ꓟꓬ-ꓟ ꓟꓯꓼ ꓜꓲꓽ ꓫꓵꓽ ꓪꓳꓼ ꓐꓴ ꓠꓯ-ꓑꓲ-ꓓꓳ ꓗꓪ ꓚꓲꓸ ꓙꓰ ꓔꓬ

ꓟꓬ-ꓟ ꓟꓯꓼ ꓜꓲꓽ ꓐꓴ ꓐꓰ꓾ ꓫꓵꓽ ꓪꓳꓼ ꓐꓴ ꓠꓯ-ꓑꓲ-ꓓꓳ ꓗꓪ ꓚꓲꓸ ꓡ ꓔꓬ ꓡꓳ꓾ ꓐꓰ Myanmar Now ꓡꓰ ꓚꓲꓸ ꓚ ꓢꓲꓸ ꓓꓳꓽ ꓐꓳ ꓔ ꓡꓳ꓿

ꓬꓥ-ꓖꓳꓥ ꓗꓪ ꓢꓯꓼ ꓟꓬ ꓐꓱ ꓶ ꓦ ꓡꓱ ꓐꓳ ꓟꓽ ꓓ ꓡ ꓠꓬꓲ꓾ꓠꓯ-ꓑꓲ-ꓓꓳ ꓟꓯꓼ ꓡꓳ ꓒꓱ ꓗꓪ ꓚꓲꓸ ꓓꓵꓽ ꓙꓰ ꓔꓬ ꓟ ꓓꓳꓽ ꓔꓯ ꓟꓯꓼ ꓔꓯ ꓠꓶꓽ ꓢꓴ ꓐꓴ ꓡꓰꓽ ꓓꓳꓽ ꓜꓳ ꓡ ꓟ ꓥ ꓡꓳ꓾ ꓐꓯ ꓡꓳ꓿

ꓖꓳ ꓟ ꓑꓶꓸ ꓓꓴ ꓠꓯ-ꓑꓲ-ꓓꓳ ꓗꓪ ꓟꓵꓽ ꓒꓵꓽ ꓥ ꓟꓲ ꓓꓯꓻ ꓡ ꓔꓬ ꓡꓳ꓿ “ꓧꓶꓸ ꓕꓯꓽ 50 ꓢꓯꓹ ꓒꓵꓽˍ ꓟ ꓟꓵꓽ ꓐꓱꓻ ꓠꓬ ꓮ ꓟꓶ 200 ꓢꓯꓹ ꓙ ꓙꓰꓳ” ꓐꓰ ꓐꓯ ꓡꓳ꓿

ꓬꓥ-ꓖꓳꓥ ꓗꓪ 2022 ꓘꓳꓼ 4 ꓦ 7 ꓠꓬꓲ ꓕꓯꓽ ꓗꓴꓷꓼ ꓒꓴ ꓞꓳꓽ ꓦꓲ ꓚꓰꓺ ꓙꓵꓽ ꓢꓴ ꓔꓳꓹ ꓙ ꓢꓽ ꓡ ꓙꓵꓽ ꓓꓳ-ꓔꓸ-ꓔꓸ-ꓢꓱꓽ ꓔꓯ ꓡ ꓛꓴꓸ ꓐꓶ ꓪ ꓬꓰ ꓟ ꓐꓰ꓾ 2022 ꓘꓳꓼ 4 ꓦ 10 ꓠꓬꓲ ꓕꓯꓽ ꓡꓹ-ꓟ-ꓓꓳꓽ ꓡꓳ ꓒꓱ ꓗꓪ ꓟꓯꓼ ꓜꓲꓽ ꓖ-ꓓꓯ-ꓒꓬꓳꓹ-ꓮꓳꓽ ꓔꓯ ꓐꓶ ꓢꓰꓼꓳ꓿

ꓬꓲꓸ ꓚꓰ꓾ Myanmar Now