ꓟꓯꓼ ꓘꓰꓹ ꓢꓴ ꓐꓴ ꓔꓯ ꓡꓲ-ꓢꓴ ꓡꓲ ꓒꓰꓼ ꓜꓴ ꓐꓱꓻ ꓗꓪ ꓐꓰ ꓡꓽ ꓙꓰ ꓝꓲꓳ

ꓟꓯꓼ ꓐꓴ ꓐꓶ ꓡꓯ ꓘꓳ ꓟ ꓮ ꓔꓲꓸ ꓤꓼ ꓢꓲ ꓡꓲꓹ ꓗ ꓬꓰˍ ꓟ ꓐꓰ꓾ ꓞꓳ ꓦꓲ ꓮ ꓟꓬꓹ ꓔꓯ ꓬꓰ ꓙ ꓔꓳꓹ ꓙ ꓚꓱꓹ ꓗꓸ ꓟꓽ ꓘꓳꓽ ꓢꓰꓽ ꓟ ꓑꓶꓸ ꓓꓴ 2022 ꓘꓳꓼ 2 ꓦ 10 ꓠꓬꓲ ꓠꓯꓼ ꓗꓪ ꓑꓴ-ꓔ-ꓳ ꓡꓲ-ꓢꓴ ꓟꓯꓼ ꓘꓰꓹ ꓐꓴ ꓔꓯ ꓬꓲꓸ ꓪ ꓚꓲ ꓛꓬ ꓘꓹ ꓗꓪ ꓡꓽ ꓙꓰ ꓝꓲꓳ ꓐꓰ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓡꓰ ꓢꓷ ꓖꓶ ꓡ ꓡꓳ꓿

“ꓕꓲ ꓘꓶꓽ ꓠꓽ ꓠꓰ ꓐꓶ ꓡꓯ ꓘꓳˍ ꓓꓴ ꓟ ꓮ ꓔꓲꓸ ꓤꓼ ꓢꓲ ꓡꓲꓹ ꓬꓰꓳ꓿ ꓠꓬꓲꓽ ꓘꓶꓽ ꓠꓽ ꓠꓰ ꓕꓱ ꓗꓪ ꓗꓸ ꓟꓽ ꓘꓳꓽ ꓓꓴ ꓮ ꓔꓲꓸ ꓔꓲꓸ ꓙꓳ ꓡ ꓡꓳ꓿ ꓳꓸ ꓟ ꓑꓶꓸ ꓓꓴ ꓕꓲ ꓑꓹ ꓤꓼ ꓡꓽ ꓙꓰ ꓢꓲꓽ ꓐꓯ ꓢꓲꓸ ꓟꓲꓸ ꓟꓲ ꓠꓯꓼ ꓗꓪ ꓟꓳ-ꓓꓳ ꓗꓪ ꓐꓰ꓾ ꓢ-ꓗꓯ ꓗꓪ ꓐꓰ ꓚꓲꓹ ꓡ ꓩꓴꓳ” ꓐꓰ ꓟꓯꓼ ꓘꓰꓹ ꓐꓴ ꓔꓯ ꓬꓰ ꓙ ꓔꓳꓹ ꓙ ꓚꓱꓹ ꓧꓳꓽ ꓪꓴꓸ ꓟꓴ ꓙ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿

ꓗꓳꓸ ꓗꓷ ꓟ 2022 ꓘꓳꓼ 2 ꓦ 6 ꓠꓬꓲ ꓗꓪ ꓠꓬ ꓡꓴ-ꓫ-ꓬ ꓐꓰ ꓒ-ꓟ ꓠꓬꓲꓽ ꓗꓴꓸ ꓚꓸ ꓗꓪ ꓕꓲ ꓠꓬꓲ ꓫꓵ ꓫꓵ ꓐꓶ ꓡꓯ ꓘꓳ ꓓꓴ ꓙꓳ ꓡ ꓢꓲ꓾ ꓔ-ꓙ꓾ ꓡꓴ-ꓫ-ꓬ꓾ ꓒ-ꓟꓽ ꓘꓹ ꓗꓪ ꓟ ꓑ ꓫꓬ ꓐꓴ ꓞꓳ ꓘꓹ ꓗꓪ ꓔꓬ ꓟꓽ ꓑꓶꓸ ꓗꓷ ꓡꓰˍ ꓟ ꓥ ꓡꓳ꓿

ꓟꓶ-ꓚꓲ-ꓠ — ꓑꓴ-ꓔ-ꓳ ꓙ ꓖꓴ ꓗꓪ 2022 ꓘꓳꓼ 2 ꓦ 1 ꓠꓬꓲ ꓕꓯꓽ ꓢꓲ-ꓑꓲ-ꓬ ꓟꓯꓼ ꓦꓲ ꓔꓯ ꓗꓲꓮ ꓐꓰ ꓑꓓꓝ ꓡꓰ ꓛꓬꓹ ꓡ ꓟ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓡꓯ ꓫꓵ ꓐꓶ ꓡꓯ ꓘꓳ ꓡ ꓥ ꓡꓳ꓿