ꓟꓲ ꓘꓵ ꓙ ꓖꓴ ꓒꓴ ꓑꓮꓲ ꓗꓪ ꓟꓰꓹ-ꓮꓳ-ꓡꓮꓲꓽ ꓜꓲꓼ ꓡ

ꓬꓥ-ꓖꓳꓥ ꓗꓪ ꓬꓲꓸ ꓪꓴꓸ ꓫꓬꓹ ꓓꓳ ꓡ ꓟ ꓟꓲꓺ ꓘꓵ ꓙ ꓖꓴ (tunnel way) ꓒꓴ ꓑꓮꓲ ꓔꓯ ꓠꓬꓲꓸ ꓠꓬꓲ 2021 ꓘꓳꓼ 10 ꓦ 7 ꓠꓬꓲ ꓕꓯ ꓬꓰ ꓗꓷ ꓢꓲ꓾ ꓖꓳ ꓗꓪ ꓙꓵꓽ ꓪ ꓣꓴ ꓔꓸ ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓜꓲꓼ ꓡ ꓡꓳ꓿

ꓟꓲ ꓘꓵ ꓠꓬ ꓑꓲ ꓙ ꓖꓴ ꓓꓽ ꓟ ꓠꓯꓸ ꓘꓪ ꓚꓴꓸ ꓔꓸ ꓟ ꓥ ꓢꓲ꓾ ꓔꓔꓚ ꓙꓳꓥꓽ ꓦꓲ ꓐꓰ Junction Square ꓙꓲ ꓔꓲꓺ ꓓꓽ ꓟ ꓔꓯ ꓝꓸ ꓖꓶ ꓔꓸ ꓟ ꓥ ꓡꓳ꓿ ꓙꓼ ꓘꓳꓽ ꓜꓱ ꓐꓰ꓾ ꓛꓲ ꓒꓯꓹ ꓟꓽ ꓙꓲ ꓢꓴ ꓐꓴ ꓙꓰ ꓚꓱꓹ꓾ ꓙꓲꓺ ꓔꓲ ꓬꓲ ꓫꓵ ꓬꓲ ꓙꓰ ꓪꓴꓽ ꓔꓶꓸ ꓥ ꓟꓲ ꓙ ꓖꓶ ꓔꓸ ꓟ ꓙ ꓖꓴ ꓚꓱ, ꓕꓲ ꓟ ꓥ ꓡꓳ꓿

ꓟꓲ ꓘꓵꓺ ꓕꓱ ꓟ ꓠꓬ꓾ ꓬꓥ-ꓖꓳꓥ ꓗꓪ ꓔꓬ ꓟ ꓑ ꓫꓬ ꓐꓴ ꓙꓲ ꓖꓴ ꓐꓱ ꓶ ꓠꓡꓓ ꓗꓴꓷꓼ ꓙꓵꓽ ꓜꓴ ꓡꓰ ꓕꓵꓼ ꓪ ꓖꓶ ꓢꓲ꓾ ꓖꓳ ꓕꓯ ꓟ ꓬꓥ ꓖꓳ ꓟꓵꓽ ꓫꓴ ꓙꓵꓽ ꓢꓲꓽ ꓒ ꓒꓬꓳꓹ-ꓟꓰꓹ-ꓔꓲꓸ ꓐꓰ꓾ ꓬꓥ-ꓖꓳ ꓡꓳ ꓒꓱ ꓟꓬꓱꓽ ꓙꓵꓽ ꓒꓽ ꓟꓮꓳ-ꓟꓮꓳ-ꓢꓳꓸ ꓐꓴ ꓡꓰ ꓧꓳꓽ ꓣꓱꓽ ꓢꓲꓸ ꓫꓬꓹ ꓓꓳ ꓡ ꓟ ꓥ ꓡꓳ꓿