ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓲꓚꓚ ꓗꓪ ꓐꓯ ꓟꓴ ꓕꓲ ꓚꓱꓹ ꓩꓴ ꓗꓷꓳ

2021 ꓘꓳꓼ 2 ꓦ 1 ꓠꓬꓲ ꓗꓪ ꓪꓴꓸ ꓔꓴ ꓢꓲꓸ ꓑ ꓫꓬ ꓙꓵꓽ ꓪ ꓦꓴ꓾ ꓑ ꓫꓬ ꓔꓯ ꓢꓰꓼ ꓡ ꓟ ꓑꓶꓸ ꓓꓴ ꓠꓬꓲꓸ ꓠꓬꓲ 2021 ꓘꓳꓼ 12 ꓦ 10 ꓠꓬꓲ ꓕꓯꓽ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓲꓚꓚ ꓗꓪ ꓐꓯ ꓟꓴ ꓕꓲ ꓚꓱꓹ ꓩꓴ ꓓꓴ MAP- Myanmar Accountability Project ꓡꓰ ꓫꓵꓽ ꓘꓶꓽ ꓔꓶꓸ ꓗꓪ ꓓꓰꓽ ꓩꓴ ꓡ ꓡꓳ꓿

“ꓙꓵꓻ ꓪ ꓦꓴ ꓢꓲꓸ ꓑ ꓫꓬ ꓔꓯ ꓜꓲ ꓫꓲ ꓑꓰꓹ ꓑꓰꓹ ꓬꓲꓸ ꓥꓳꓽ ꓟꓽ ꓙꓳ ꓢꓰꓼ ꓔꓬ ꓔꓯ ꓐꓯ ꓟꓴ ꓬꓰ ꓓꓴ ꓥꓳ꓿ ꓬꓲꓸ ꓔꓯ ꓣꓴ ꓠꓹ ꓟ ꓐꓯ ꓟꓴ ꓘꓶꓽ ꓡ ꓥꓳ ꓐꓰ ꓥꓳ ꓡꓳꓸ ꓓꓴ ꓙꓳˍ ꓥꓳ” ꓐꓰ ꓟꓮꓑ ꓜꓴ ꓧꓳꓽ ꓢꓴ Chris Gunness ꓡꓰ ꓐꓯ ꓡꓳ꓿

ꓙꓵꓽ ꓪ ꓦꓴ ꓡ ꓕꓲ ꓠꓬꓲ ꓗꓪ ꓐꓰ ꓠꓬꓲꓸ ꓠꓬꓲ ꓗꓪ ꓛꓲ ꓞꓲꓼ ꓣꓳˍ ꓟ ꓤ ꓠꓱ 75 ꓣꓳ ꓐꓰ꓾ ꓠꓱ. ꓐꓯꓼ ꓢꓰꓼ ꓪ ꓡꓰ ꓢꓴ ꓮ ꓙꓵꓽ ꓠꓬ 1305 ꓣꓳ꓾ ꓣꓴ ꓡꓴꓽ ꓔꓸ ꓢꓴ 10756 ꓣꓳ ꓙꓳ ꓡꓳ ꓐꓰ ꓮꓮꓑꓑ ꓡꓰ ꓧꓪ ꓟꓰꓹ ꓔꓸ ꓡꓳ꓿

ꓢꓸ-ꓡꓲꓸ-ꓙꓰꓸ ꓡꓳ ꓒꓱ ꓗꓪ ꓑ ꓫꓬ 11 ꓣꓳ ꓔꓯꓸ ꓢꓯꓸ ꓢꓯꓸ ꓮ ꓔꓳꓸ ꓛꓴ ꓢꓰꓼ ꓗꓷ ꓟ ꓓꓳꓽ ꓑꓶꓸ ꓓꓴ ꓴꓢꓮ ꓐꓰ ꓟꓲ ꓠꓯ ꓗꓴꓷꓼ ꓜꓴ ꓐꓴ ꓓꓵꓽ ꓙ ꓟꓶ ꓡꓰ꓾ ꓦꓰꓸ ꓡꓰ ꓔꓬ ꓡꓳ꓿

“ꓝꓴꓲꓸ ꓬꓰ ꓢꓲꓸ ꓝꓴꓲ ꓪ ꓒꓵꓽ ꓟꓽ ꓘꓳ ꓣꓴ ꓟꓶ ꓟ ꓚꓱꓹ ꓔꓯ ꓬꓲꓸ ꓟꓶꓽ ꓢꓰꓼ ꓩꓴ ꓝꓲ ꓛꓲꓳ” ꓐꓰ ꓴꓢꓮ ꓝꓲ ꓓꓴ Ned Price ꓡꓰ ꓐꓯ ꓡꓳ꓿

“ꓝꓴꓲꓸ ꓬꓰ ꓢꓴ ꓠꓬ ꓝꓴꓲꓸ ꓟꓶ ꓙꓲ ꓙꓳ ꓡꓳ” ꓐꓰ ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲ ꓐꓱ ꓶ ꓫꓸ ꓕꓱ ꓙ ꓢꓴ Dujarric ꓡꓰ ꓥ ꓟꓲ ꓕꓱ ꓓꓳ ꓡ ꓡꓳ꓿