ꓟꓯꓼ ꓡꓰ ꓣꓴ ꓟꓶ ꓢꓲꓸ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟ ꓒꓬꓳ-ꓜꓯ-ꓬ-ꓔꓳ꓾ ꓙꓲ-ꓟꓲ꓾ ꓗꓳ-ꓟꓬꓳꓹ꓾ ꓮꓳ-ꓔꓴ-ꓬ-ꓜꓳꓽ (4) ꓣꓳ ꓔꓯꓸ ꓐꓱ ꓓꓴꓽ ꓙꓵꓽ ꓗ ꓡꓳ ꓚ ꓝꓴꓲꓸ ꓖꓶꓽ ꓓꓳ ꓡꓰꓳ꓾ ꓐꓰ ꓠꓬꓲꓸ ꓠꓬꓲ 2022 ꓘꓳꓼ 7 ꓦ 25 ꓠꓬꓲ ꓕꓯꓽ ꓟꓯꓼ ꓡꓯ ꓛꓲ ꓗꓪ ꓟ ꓫꓵꓽ ꓓꓳ ꓗꓪ ꓐꓳ ꓟꓳꓸ ꓖꓶꓽ ꓔꓸ ꓡꓳ꓿
ꓬꓲꓸ ꓪ ꓔꓯ ꓠꓬ ꓮ ꓠꓲꓹ ꓕꓯꓽ ꓟꓯꓼ ꓶ ꓤ ꓶ ꓟꓲ ꓔꓺ ꓔꓲ ꓣꓴ ꓟꓶ ꓡꓰ ꓢꓲꓸ ꓟꓬ-ꓟ ꓟꓯꓼ ꓔꓯ ꓔꓳꓹ ꓢꓴ ꓥˍ ꓠꓬꓲ꓾ ꓚꓲꓸ ꓚ ꓫꓵꓽ ꓘꓶꓽ ꓓꓳ ꓡꓰ ꓟ ꓡꓰ ꓐꓰ ꓮ ꓟꓶ ꓠꓬ ꓢꓰꓼ ꓩꓴ ꓟ ꓥ ꓡꓳ꓿ (ꓡꓯ ꓐꓲ ꓔꓳꓹ ꓡꓳ ꓔꓳꓹ ꓛꓵꓽ ꓢꓰꓼ ꓥꓳ)
ꓗꓳꓸ ꓗꓷ ꓟ ꓕꓲꓽ ꓠꓽ ꓗꓪ ꓬꓲꓸ ꓪ ꓦꓲ ꓘꓴꓽ ꓢꓴ ꓐꓴ ꓔꓯ ꓳ-ꓡꓮꓲꓹ ꓗꓪ ꓐꓰ ꓜꓲ ꓡꓯ ꓘꓳ ꓝꓲ ꓡꓳ꓿
ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓙꓰ ꓕꓲꓽ ꓠꓬꓲ ꓗꓪ ꓐꓰ ꓟꓬ-ꓟ ꓗꓴꓷꓼ ꓑ ꓫꓬ ꓐꓴ ꓠꓬ ꓒꓳꓹ ꓔꓳꓹ ꓡꓳ꓿ ꓖꓳ ꓡꓱ ꓥ ꓟꓲ ꓟꓯꓼ ꓐꓴ ꓡꓰ ꓡ ꓛꓴꓸ ꓗꓪ ꓐꓰ ꓢꓲ ꓡꓲꓹ ꓟ ꓚꓱꓹ ꓗꓪ ꓐꓰ ꓒꓳꓹ ꓔꓳꓹ ꓟ ꓔꓯ ꓐꓶ ꓢꓰꓼ ꓡ ꓠꓬꓲ꓾ ꓡ ꓛꓴꓸ ꓣꓱꓽ ꓢꓲꓸ ꓒꓳꓹ ꓔꓳꓹ ꓠꓹ ꓟ ꓢꓯꓼ ꓕꓵꓼ ꓔꓬ ꓢꓴ ꓟꓶꓽ ꓟꓶꓽ ꓢꓯꓹ ꓢꓯꓹ ꓙꓳ ꓡ ꓡꓳ꓿