Deprecated: mb_convert_encoding(): Handling HTML entities via mbstring is deprecated; use htmlspecialchars, htmlentities, or mb_encode_numericentity/mb_decode_numericentity instead in /home/techmmne/public_html/lisutimes.com/wp-content/plugins/fb-instant-articles/vendor/facebook/facebook-instant-articles-sdk-php/src/Facebook/InstantArticles/Transformer/Transformer.php on line 249

Deprecated: mb_convert_encoding(): Handling HTML entities via mbstring is deprecated; use htmlspecialchars, htmlentities, or mb_encode_numericentity/mb_decode_numericentity instead in /home/techmmne/public_html/lisutimes.com/wp-content/plugins/fb-instant-articles/vendor/facebook/facebook-instant-articles-sdk-php/src/Facebook/InstantArticles/Transformer/Transformer.php on line 249

Deprecated: Creation of dynamic property Facebook\InstantArticles\AMP\AMPHeader::$headerBar is deprecated in /home/techmmne/public_html/lisutimes.com/wp-content/plugins/fb-instant-articles/vendor/facebook/facebook-instant-articles-sdk-extensions-in-php/src/Facebook/InstantArticles/AMP/AMPHeader.php on line 51
ꓟꓬ-ꓟ ꓡꓰ ꓣꓳ-ꓦꓲ-ꓙ ꓔꓯ ꓞꓳ ꓛꓴ ꓒ ꓞꓰꓹ ꓢꓰꓼ ꓟ (Genocide) ꓙꓳˍ ꓡꓳ ꓐꓰ ꓢꓷ ꓙ ꓟꓴ ꓙ ꓓꓴ ꓥꓳ

History

ꓟꓬ-ꓟ ꓡꓰ ꓣꓳ-ꓦꓲ-ꓙ ꓔꓯ ꓞꓳ ꓛꓴ ꓒ ꓞꓰꓹ ꓢꓰꓼ ꓟ (Genocide) ꓙꓳˍ ꓡꓳ ꓐꓰ ꓢꓷ ꓙ ꓟꓴ ꓙ ꓓꓴ ꓥꓳ

By TheLisuTimes

March 21, 2022

2017 ꓘꓳꓼ ꓕꓯ ꓣꓳ-ꓦꓲ-ꓙ ꓞꓳ ꓤ ꓕꓲ ꓫꓵꓽ ꓟꓶꓽ ꓡꓰ ꓗꓪ ꓛꓲ ꓢꓰꓼ ꓠꓹ ꓟ ꓟꓬ-ꓟ ꓟꓯꓼ ꓐꓴ ꓢꓯꓼ ꓕꓵꓼ ꓗꓷꓳ ꓐꓰ ꓴꓢꓮ ꓗꓴꓷꓼ ꓙꓵꓽ ꓜꓴ ꓡꓰ ꓢꓷꓸ ꓙ ꓟꓴ ꓙ ꓠꓹ ꓟ ꓙꓽ ꓖꓶ ꓔꓬ ꓡꓳ꓿

ꓕꓱ ꓟ ꓠꓬ 2022 ꓘꓳꓼ 3 ꓦ 21 ꓠꓬꓲ꓾ ꓟꓵ ꓗꓳ ꓓꓵ ꓓꓵ ꓞꓳ ꓤ ꓢꓯꓸ ꓔꓬ ꓙꓳ ꓔꓬ ꓚꓱꓹ ꓔꓯ ꓗꓸ ꓧꓪ ꓢꓲꓸ ꓞꓳ ꓛꓴ ꓒ ꓞꓰꓹ ꓢꓰꓼ ꓟ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓗꓪ꓾ ꓴꓢ ꓗꓴꓷꓼ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓓꓽ ꓟ ꓐꓶ-ꓡꓲ-ꓗꓲ ꓡꓰ ꓢꓷ ꓙ ꓟꓴ ꓙ ꓓꓴ ꓥꓳ꓿

