=
ꓗ-ꓛꓲ ꓟꓵꓽ ꓗꓪ ꓝꓯ-ꓓ-ꓬꓯ ꓙꓵꓽ ꓚꓱꓹ ꓣꓱꓽ ꓡ ꓠꓬ꓾ ꓞꓳ ꓫꓵ ꓡꓳ ꓚ (ꓥ ꓠꓬ) ꓟꓵꓽ ꓡꓳ ꓚ ꓙꓵꓽ ꓪ ꓒꓯꓽ ꓖꓶ ꓓꓴ ꓬꓰ ꓡ ꓥꓳ ꓪ? ꓟꓽ ꓖꓪ ꓙꓱ ꓞꓷꓹ ꓡꓰ ꓢꓰ= ꓟꓵꓽ ꓡꓳ ꓚ ꓐꓯ ꓡ ꓠꓬ ꓑꓴꓔꓮꓳ ꓟꓵꓽ ꓗꓪ ꓡꓲ-ꓢꓴ ꓐꓰ꓾ ꓣ-ꓪ ꓒꓽ ꓐꓴ ꓠꓬ ꓟꓶ-ꓡꓲꓸ ꓠꓯ ꓬꓲ ꓡꓳ ꓖꓳ ꓐꓽ ꓕ ꓐꓽ ꓟꓵꓽ ꓘꓶꓽ ꓡꓯ ꓘꓳ ꓢꓲ ꓟꓯꓼ ꓗꓽ ꓡꓯ ꓘꓳ꓾ ꓗꓪꓼ ꓟꓬꓱꓽ ꓙꓵꓽ ꓟꓬꓱꓽ ꓬꓰ ꓠꓹ ꓟ ꓒꓬꓱꓼ ꓡ ꓟꓽ ꓢꓷꓸ= ꓕꓱ ꓟ ꓐꓱ ꓶ ꓠꓲꓹ ꓞ ꓓꓵꓽ ꓙ ꓖꓪ ꓠꓬꓲ ꓝꓲꓸ ꓛꓲꓳ=
ꓡ ꓠꓹ ꓟ ꓕꓲ ꓝꓸ ꓗꓪ ꓠꓬ ꓓꓰꓟꓳꓚꓣꓮꓚꓬ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓬꓲꓸ ꓟꓳ ꓡꓱ ꓐꓳ ꓓꓴ ꓥꓳ=