ꓟꓬ-ꓟ ꓐꓱ ꓶ ꓬꓲꓸ ꓫꓳꓽ ꓚꓴ ꓬꓲꓹ ꓖꓶ ꓜꓴ ꓢꓮꓚ-ꓟ (Special Advisory Council for Myanmar) ꓡꓰ ꓟꓬ-ꓟ ꓠꓬ ꓮ-ꓢꓲ-ꓬ ꓟꓵꓽ ꓗꓪ ꓠꓻ ꓓꓱ ꓑꓶꓸ ꓓꓴ ꓞꓳ ꓫꓵꓻ ꓪꓽ ꓫꓵꓻ ꓟꓬꓽ ꓡꓳꓹ ꓬꓰ ꓟ ꓗꓴꓼ ꓒꓬꓱꓼ ꓡ ꓔꓬ ꓡꓳ ꓐꓰ ꓐꓯ ꓟꓳꓸꓖꓶ ꓩꓴ ꓡ ꓡꓳ꓿
ꓑ ꓫꓬ ꓙꓵ ꓪ ꓦꓴ ꓟꓯꓼ ꓠꓬ ꓬꓲ ꓪ ꓙꓵꓽ ꓪ ꓦꓴ ꓚꓱꓹ ꓠꓲꓹ ꓞ ꓧꓪꓸ ꓡꓰ ꓟꓽ ꓓ ꓟ ꓑꓶꓸ ꓓꓴ ꓚꓳꓦꓲꓓ-19 ꓠꓻ ꓓꓱꓽ ꓔꓯ ꓑ ꓫꓬ ꓮ ꓙꓵꓽ ꓠꓻ ꓡꓰ ꓠꓹ ꓟ ꓖꓽ ꓟꓶ ꓫꓵꓸ ꓫꓵꓸ ꓦ ꓐ 6 ꓟ ꓩꓴ ꓔꓸ ꓗꓷꓳ꓿ ꓮ ꓟꓶ ꓠꓬ ꓠꓯ ꓞꓲꓼ ꓬꓰ ꓙ ꓚꓱꓹ ꓮ ꓙꓵꓽ ꓔꓯ ꓬꓲ ꓪ ꓡꓰ ꓘꓶ ꓡꓶ ꓔꓬ ꓢꓲ꓾ ꓬꓲ ꓪ ꓠꓬ ꓚꓳꓦꓲꓓ-19 ꓔꓯ ꓣꓱꓽ ꓢꓲ ꓗꓴꓷꓼ ꓙꓵ ꓪ ꓣꓴ ꓕꓶ ꓡꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ꓿ ꓬꓲ ꓪ ꓠꓲꓹ ꓖꓳꓼ ꓟ ꓔꓯ ꓗꓴꓷꓼ ꓜꓴ ꓐꓴ ꓧꓪꓸ ꓛꓲ ꓠꓯ ꓡꓳ ꓐꓰ ꓬꓲꓼ ꓠꓬꓲꓸ ꓖꓶ ꓘꓶꓽ ꓐꓯ ꓩꓴ ꓡ ꓡꓳ꓿