ꓟꓰꓹ-ꓮꓳ-ꓡꓮꓲꓽ ꓔꓯ ꓮ-ꓢꓲ-ꓬ ꓜꓲꓼ ꓓꓴ ꓗꓪ ꓟꓽ ꓔ ꓝꓲ ꓠꓹ ꓟ ꓖꓪ ꓙꓱ ꓪꓽ ꓬꓰꓳ

( ꓬꓲꓸ ꓞ ꓬꓲꓸ ꓒꓴꓽ ꓓꓳꓽ ꓫꓵꓼ _- breaking news )

ꓟꓬ-ꓟ ꓗꓴꓷꓼ ꓙꓵꓽ ꓪ ꓣꓴ ꓔꓸ ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲ ꓔꓯ ꓮ ꓟꓶ ꓡ ꓠꓹ ꓟ 10 ꓦ 26-28 ꓠꓬꓲ ꓮ-ꓢꓲ-ꓬ ꓗꓴꓷꓼ ꓜꓴ ꓢꓲꓽ ꓒꓽ ꓐꓴ ꓜꓲꓼ ꓓꓴ ꓗꓪ ꓟꓽ ꓔꓺ ꓝꓲ ꓠꓹ ꓟ ꓠꓬꓲꓸ ꓠꓬꓲ ꓖꓪ ꓙꓱ ꓪꓽ ꓡꓰꓳ ꓐꓰ ꓠꓧꓗ ꓓꓳꓽ ꓗꓪ ꓐꓯ ꓒꓬꓱ ꓩꓴ ꓡ ꓡꓳ꓿

ꓠꓬꓲꓸ ꓠꓬꓲ ꓮ-ꓢꓲ-ꓬ ꓗꓴꓷꓼ ꓐꓴ ꓗꓪ ꓐꓰ ꓐꓶꓽ ꓗꓴꓷꓽ ꓙ ꓡꓯ ꓘꓳ ꓢꓲꓽ ꓒꓽ ꓓꓽ ꓟ ꓮ ꓙꓵꓽ ꓠ ꓡꓲ 2 ꓙꓵꓹ ꓖꓪ ꓙꓱ ꓗꓷ ꓕꓯ ꓕꓱ ꓡꓱ ꓪꓽ ꓡꓰ ꓟ ꓥ ꓡꓳ꓿

ꓖꓪ ꓙꓱ ꓚꓱꓹ ꓔꓯ ꓟꓳ ꓜꓲ ꓜꓲ ꓟꓴ ꓟꓴ ꓢꓷꓸ ꓙ ꓟꓴ ꓙ ꓘꓶꓽ ꓠꓬ ꓦꓹ ꓠꓯꓼ ꓐꓳ ꓢꓷꓸ ꓩꓴ ꓡ ꓓꓴ ꓥꓳ ꓐꓯ ꓡꓳ꓿

ꓬꓲ ꓔꓯ ꓔꓲꓸ ꓜꓲꓼ ꓝꓲ ꓠꓬ ꓮ-ꓢꓲ-ꓬ ꓜꓴ ꓟꓬꓱ ꓓꓳꓽ ꓒꓰꓼ ꓡ ꓥ ꓐꓰ ꓒꓲ-ꓡꓲ-ꓒꓲ ꓐꓶ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓡꓰ ꓒꓴ ꓒꓴ ꓡꓯꓽ ꓡꓯꓽ ꓐꓯ ꓔꓸ ꓟ ꓙꓳ ꓡꓳ꓿