ꓟꓬ-ꓟ ꓟꓯꓼ ꓠꓬ ꓞꓳ ꓫꓵꓽ ꓕꓲ ꓫꓵꓽ ꓟꓶꓽ ꓡꓰ ꓚꓱꓹ ꓔꓯ ꓚꓴ ꓬꓲꓹ ꓓꓶꓽ ꓢꓲꓸ ꓢꓯꓼ ꓕꓵꓼ ꓟꓬꓱꓽ ꓬꓰ ꓗꓷ ꓟ ꓔꓯꓸ ꓟꓳꓸ ꓴꓢꓮ ꓑ ꓫꓬ ꓝꓲ ꓓꓴ ꓜꓲꓼ ꓓꓴ ꓗꓪ ꓫꓸ ꓕꓱ ꓢꓷꓸ ꓙ ꓔꓬ ꓢꓴ Jeff Merkley ꓡꓰ ꓕꓱ ꓟ ꓔꓯ 3 ꓦ 20 ꓠꓬꓲ ꓕꓯꓽ ꓘꓳ ꓣꓴ ꓓꓽ ꓔꓳꓹ ꓩꓴ ꓡ ꓡꓳ꓿

ꓝꓮꓲ ꓴꓢꓮ ꓡꓰꓽ ꓕꓱ ꓡꓱꓳ ꓫꓵꓽ ꓔꓯ ꓚꓲꓸ ꓚ ꓔꓬ ꓟ ꓲꓲꓟꓟ ꓜꓴ ꓔꓯ ꓓꓳ-ꓡ 1 ꓪꓹ ꓔꓳꓹ ꓙ ꓠꓹ ꓟ ꓥ ꓟꓲ ꓢꓷ ꓙ ꓟꓴ ꓙ ꓓꓴ ꓐꓯˍ ꓡꓳ꓿

ꓧꓶꓸ ꓕꓯ ꓴꓢ ꓠꓬ ꓟꓬ-ꓟ ꓟꓯꓼ ꓡꓰ ꓬꓰ ꓗꓷˍ ꓟ ꓔꓯ ꓜꓲ ꓜꓲ ꓑꓰꓹ ꓑꓰꓹ ꓢꓰꓼ ꓟ ꓐꓰ ꓐꓯ ꓗꓳꓸ ꓡ ꓥ ꓟꓲ꓾ ꓮ ꓟꓶ ꓠꓬ꓾ ꓞꓳ ꓤ ꓢꓯꓸ ꓔꓬ ꓙꓳ ꓔꓬ ꓚꓱꓹ ꓔꓯ ꓗꓸ ꓧꓪ ꓢꓲꓸ ꓞꓳ ꓛꓴ ꓒ ꓞꓰꓹ ꓢꓰꓼ ꓟ (Genocide) ꓥ ꓡꓳ ꓐꓰ ꓐꓯ ꓡ ꓟ ꓥꓳ꓿

ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓕꓲꓐꓝꓸ ꓡꓲꓸ ꓕꓲ ꓝꓸ ꓠꓬ ꓣꓳ-ꓦꓲ-ꓙ ꓞꓳ ꓫꓵꓽ ꓟꓽ ꓙꓳ꓾ ꓬꓲꓸ ꓪ ꓠꓬ ꓗꓴꓷꓼ ꓘꓱꓻ ꓢꓲꓸ ꓔꓬ ꓓꓵꓽ ꓡ ꓢꓴ꓾ ꓐꓲ-ꓖ-ꓡ-ꓓꓯ-ꓫꓲ ꓗꓪ ꓐꓰ ꓡˍ ꓟ ꓐꓲ-ꓖ-ꓡꓲ ꓞꓳ ꓫꓵꓽ ꓥ ꓡꓳ ꓐꓰ ꓮ ꓟꓶ ꓗꓪ ꓛꓲ ꓐꓯ ꓔꓬ ꓡꓳ꓿