ꓟꓬ-ꓟ ꓟꓯꓼ ꓙꓱ ꓦꓲ ꓕꓮꓲꓹ ꓟꓵꓽ ꓗꓪ ꓙꓱ ꓘꓱꓻ ꓡ꓾ ꓕꓮꓲꓹ ꓑ ꓫꓬ ꓐꓴ ꓙ ꓫꓸ

ꓠꓬꓲꓸ ꓠꓬꓲ 2022 ꓘꓳꓼ 6 ꓦ 30 ꓠꓬꓲ ꓗꓪ ꓟꓬ-ꓟ ꓟꓯꓼ ꓐꓳꓽ ꓞꓰ ꓙꓱ ꓦꓲ ꓕꓲ ꓦꓲ ꓕꓮꓲꓹ ꓠꓻ ꓡꓲ 11 ꓙꓵꓹ ꓕꓯꓽ ꓕꓮꓲꓹ ꓟꓵꓽ ꓕꓲ ꓒꓳꓹ ꓗꓪ ꓙꓱ ꓘꓱꓻ ꓙꓰ ꓟ ꓑꓶꓸ ꓓꓴ ꓕꓮꓲꓹ ꓑ ꓫꓬ ꓐꓴ ꓙ ꓫꓸ ꓡꓰꓳ꓿

ꓕꓱ ꓟ ꓑꓶ ꓓꓴ ꓕꓮꓲꓹ ꓙꓼ ꓦꓲ ꓟꓯꓼ ꓐꓴ ꓡꓰ ꓝ-16 ꓙꓱ ꓦꓲ 2 ꓦꓲ ꓙꓱ ꓔꓴ ꓡ ꓢꓲꓸ ꓟꓵꓽ ꓘꓶꓽ ꓗꓪˍ ꓟꓲ ꓟꓯꓼ ꓬꓲꓸ ꓐꓶꓹ ꓡꓳꓸ ꓡ ꓝꓲˍ ꓡꓳ꓿

ꓕꓮꓲꓹ ꓙꓱ ꓦꓲ ꓟꓯꓼ ꓜꓲꓽ ꓓꓽ ꓟ ACM Napadej Dhupatemiya ꓡꓰ ꓟꓬ-ꓟ ꓟꓯꓼ ꓔꓯ ꓩꓴꓸ ꓗꓪ ꓐꓰ ꓗꓹ ꓫꓵꓸ ꓩꓴ ꓡ ꓠꓬ꓾ꓟꓬ-ꓟ ꓡꓰ ” ꓗꓸ ꓠꓯꓸ ꓕꓱ ꓡꓱ ꓟꓽ ꓗ ꓬꓰ ꓝꓲ” ꓐꓰ ꓖꓶ ꓬꓲꓽ ꓡꓳ꓾ ꓐꓰ Bangkok Post ꓗꓪ ꓐꓳ ꓔꓸ ꓡꓳ꓿