ꓟꓬ-ꓟ ꓟꓯꓼ ꓡꓰꓽ ꓠꓼ-ꓛꓹꓳ ꓘꓹ ꓔꓯ ꓙꓱ ꓦꓲ ꓑꓳꓼ ꓡꓳꓼ ꓠꓰ ꓐꓳꓽ ꓞꓰ꓾ ꓮ ꓔꓳꓸ ꓛꓴ ꓔꓬ

2021 ꓘꓳꓼ 12 ꓦ 23 ꓠꓬꓲ꓾ ꓟꓶ ꓘꓶꓼ 5 ꓙꓵꓹ ꓖꓳ ꓑꓳꓸ ꓗꓪ꓾ ꓟꓬ-ꓟ ꓟꓯꓼ ꓡꓰꓽ ꓗ-ꓡꓯꓹ ꓡꓳ ꓒꓱ ꓗꓪ ꓙꓳˍ ꓟ ꓠꓼ-ꓛꓹꓳ ꓘꓹ ꓔꓯ ꓙꓱ ꓦꓲ ꓑꓳꓼ ꓡꓳꓼ ꓠꓰ ꓐꓳꓽ ꓞꓰ꓾ ꓕꓲ ꓘꓹ ꓡꓱꓸꓼ ꓔꓯ ꓮ ꓔꓳꓸ ꓛꓴ ꓔꓬ ꓡꓳ ꓐꓰ ꓓꓳꓽ ꓜꓳ ꓡ ꓡꓳ꓿

ꓠꓼ-ꓛꓹꓳ ꓘꓹ ꓠꓬ ꓗ-ꓡꓯꓹ ꓡꓳ ꓒꓱ ꓐꓰ ꓖꓼ-ꓖꓳꓹ ꓡꓳ ꓒꓱ ꓠꓬꓲꓽ ꓗꓴꓸ ꓚꓸ ꓗꓪ ꓙꓳˍ ꓟ ꓥ ꓡꓳ꓿ ꓖꓳ ꓕꓲ ꓙ ꓖꓴ ꓗꓪ ꓑꓓꓝ ꓑ ꓫꓬ ꓟꓯꓼ ꓐꓴ ꓐꓰ꓾ ꓟꓬ-ꓟ ꓟꓯꓼ ꓐꓴ ꓓꓶꓽ ꓡꓯ ꓘꓳ ꓔꓬ ꓟ ꓥ ꓡꓳ꓿

ꓠꓬꓲꓸ ꓠꓬꓲ ꓟꓶ ꓘꓶꓼ 2 ꓙꓵꓹ ꓛꓲ ꓗꓪ ꓠꓼ-ꓛꓹꓳ ꓘꓹ ꓔꓯ ꓟꓬ-ꓟ ꓟꓯꓼ ꓙꓱ ꓦꓲ ꓑꓳꓼ ꓡꓳꓼ Mi35p ꓡꓰ ꓐꓳꓽ ꓞꓰ ꓡ ꓡꓳ꓿ ꓖꓳ ꓗꓸ ꓠꓯꓸ ꓟꓯꓼ ꓐꓴ ꓟꓲ ꓠꓯ ꓗꓪ ꓐꓰ ꓓꓵꓽ ꓡ ꓢꓲꓸ ꓞꓳ ꓘꓹ ꓔꓯ ꓮ ꓔꓳꓸ ꓛꓴ ꓗꓷ ꓟ ꓥ ꓡꓳ꓿

ꓟꓯꓼ ꓮ ꓡꓲ ꓫꓵꓻ ꓟ ꓐꓰ ꓑ ꓫꓬ ꓐꓴ ꓮ ꓡꓲ ꓫꓵꓻ ꓟ ꓓꓳꓽ ꓜꓲ ꓜꓲ ꓟꓴ ꓟꓴ ꓟꓽ ꓢꓷꓸ ꓪ ꓢꓰ꓿

ꓬꓴ ꓚꓰ꓾ ꓘꓰꓼ-ꓔꓲꓼ ꓟꓲ-ꓓꓲ-ꓬ