ꓟꓲ,-ꓔꓼ (Min Tak) ꓡꓳ ꓒꓱ ꓗꓪ ꓟꓯꓼ ꓛꓰꓹ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓶ ꓤ ꓟꓳ ꓓꓳ 5 ꓦꓲ ꓚꓰꓹ ꓛꓲ ꓡ ꓥ ꓟꓲ꓾ ꓑ ꓫꓬ ꓙꓵ ꓪ ꓦꓴ ꓟꓯꓼ ꓐꓴ ꓡꓰ ꓡꓳ ꓒꓱ ꓬꓲꓸ ꓐꓽ ꓢꓲ ꓗꓪ ꓟꓯꓼ ꓛꓰꓹ ꓑꓬ ꓔꓬ ꓢꓴ ꓐꓴ ꓔꓯ ꓬꓰ ꓙ ꓟꓽ ꓓ ꓐꓰ ꓗꓽ ꓔꓬ ꓡꓳ꓿
ꓖꓳ ꓟ ꓑꓶꓸ ꓓꓴ ꓡꓳ ꓒꓱ ꓘꓴꓽ ꓗꓪ ꓔꓬ ꓟ ꓫꓸ ꓟꓷꓼ ꓢꓴ ꓔꓯ ꓮ ꓔꓲꓸ ꓤꓼ 50 ꓦꓲ ꓛꓲ ꓔꓯ ꓖꓶ ꓙꓲꓽ ꓙꓳ ꓟ ꓖꓶ ꓓꓳ ꓡꓰ ꓠꓬ꓾ ꓶ ꓤ ꓮ ꓙꓵꓽ ꓔꓯꓹ ꓡꓽ ꓙꓰ ꓠꓹ ꓟ ꓙ ꓖꓶ ꓔꓬ ꓡꓳ꓿
“ꓟꓯꓼ ꓘꓰꓹ ꓢꓴ ꓠꓬ ꓡꓳ ꓒꓱ ꓬꓲꓸ ꓐꓽ ꓗꓪ ꓢꓲꓸ ꓮ ꓟꓬꓹ ꓔꓬꓳ ꓫꓵꓽ ꓕꓱ ꓗꓪ ꓡ ꓛꓴꓸ ꓔꓯꓹ ꓟꓯꓼ ꓐꓴ ꓡꓰ ꓟꓵꓽ ꓗꓪ ꓙꓰ ꓢꓲ ꓬꓰ ꓙ ꓟꓽ ꓓ ꓙꓳꓽ꓿ ꓮ ꓡꓲ ꓗ ꓡ ꓥ ꓢꓶ ꓟꓽ ꓢꓷꓸ꓿ ꓮ ꓟꓶ ꓖꓪ ꓙꓱ ꓠꓬꓹ ꓢꓲꓽ ꓥ” ꓐꓰ ꓗꓴꓷꓼ ꓜꓴ ꓗꓪ ꓟ ꓬꓯꓽ ꓐꓯꓽ ꓐꓴ ꓔꓯ ꓬꓰ ꓙ ꓜꓴ ꓗꓪ ꓚꓬꓼ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
“ꓘꓹ ꓤ ꓮ ꓟꓬꓹ ꓗꓪ 9000 ꓣꓳ ꓟꓽ ꓞꓲ ꓔꓬ ꓡꓳ꓿ ꓡꓳ ꓒꓱ ꓗꓰ ꓐꓰ ꓕꓲ ꓝꓸ ꓟꓽ ꓓꓳ ꓙꓰ ꓝꓲ ꓡ ꓠꓬ ꓬꓲꓸ ꓪ ꓔꓯ ꓬꓰ ꓙ ꓗꓸ ꓟꓽ ꓘꓳꓽ ꓬꓰꓳ” ꓐꓰ ꓟꓲꓹ-ꓔꓼ ꓗꓪ ꓟ ꓞꓳ ꓪꓴꓽ ꓕꓲ ꓣꓳ ꓡꓰ ꓐꓯ ꓡꓳ꓿