ꓟꓬ-ꓟ ꓫꓵꓽ ꓪꓴ ꓫꓬꓻ ꓡꓰ ꓠꓹ ꓟ ꓬꓰ ꓙ ꓟꓽ ꓪ ꓬꓰꓳ ꓐꓰ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓣꓷꓠꓸ

ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓔꓯ ꓫꓬꓻ ꓡꓰ ꓠꓹ ꓟ ꓬꓰ ꓙ ꓟꓽ ꓪ ꓬꓰꓳ ꓐꓰ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓮ-ꓔꓳ-ꓠꓰ ꓖꓴ-ꓔ-ꓬꓯꓼ ꓡꓰ 2022 ꓘꓳꓼ 11 ꓦ 13 ꓠꓬꓲ ꓕꓯꓽ ꓙ-ꓐꓳ-ꓓꓰ-ꓬ ꓗꓪ ꓮ-ꓢꓰ-ꓬ ꓖꓪ ꓙꓱ ꓜꓲꓼ ꓓꓴ ꓜꓲꓼ ꓓꓳ ꓗꓸ ꓠꓯꓸ ꓓꓳꓽ ꓐꓯ ꓑꓶ ꓙꓵꓹ ꓗꓪ ꓣꓷꓠꓸ ꓩꓴ ꓡ ꓡꓳ꓿

ꓟꓬ-ꓟ ꓑ ꓫꓬ ꓐꓴ ꓠꓬ ꓓꓵꓽ ꓙ ꓟꓽ ꓠ ꓗꓪ ꓛꓲ ꓫꓸ ꓙꓵꓻ ꓓꓴ ꓔꓳꓹ ꓜꓳꓽ ꓔꓬ ꓡꓳ꓾ ꓐꓰ ꓐꓯˍ ꓡꓳ꓿

ꓖꓳ ꓡꓱ ꓥ ꓟꓲ ꓮ-ꓢꓰ-ꓬ ꓗꓴꓷꓼ ꓜꓴ ꓢꓽ ꓡ ꓙꓵꓽ ꓬꓲꓸ ꓫꓵꓼ ꓔ ꓔꓰ ꓗꓴꓷꓼ ꓜꓴ ꓪꓽ ꓢꓲꓸ ꓟꓬ-ꓟ ꓫꓵꓽ ꓪꓴ ꓫꓬꓹ ꓙ ꓐ ꓡ ꓥꓳ ꓐꓰ ꓥꓳ ꓡꓳꓸ ꓔꓬ ꓡꓳ꓾ ꓐꓯ ꓡꓳ꓿

ꓴꓢꓮ ꓗꓴꓷꓼ ꓪꓴꓸ ꓓꓵ ꓙꓳꓹ-ꓐ-ꓓꓰ ꓡꓰ ꓥ ꓟꓲ꓾ ꓟꓬ-ꓟ ꓟꓯꓼ ꓐꓴ ꓮ-ꓢꓰ-ꓬ ꓡꓰ ꓖꓪ ꓙꓱ ꓙ ꓔꓬ ꓟ ꓔꓯ ꓠꓲꓹ ꓞ ꓘꓳ ꓣꓴ ꓓꓴ ꓬꓰ ꓐꓰ ꓢꓯꓼ ꓖꓶ ꓫꓸ ꓕꓱ ꓡꓳ꓿

ꓟꓬ-ꓟ ꓑ ꓫꓬ ꓐꓴ ꓠꓬ ꓮ-ꓢꓰ-ꓬ ꓐꓰ ꓟꓲ ꓠꓯ ꓗꓴꓷꓼ ꓜꓴ ꓠꓬ ꓮ ꓫꓵꓽ ꓡꓰꓸ ꓟꓽ ꓥ ꓐꓶ ꓐꓰ ꓠꓲꓹ ꓥꓴ ꓔꓬ ꓡꓳ꓿

ꓟꓬ-ꓟ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓮ-ꓢꓰ-ꓬ ꓐꓰ ꓐꓶꓽ ꓗꓴꓷꓼ ꓐꓴ ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓗꓪ ꓠꓴ ꓪ ꓕꓽ ꓙꓪꓽ ꓫꓵꓽ ꓐꓰ ꓐꓯ ꓡꓽ ꓗꓹ ꓫꓵꓸ ꓡꓽ ꓩꓴ ꓡ ꓡꓳ꓿