ꓣꓚꓢꓢ ꓡꓰ ꓢꓰꓼ ꓗꓷ ꓢꓴ ꓟꓮꓲꓹ-ꓠꓴ-ꓦ ꓔꓯ ꓬꓲ ꓟꓶꓻ ꓔ-ꓮꓸ ꓞꓳ ꓫꓵꓽ ꓐꓴ ꓡꓰꓽ “ꓔ-ꓮꓸ ꓫꓵꓽ ꓔꓯ ꓠꓲꓹ ꓠꓵ ꓢꓯꓼ ꓟꓬ ꓖꓶꓽ ꓗꓷ ꓢꓴ” ꓢꓪꓼ ꓢꓲꓸ ꓞꓳ ꓒꓵꓽ ꓓꓴ꓾ ꓚꓲꓸ ꓟꓶ ꓓꓴ ꓦꓲ ꓐꓰ꓾ ꓚ ꓟꓲꓽ ꓙꓳ ꓝꓲ ꓓꓴ ꓥꓳ ꓐꓰ ꓔ-ꓮꓸ ꓡ ꓞꓳ ꓐꓴ ꓡꓰꓽ ꓐꓯˍ ꓡꓳ꓿
2022 ꓘꓳꓼ 1 ꓦ 10 ꓠꓬꓲ ꓕꓯꓽ ꓟꓮꓲꓹ-ꓠꓴ-ꓦ (39 ꓘꓳ) ꓐꓰ ꓬꓲꓸ ꓦꓲ ꓢꓲ ꓟ ꓡꓱꓹ-ꓯꓸ-ꓘꓼ ꓾(26 ꓘꓳꓼ)꓾ ꓬꓲꓸ ꓤꓼ ꓟꓶꓼ ꓡꓱꓹ-ꓢꓰ-ꓑ-ꓡꓲ (ꓦ ꓐ 7 ꓟ) ꓐꓴ ꓔꓯ ꓟꓮꓲꓹ-ꓗꓮꓲꓽ ꓡꓳ ꓒꓱ꓾ ꓔꓳ-ꓡꓳꓹ ꓘꓹ ꓗꓪ ꓙꓳˍ ꓟ ꓣꓚꓢꓢ ꓟꓯꓼ ꓐꓴ ꓡꓰ ꓣꓴ ꓟꓶ ꓡꓰˍ ꓟ ꓥ ꓡꓳ꓿
ꓖꓳ ꓡꓱ ꓢꓲꓸ ꓖꓳ ꓗꓪ ꓐꓰ ꓶꓽ ꓤ ꓟ ꓟꓵꓽ ꓕꓲ ꓔꓳꓸ ꓗꓪ ꓢꓰꓼ ꓔꓸ ꓟ ꓫꓵꓻꓟꓳ ꓧꓪ ꓟꓶ ꓡꓳ꓿ ꓫꓵꓻꓦꓟꓳ ꓔꓯ ꓮ ꓔꓳꓸ ꓛꓴ ꓗꓷ ꓗꓸ ꓠꓯꓸ ꓑꓸ-ꓑꓯꓸ ꓜ ꓮꓽ ꓖꓻ ꓟꓵ ꓕꓲ ꓔꓳꓸ ꓗꓪ ꓔꓵꓸ ꓗꓷꓳ꓿
ꓬꓲ ꓪ 3 ꓑꓸ ꓡꓼ ꓔꓯ ꓔꓵꓸ ꓫꓺ ꓟ ꓗꓪ ꓔ-ꓮꓸ ꓞꓳ ꓫꓵꓽ ꓬꓲꓸ ꓔꓴ ꓣꓳ ꓜꓲꓼ ꓡ ꓢꓲꓸ ꓠꓲꓹ ꓥꓴ ꓟꓬ ꓥꓴ ꓙ ꓡꓳ꓿
ꓮ-ꓢ (ꓐꓶ-ꓬꓲ) ꓟꓵꓽ ꓗꓪ ꓗꓲꓮ꓾ ꓣꓚꓢꓢ/SSA꓾ TNP꓾ ꓔꓠꓡꓮ꓾ SSPP/ꓢꓢꓮ꓾ ꓟꓠꓓꓮꓮ ꓟꓯꓼ ꓐꓴ ꓕꓲ ꓜꓴ ꓕꓲ ꓟꓵꓽ ꓗꓪꓼ ꓔꓬ ꓢꓲ꓾ ꓖꓳ ꓑꓳꓸ ꓕ ꓑꓳꓸ ꓫꓵꓽ ꓒꓯꓽ ꓡꓯ ꓘꓳ꓾ ꓠꓲꓹ ꓟ ꓩꓴ ꓡꓯ ꓘꓳ꓾ ꓟꓵꓽ ꓦꓴ ꓡꓯ ꓘꓳ꓾ ꓢꓰꓼ ꓡꓯ ꓘꓳ ꓟ ꓟꓽ ꓠꓽ ꓠꓽ ꓙꓳ ꓔꓬ ꓡꓳ꓿