ꓟꓰꓹ-ꓮꓳꓽ-ꓡꓮꓲꓽ ꓠꓬꓮꓳ-ꓠ-ꓑꓲ ꓖꓪ ꓙꓱ ꓜꓲꓼ ꓔꓶꓸ ꓬꓲꓸ ꓡꓵꓺ ꓗꓪ ꓚꓳ ꓔꓬ

ꓬꓥ-ꓖꓳꓥ ꓟꓵꓽ ꓫꓴ꓾ ꓡꓯꓹ-ꓗꓴꓸ ꓡꓳ ꓒꓱ ꓗꓪ ꓙꓳˍ ꓟ ꓠꓬꓮꓳ-ꓠ-ꓑꓲ ꓗꓴꓷꓼ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓔꓶꓸ ꓗꓪ 2022 ꓘꓳꓼ 6 ꓦ 8 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓗꓳ-ꓢꓰ ꓧꓳꓽ ꓢꓴ ꓟꓰꓹ-ꓮꓳ-ꓡꓮꓲꓽ ꓖꓼ ꓛꓳꓽ ꓚꓳ ꓔꓬ ꓡꓳ꓿

ꓖꓳ ꓕꓲꓽ ꓖ ꓠꓬ 585.81 ꓗꓽ ꓙꓳ ꓢꓲ꓾ ꓟꓯꓼ ꓜꓲꓽ ꓔꓸ-ꓫꓱꓽ ꓡꓰ ꓚꓱꓹ ꓧꓳꓽ ꓢꓲꓸ 2004 ꓘꓳꓼ ꓗꓪ ꓐꓰ 2007 ꓘꓳꓼ ꓗꓪ ꓛꓲ ꓬꓲꓸ ꓜꓴ ꓬꓲꓸ ꓒꓳ ꓮ ꓟꓬꓹ ꓗꓪ ꓐꓰ ꓝꓲꓺ ꓩꓴ ꓡ ꓢꓴ ꓝꓲ ꓓꓴ (702) ꓣꓳ ꓐꓴ 7 ꓧꓪꓹ ꓖꓪ ꓙ3 ꓗꓷ ꓟ ꓬꓲꓸ ꓔꓶꓸ꓾ 2008 ꓘꓳꓼ ꓗꓴꓷꓼ ꓙꓵꓽ ꓚꓱꓹ ꓫꓬꓹ ꓚꓰꓼ ꓓꓳ ꓡ ꓟ ꓬꓲꓸ ꓔꓶꓸ ꓥ ꓡꓳ꓿

ꓮ ꓟꓶ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓠꓬ 14 ꓘꓳꓼ ꓒꓰ ꓔꓸ ꓟ ꓖꓪ ꓙꓱ ꓜꓲꓼ ꓔꓶꓸ ꓕꓱ ꓟ ꓔꓯ ꓫꓬꓹ ꓑꓱ ꓫꓬꓹ ꓡꓶꓸ ꓡ ꓔꓬ ꓠꓬꓲ ꓮ ꓡꓲꓳ ꓫꓵꓽ ꓟꓬꓱꓽ ꓚꓱꓹ ꓬꓰ ꓓꓳ ꓡ ꓔꓬ ꓟ ꓢꓰꓸ ꓮ ꓢꓸ ꓓꓴ ꓙꓳ ꓡ ꓔꓬ ꓡꓳ꓿