ꓟꓲꓹ-ꓔꓼ ꓡꓳ ꓒꓱ꓾ ꓯꓸ-ꓔ-ꓬ ꓘꓹ ꓗꓪ ꓟꓬ-ꓟ ꓟꓯꓼ ꓐꓴ ꓓꓵꓽ ꓡ ꓢꓲ ꓖꓳ ꓓꓱ ꓔꓲꓹ ꓘꓴ ꓜꓲꓼ ꓞꓳ ꓪ ꓘꓴ ꓦꓲ 1 ꓦꓲ ꓐꓰ꓾ ꓞꓳ ꓘꓹ ꓦꓲ 6 ꓦꓲ ꓔꓯ 2021 ꓘꓳꓼ 11 ꓦ 7 ꓠꓬꓲ ꓕꓯꓽ ꓮ ꓔꓳꓸ ꓛꓴ ꓗꓷꓳ ꓐꓰ ꓛꓰꓸ ꓞꓳ ꓤ ꓶꓽ ꓜꓴ ꓡꓰ ꓐꓯ ꓡꓳ꓿
ꓖꓳ ꓕꓲ ꓘꓹ ꓗꓪ ꓦꓲ 25 ꓦꓲ ꓙꓳ ꓟ ꓥ ꓢꓲ꓾ ꓕꓲ ꓐꓱ ꓦꓲ ꓗꓪ ꓠꓬ ꓦꓲ ꓛꓬꓹ ꓦꓲ ꓗꓪ꓾ ꓶ ꓤ ꓶ ꓟꓲ ꓒꓵꓽ ꓟ ꓮ ꓟꓬꓹ ꓔꓯꓹ ꓖꓳꓻ ꓙꓰ ꓟ ꓙꓳ ꓡꓳ ꓐꓯ ꓔ ꓡꓳ꓿
ꓗꓳꓸ ꓗꓷ ꓟ 10 ꓦ 29 ꓠꓬꓲ ꓗꓪ ꓥ ꓟꓲ ꓕ-ꓔ-ꓡ ꓡꓳ ꓒꓱ ꓮ ꓔꓳꓸ ꓙꓬ ꓡꓰ ꓡꓳ꓿ ꓖꓳ ꓟ ꓔꓯ ꓥ ꓟꓲ ꓑꓓꓝ ꓡꓰ ꓛꓴ ꓗꓷ ꓟ ꓥꓳ ꓐꓰ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓡꓲꓺ ꓩꓴ ꓡ ꓕꓯꓽ꓾ ꓓꓳ-ꓔ ꓢ-ꓢ ꓡꓰ “ꓛꓰꓸ ꓒꓽ ꓠꓬ ꓛꓰꓸ ꓦꓲ ꓔꓯ ꓮ ꓔꓳꓸ ꓛꓴ ꓟꓽ ꓚꓰꓼ” ꓐꓰ ꓡꓰ ꓡꓯꓽ ꓧ ꓩꓴ ꓡ ꓡꓳ꓿
“ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓡꓰ ꓢꓲꓻ ꓔꓸ ꓟ ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓔꓯ ꓞꓳꓹ ꓡꓴꓽ ꓢꓲ꓾ ꓑ ꓫꓬ ꓔꓯ ꓢꓰꓼ ꓠꓬꓲ꓾ ꓦꓲ ꓛꓴ ꓠꓬꓲ ꓬꓰ ꓔꓬ ꓟ ꓠꓲꓹ ꓞ ꓠꓽ ꓩꓴ ꓗꓷ꓿ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓗꓪ ꓠꓲꓹ ꓞ ꓡꓽ ꓛꓲ ꓬꓰ ꓝꓲ” ꓐꓰ ꓴꓢꓮ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓐꓶ-ꓡꓲ-ꓗꓲ ꓡꓰ 2020 ꓘꓳꓼ ꓟꓬ-ꓟ ꓢꓲꓻ ꓣꓴ ꓑꓮꓲ 1 ꓘꓳꓼ ꓐꓲ ꓡ ꓟ ꓦꓬꓼ ꓠꓬꓲ ꓗꓪ ꓢꓯꓼ ꓖꓶ ꓔ ꓡꓳ꓿