ꓟꓬ-ꓪ-ꓓꓰ ꓔꓯ ꓗ-ꓬꓲ ꓟꓯꓼ ꓠꓰ ꓓꓶꓽ ꓧꓪꓸ ꓬꓰ ꓔꓳꓼ

ꓗ-ꓬꓲ ꓟꓵꓽ꓾ ꓟꓬ-ꓪ-ꓓꓰ ꓡꓳ ꓒꓱ ꓔꓯ ꓗ-ꓬꓲ ꓟꓯꓼ ꓗꓠꓡꓮ ꓡꓰ ꓓꓶꓽ ꓧꓪꓸ ꓡꓰ ꓔꓳꓼ ꓬꓰꓳꓸ ꓐꓰ ꓓꓳꓽ ꓜꓳˍ ꓡꓳ꓿

ꓖꓳ ꓕꓲ ꓟꓵꓽ ꓗꓪ ꓔꓶꓺ ꓔꓸ ꓟ ꓟꓬ-ꓟ ꓟꓯꓼ ꓙ ꓮ ꓟꓬꓹ ꓔꓯ ꓮ ꓟꓲ ꓕꓯꓽ ꓗ-ꓬꓲ ꓟꓯꓼ ꓠꓰ ꓓꓶꓽ ꓧꓪꓸ ꓡꓰ ꓢꓲꓸ ꓬꓲꓸ ꓟꓶꓽ ꓕꓲꓽ ꓟ ꓥ ꓟ ꓟꓬ-ꓟ ꓟꓯꓼ ꓙ 275 ꓔꓯ ꓗꓽ ꓚꓳꓸ ꓔꓸ ꓡꓳ꓿

“ꓫꓵꓽ ꓓꓳ ꓓꓴ ꓟꓽ ꓙꓳ ꓙꓳ ꓠꓽ ꓙꓲ ꓠꓹ ꓟ ꓟꓯꓼ ꓙ 275 ꓗꓪ ꓟ ꓟꓬ-ꓟ ꓟꓯꓼ ꓐꓴ ꓔꓯ ꓖꓪ ꓙꓱ ꓔꓬ ꓡꓳ꓿ ꓢꓲꓻ ꓣꓴ ꓝꓲ ꓔꓬ ꓡꓳ꓿ ꓬꓲꓸ ꓪ ꓞꓳꓸ ꓬꓰꓳ ꓐꓯ ꓢꓲꓸ ꓟꓯꓼ ꓶ ꓤ ꓛꓹ ꓡ ꓠꓹ ꓟ ꓖꓪ ꓙꓱ ꓔꓬ ꓡꓳ꓿ ꓮ ꓡꓻ 200 ꓣꓳ ꓠꓬ ꓕꓱ ꓡꓱ ꓪꓴꓸ ꓘꓶꓽ ꓔꓯ ꓓꓽ ꓔꓳꓹ ꓡꓻꓳ” ꓐꓰ ꓗꓠꓡꓮ ꓟꓯꓼ ꓔꓯ ꓠꓶꓽ ꓢꓴ ꓐꓴ ꓡꓰ ꓐꓯ ꓔꓬ ꓡꓳ꓿

ꓮ ꓕꓯ ꓥ ꓟꓲ ꓟꓽ ꓧꓪꓸ ꓠꓬꓲ ꓗꓪ ꓛꓲ ꓗ-ꓬꓲ ꓟꓯꓼ ꓐꓴ ꓓꓶꓽ ꓧꓪꓸ ꓡꓰ ꓔꓬ ꓟ ꓥ ꓡꓳ꓿

ꓖꓳ ꓟ ꓡꓰ ꓐꓰ ꓗ-ꓛꓲ ꓟꓵꓽ ꓗꓪ ꓥ ꓟꓲ ꓟꓬ-ꓟ ꓟꓯꓼ ꓒꓱ 20 ꓕꓯꓽ ꓢꓲ ꓓꓶꓽ ꓧꓪꓸ ꓡꓰ ꓔꓸ ꓡꓳ꓿