ꓟꓬ-ꓟ ꓟꓯꓼ ꓙꓱ ꓦꓲ ꓶ ꓤ ꓶ ꓟꓲ ꓪꓴꓻ ꓙ ꓢꓴ ꓶ ꓡꓯꓼ ꓜꓴ ꓐꓴ ꓔꓯ ꓴꓗ ꓑꓲꓸ ꓞꓲꓽ ꓩꓴ ꓡ

2022 ꓘꓳꓼ 6 ꓦ 16 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓙꓱ ꓦꓲ ꓶ ꓤ ꓶ ꓟꓲ ꓪꓴꓻ ꓙ ꓢꓴ ꓶ ꓡꓯꓼ ꓜꓴ ꓐꓴ ꓔꓯ ꓴꓗ ꓗꓴꓷꓼ ꓡꓰꓽ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴꓳ ꓐꓰ UK in Myanmar ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿

ꓟꓬ-ꓟ ꓟꓯꓼ ꓙꓱ ꓦꓲ ꓡꓰꓽ ꓑ ꓫꓬ ꓔꓯ ꓫꓸ ꓟꓴ ꓫꓸ ꓚꓬ ꓬꓰ ꓖꓶꓽ ꓔꓬ ꓟ ꓟꓸ ꓟꓲꓽ Amnesty International ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓟꓶ ꓕꓱꓼ ꓴꓗ ꓗꓴꓷꓼ ꓙꓵꓽ ꓜꓴ ꓗꓪ ꓐꓰ ꓗꓳ-ꓟꓶ-ꓠꓰ ꓐꓴ ꓔꓯ ꓕꓱ ꓡꓱ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴ ꓡ ꓥ ꓡꓳ꓿

ꓴꓗ ꓗꓴꓷꓼ ꓡꓰꓽ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴ ꓗꓷ ꓟ ꓗꓳ-ꓑꓶ-ꓠꓰ ꓐꓴ ꓟꓬꓱꓺ ꓠꓬ꓾ Synpex Shwe Company Ltd၊ Myanmar New Era Trading Company Ltd ꓐꓰ꓾ Sky Aviator Company Ltd ꓐꓴ ꓥ ꓡꓳ꓿

ꓗꓳ-ꓑꓶ-ꓠꓰ ꓖꓳ ꓟꓬ ꓟ ꓠꓬ ꓟꓬ-ꓟ ꓟꓯꓼ ꓙꓱ ꓦꓲ ꓶ ꓤ ꓶ ꓟꓲ ꓔꓯ ꓪꓴꓻ ꓙ꓾ ꓔꓱꓽ ꓙ ꓢꓴ ꓐꓴ ꓥ ꓡꓳ꓾ ꓐꓯ ꓔꓸ ꓡꓳ꓿

ꓝꓮꓲꓹ ꓟꓬ-ꓟ ꓟꓯꓼ ꓙꓱ ꓦꓲ ꓶ ꓤ ꓔꓱꓽ ꓙ ꓢꓴ ꓣ-ꓫꓸ ꓗꓳ-ꓑꓶ-ꓠꓰ 3 ꓟ ꓔꓯ ꓥ ꓟꓲ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓗꓷꓳ꓾ ꓐꓯ ꓡꓳ꓿

ꓕꓱ ꓡꓱ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴ ꓗꓷ ꓠꓬ ꓖꓳ ꓗꓳ-ꓑꓶ-ꓠꓰ ꓐꓴ ꓠꓱꓸ ꓐꓯꓼ ꓗꓴꓷꓼ ꓒꓴ ꓨꓳꓽ ꓦꓲ ꓗꓪ ꓫꓺ ꓔꓸ ꓟ ꓒꓴ꓾ ꓝꓮꓲꓹ ꓶ ꓡꓯꓼ ꓬꓰ ꓢꓴ ꓞꓳ ꓐꓳ ꓒꓽ ꓐꓴ ꓙꓰ ꓚꓳ ꓚꓱꓹ ꓗꓪ ꓬꓰ ꓫꓸ ꓡꓰ ꓟ ꓥ ꓡꓳ꓿

ꓬꓲꓸ ꓚꓰ꓾ ꓴꓗ ꓲꓠ ꓟꓬꓮꓠꓟꓮꓣ