ꓟꓰꓹ-ꓮꓳ-ꓡꓮꓲꓽ ꓑꓴ-ꓔ-ꓳ ꓗꓪ ꓙꓰ ꓓꓴ ꓙ ꓖꓶ ꓔꓬ

2021 ꓘꓳꓼ 9 ꓦ ꓗꓪ ꓑꓴ-ꓔ-ꓳ ꓗꓪ ꓡ ꓠꓹ ꓟ ꓢꓯꓼ ꓕꓵꓼ ꓢꓲ꓾ ꓟꓽ ꓙꓰ ꓛꓱꓼ ꓬꓰ ꓟ ꓗꓴꓷꓼ ꓙꓵꓽ ꓪ ꓣꓴ ꓔꓸ ꓢꓴ ꓟꓰꓹ-ꓮꓳ-ꓡꓮꓲꓽ ꓠꓬ ꓮ ꓟꓶ 10 ꓦ ꓟ ꓘꓴꓽ ꓗꓪ ꓙꓰ ꓠꓹ ꓟ ꓕꓲ ꓧꓪꓹ ꓙ ꓖꓶꓽ ꓔꓬ ꓟ ꓓꓳꓽ ꓔꓯ ꓟꓯꓼ ꓘꓴꓽ ꓗꓪ ꓐꓰ ꓓꓳ ꓡ ꓡꓳ= ꓖꓳ ꓗꓪ ꓙꓰ ꓠꓬ ꓑꓴ-ꓔ-ꓳ꓾ ꓡꓳꓸ-ꓟꓶꓽ꓾ ꓘꓳ-ꓡ-ꓒꓶꓸ꓾ ꓟꓶ-ꓖꓪꓯꓽ-ꓜꓼ ꓗꓪ ꓬꓲꓸ ꓪ ꓔꓯ ꓔꓳꓹ ꓙ ꓔꓬ ꓟ ꓟꓯꓼ ꓐꓴ ꓔꓯ ꓜꓲ ꓡꓯ ꓘꓳ꓾ ꓢꓯꓼ ꓖꓶ ꓓꓴ ꓬꓰ ꓥꓳ ꓐꓰ ꓐꓯ ꓡꓳ= ꓕꓲ ꓐꓱ ꓡꓰ ꓐꓯ ꓠꓬ꓾ ꓬꓲ ꓚꓲ ꓛꓬ ꓟꓽ ꓡ ꓥ ꓟꓲ ꓠꓱꓸ ꓐꓯꓼ ꓬꓲꓸ ꓜꓲꓽ ꓐꓴ ꓠꓬ ꓡ ꓥꓳ ꓐꓰ ꓐꓯ ꓡꓳ= ꓖꓳ ꓡꓱ ꓥ ꓟꓲ ꓙ ꓖꓴ ꓚꓱꓹ ꓕꓱ ꓟ ꓠꓬ ꓟꓬꓱꓽ ꓟꓽ ꓬꓰ ꓓꓳ ꓕ ꓑꓳꓸ ꓚꓵꓺ ꓘꓶꓽ ꓡꓰ ꓐꓰ ꓚꓵꓺ ꓔꓸ ꓟ ꓥ ꓠꓬꓲ꓾ ꓮ ꓙꓵꓽ ꓐꓯ ꓞꓷꓹ ꓟꓽ ꓙꓲ꓾ ꓢꓷꓸ ꓖꓴ ꓟꓽ ꓓ ꓟ ꓥ ꓡꓳ=

ꓕꓱ ꓕꓲ ꓝꓲꓸ ꓡꓳ ꓑ ꓮ-ꓓ ꓡꓰ ꓧꓳꓽ ꓔꓬ ꓟ ꓟꓯꓼ ꓐꓴ ꓠꓬ ꓡꓳꓸ-ꓟꓶꓽ ꓡꓳ ꓒꓱ ꓗꓪ 100 ꓣꓳ꓾ ꓘꓳ-ꓡ-ꓒꓶꓸ ꓗꓪ 200 ꓣꓳ ꓟꓯꓼ ꓤꓹ ꓔꓬ ꓡꓳ= ꓕꓱ ꓟ ꓠꓬ ꓗꓲꓳ/ꓗꓲꓮ ꓡ꓾ ꓠꓴꓖ/ꓑꓓꓝ ꓔꓯ ꓔꓳꓹ ꓡꓯ ꓘꓳ ꓠꓹ ꓟ ꓞꓳ ꓘꓹ ꓗꓪ ꓐꓰ ꓘꓴ ꓜꓲꓼ ꓢꓲꓸ ꓟꓯꓼ ꓤꓹ ꓔꓬ ꓟ (2) ꓧꓪꓸ ꓕꓲ ꓧꓪꓹ ꓥ ꓡꓳ=

ꓑꓴ-ꓔ-ꓳ ꓟꓵꓽ ꓗꓪ ꓟꓯꓼ ꓘꓶꓽ ꓠꓶꓽ ꓡ ꓔꓬꓳ ꓐꓰ ꓢꓷꓸ ꓢꓴ ꓐꓴ ꓢꓪꓼ ꓟꓶ ꓔꓬ ꓡꓳ꓿