ꓟꓬ-ꓟ ꓟꓯꓼ ꓔꓯ ꓔꓳꓹ ꓙ ꓢꓯꓼ ꓖꓶ ꓘꓴ ꓔꓴ ꓑꓮꓲ ꓔꓯ ꓪꓹ-ꓘꓯꓽ-ꓟꓼ ꓡꓳ ꓒꓱ ꓗꓪ ꓬꓰ ꓠꓹ ꓟ 2021 ꓘꓳꓼ 11 ꓦ 4 ꓠꓬꓲ ꓗꓪ ꓬꓰ ꓠꓹ ꓟ ꓞꓳ ꓤ ꓪꓴꓸ ꓚꓳ ꓥ ꓟꓲ ꓪꓴꓸ ꓟꓽ ꓪ ꓠꓬꓲ ꓬꓰ ꓟꓽ ꓛꓱꓼ ꓬꓰꓳ ꓐꓰ ꓓꓳꓽ ꓜꓳ ꓡ ꓡꓳ=
“ꓙ ꓖꓴ ꓫꓱꓽ ꓢꓲꓸ ꓘꓴ ꓚꓳ ꓢꓴ ꓕꓲ ꓣꓳ 10000 ꓒꓯꓼ꓾ ꓒꓯꓽ ꓛꓵꓽ ꓔꓯꓹ ꓢꓴ ꓔꓯ 1 ꓣꓳ 15000 ꓒꓯꓼ ꓖꓶ ꓓꓴ ꓥꓳ ꓐꓯ ꓢꓲꓸ ꓖꓼ ꓘꓴ ꓚꓳ ꓖꓶ ꓞꓳ ꓤ ꓧꓪ ꓟꓽ ꓪ ꓢꓲꓸ ꓬꓰ ꓟꓽ ꓛꓱꓼ ꓬꓰꓳ= ꓮ ꓟꓶ ꓟꓯꓼ ꓗꓪ ꓐꓰ ꓟꓽ ꓓ ꓟꓽ ꓢ ꓞꓳ ꓤ ꓧꓪ ꓜꓲꓼ ꓢꓲꓸ ꓬꓰ ꓢꓲꓽ ꓓꓴ ꓥ ꓐꓯ ꓥ” ꓐꓰ ꓪꓹ-ꓘꓯꓽ-ꓟ ꓡꓳ ꓒꓱ ꓢꓴ ꓕꓲ ꓣꓳ ꓡꓰ ꓐꓯ ꓡꓳ= ꓧꓶꓸ ꓕꓯ ꓠꓬ ꓕꓱ ꓡꓱ ꓟꓯꓼ ꓔꓯ ꓔꓺ ꓠꓹ ꓟ ꓐꓰ꓾ ꓟꓯꓼ ꓑ-ꓔꓲ ꓐꓴ ꓐꓱ ꓶ ꓟꓬꓱꓽ ꓬꓰ ꓠꓹ ꓟ 1 ꓠꓬꓲ ꓗꓪ 1 ꓣꓳ 5000 ꓒꓯꓼ ꓡꓰ ꓪꓴꓸ ꓪ ꓥ ꓟꓲ꓾ ꓮ ꓟꓶ ꓠꓬ ꓬꓲꓸ ꓒꓵꓽ ꓕꓲ ꓝꓸ ꓓꓯ ꓡ ꓔꓬ ꓟ ꓥ ꓡꓳ= ꓟꓯꓼ ꓔꓯ ꓔꓳꓹ ꓙ ꓢꓯꓼ ꓖꓶ ꓟ ꓘꓴ ꓔꓴ ꓑꓮꓲ ꓔꓯ ꓠꓬ ꓡꓳ ꓪꓴꓸ ꓑꓴ-ꓔ-ꓳ ꓗꓪ ꓐꓰ ꓡꓳ ꓟꓶꓸ ꓔ-ꓠꓲ-ꓔ-ꓣꓲ ꓟꓵꓽ ꓗꓪ ꓛꓲ ꓟꓯꓼ ꓡꓰ ꓢꓯꓼ ꓩꓴꓽ ꓢꓲꓸ ꓬꓰ ꓓꓳ ꓡ ꓔꓬ ꓟ ꓥ ꓡꓳ=