crime

ꓟꓬ-ꓟ ꓠꓬ ꓞꓳ ꓛꓴ ꓞꓰꓹ ꓠꓹ ꓟ ꓢꓰꓼ ꓝꓴꓲꓸ ꓙꓳ ꓡꓰꓳ ꓐꓰ ꓫꓵꓽ ꓘꓶꓽ ꓩꓴ ꓡꓻꓳ

By TheLisuTimes

November 19, 2026

2017 ꓘꓳꓼ ꓕ ꓑꓳꓸ ꓣꓳ-ꓦꓲ-ꓙ ꓞꓳ ꓫꓵꓽ ꓐꓴ ꓔꓯ ꓟꓬ-ꓟ ꓟꓯꓼ  ꓡꓰ ꓬꓰ ꓖꓶꓽ ꓗꓷ ꓟ ꓬꓲꓸ ꓫꓵꓽ ꓬꓲ ꓙꓰ ꓠꓬ꓾ ꓞꓳ ꓛꓴ ꓞꓰꓹ ꓡꓰ ꓠꓹ ꓟ ꓔꓶ ꓙꓱꓼ ꓙꓳ ꓙꓳ  ꓢꓯꓼ ꓕꓵꓼ ꓗꓷ ꓟ ꓥ ꓠꓬꓲ꓾ ꓝꓴꓲꓸ ꓙꓳˍ ꓡꓳ꓾ ꓐꓰ ꓲꓚꓙ ꓗꓪ ꓐꓰ ꓠꓬꓲꓸ ꓠꓬꓲ 2026 ꓘꓳꓼ 11 ꓦ 19 ꓠꓬꓲ ꓕꓯꓽ ꓫꓵꓽ ꓘꓶꓽ ꓩꓴ ꓡ ꓡꓳ꓿

8 ꓢꓯꓹ ꓣꓳ ꓟꓽ ꓞꓲ ꓔꓬ ꓟ ꓣꓳ-ꓦꓲ-ꓙ ꓐꓴ ꓗꓪ ꓐꓰ 1.2% ꓠꓬ ꓢꓰꓼ ꓪ ꓡꓰꓳ꓾ ꓐꓯˍ ꓡꓳ꓿ ꓠꓱꓸ ꓐꓯꓼ 7 ꓢꓯꓹ ꓟꓽ ꓞꓲ ꓠꓬ꓾ 2017 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓐꓲ-ꓖ-ꓡ-ꓓꓯ-ꓫꓲ ꓗꓴꓷꓼ ꓗꓪ ꓛꓰꓹ ꓑꓬ ꓔꓬ ꓡꓳ꓿ ꓞꓳ ꓛꓴ ꓞꓱꓹ ꓡꓰ ꓠ ꓢꓰꓼ ꓠꓲꓹ ꓫꓵ ꓟ ꓑꓒꓸ ꓓꓴ ꓝꓴꓲꓸ ꓙꓳˍ ꓡꓳ ꓐꓯˍ ꓟ ꓔꓯ ꓫꓵꓽ ꓘꓶꓽ ꓒ 15 ꓣꓳ ꓗꓪ ꓐꓰ 9 ꓣꓳ ꓡꓰ ꓠꓲꓹ ꓧꓳꓹ ꓔꓸ ꓡꓳ꓿

ꓣꓳ-ꓦꓲ-ꓙ ꓐꓴ ꓬꓲꓸ ꓛꓵ ꓖ-ꓐꓲ-ꓬ ꓗꓴꓷꓼ ꓡꓰ ꓟꓬ-ꓟ ꓗꓴꓷꓼ ꓔꓯ ꓫꓵꓽ ꓩꓴ ꓔꓸ ꓟ 7 ꓘꓳꓼ ꓕꓲ ꓘꓳꓼ ꓗꓪ ꓕꓱ ꓡꓱ ꓫꓵꓽ ꓘꓶꓽ ꓩꓴ ꓡ ꓟ ꓥ ꓡꓳ꓿