2026 ꓘꓳꓼ 4 ꓦ 3 ꓠꓬꓲ ꓕꓯꓽ꓾ ꓟꓬ-ꓟ ꓟꓯꓼ ꓜꓲ ꓟꓰꓹ-ꓮꓳ-ꓡꓮꓲ ꓠꓬ ꓟꓬ-ꓟ ꓗꓴꓷꓼ ꓪꓴꓸ ꓓꓵ ꓢꓲꓻ ꓪ ꓡꓰꓳ ꓐꓯ ꓡꓳ꓿
ꓗꓴꓷꓼ ꓪꓴꓸ ꓓꓵ 2 ꓣꓳ ꓕꓲ ꓣꓳ ꓟ ꓠꓬꓲ ꓖꓴ ꓗꓪ 3 ꓣꓳ ꓙꓬꓺ ꓡ ꓢꓲ꓾ ꓢꓲꓻ ꓔꓯꓺ ꓡꓯ ꓘꓳ ꓗꓷ ꓠꓬ꓾ ꓟꓰꓹ-ꓮꓳ-ꓡꓮꓲ 429 ꓛꓬꓽ꓾ ꓠꓬꓳ-ꓢꓳꓸ 126 ꓛꓬꓽ꓾ ꓠꓹ-ꓠꓲ-ꓠꓲ-ꓯꓸ 29 ꓛꓬꓽ ꓪ ꓡꓰꓳ꓾ ꓐꓰ ꓓꓳꓽ ꓜꓳˍ ꓡꓳ꓿
2020 ꓘꓳꓼ ꓗꓴꓷꓼ ꓙꓵꓽ ꓜꓴ ꓢꓲꓻ ꓡꓯ ꓘꓳ ꓟ ꓗꓪ ꓠꓡꓓ ꓧꓪꓸ ꓡꓰ ꓥ ꓟꓲ꓾ ꓟꓽ ꓔꓱꓹ ꓟꓽ ꓜꓳꓽ ꓬꓰˍ ꓡꓳ ꓐꓯ ꓢꓲꓸ ꓗꓴꓷꓼ ꓙꓵꓽ ꓪ ꓦꓴ ꓗꓷ ꓢꓴ ꓟꓰꓹ-ꓮꓳ-ꓡꓮꓲ ꓠꓬ ꓮ ꓟꓶ ꓗꓴꓷꓼ ꓪꓴꓸ ꓓꓵ ꓒꓬꓱꓼ ꓡ ꓟ ꓥ ꓡꓳ꓿
ꓬꓲꓸ ꓠꓬ ꓬꓲꓸ ꓐꓯˍ ꓟ ꓡꓰ ꓐꓰ ꓗꓴꓷꓼ ꓟꓬꓱꓽ ꓬꓰ ꓜꓴ ꓑ-ꓔꓲ ꓮ ꓙꓵꓽ ꓟ ꓔꓱꓹ ꓫꓵ ꓗꓪ ꓐꓰ ꓗꓴꓷꓼ ꓙꓵꓽ ꓪ ꓔꓯ ꓡꓳꓸ ꓙ ꓔꓬ ꓡꓳ ꓐꓯˍ ꓠꓬ꓾ ꓬꓲꓸ ꓚꓲꓸ ꓛꓬ ꓕꓱ ꓡꓱ ꓗꓴꓷꓼ ꓙꓵꓽ ꓪ ꓣꓴ ꓙꓲꓽ ꓟꓽ ꓙꓳ꓾ ꓐꓰ ꓮ ꓙꓵꓽ ꓢꓴ ꓢꓷꓸ ꓡꓳ꓿
ꓬꓲꓸ ꓗꓴꓷꓼ ꓙꓵꓽ ꓪ ꓣꓴˍ ꓟ ꓖꓳ ꓕꓯ ꓟ ꓦꓬꓼ ꓠꓬꓲ ꓗꓪ ꓟꓰꓹ-ꓮꓳ-ꓡꓮꓲ ꓠꓬ ꓗꓴꓷꓼ ꓪꓴꓸ ꓓꓵ ꓬꓰ ꓠꓲꓹ ꓫꓵ ꓟ ꓔꓯ ꓠꓡꓓ ꓡꓰ ꓟꓽ ꓓꓽ ꓔꓳꓹ ꓖꓶꓽ ꓟ ꓑꓶꓸ ꓓꓴ ꓠꓡꓓ ꓔꓯ ꓗꓸ ꓧꓪ ꓡ ꓟ ꓥ ꓡꓳ꓾ ꓐꓰ ꓓꓳꓽ ꓓꓳ ꓗꓷ ꓟ ꓥꓳ꓿ ꓮ ꓟꓶ ꓠꓬ ꓬꓲꓸ ꓬꓰ ꓟꓬꓱꓽ ꓗꓪ ꓐꓰ ꓓꓳꓽ ꓖꓳ ꓟ ꓬꓲꓸ ꓚꓽ ꓥ ꓡꓳ ꓐꓰ ꓗꓸ ꓚꓵ ꓔꓶ ꓩꓴ ꓡ ꓡꓳ꓿