ꓟꓬ-ꓟ ꓟꓯꓼ ꓗꓳ-ꓢꓰ ꓔꓯ ꓮ-ꓢꓰ-ꓬ ꓗꓴꓷꓼ ꓜꓴ ꓗꓪ ꓕꓽ ꓔ ꓝꓲ꓾ ꓟꓵꓽ ꓗꓳꓹ ꓓꓵ ꓓꓵ ꓕꓲ ꓙꓶ ꓗꓪ ꓐꓰ ꓝꓴꓲꓸ ꓖꓶꓽ꓾ ꓢꓮꓚ-ꓟ

ꓟꓬ-ꓟ ꓟꓯꓼ ꓔꓯ ꓮ-ꓢꓰ-ꓬ ꓗꓴꓷꓼ ꓜꓴ ꓗꓪ ꓟꓽ ꓔꓺ ꓝꓲ ꓠꓹ ꓟ ꓐꓰ꓾ ꓟꓵꓽ ꓗꓳꓹ ꓓꓵ ꓓꓵ ꓕꓲ ꓙꓶ ꓗꓪ ꓐꓰ ꓫꓬꓹ ꓑꓱ ꓡ ꓠꓹ ꓟ ꓢꓮꓚ-ꓟ ꓡꓰ 2022 ꓘꓳꓼ 4 ꓦ 22 ꓠꓬꓲ ꓕꓯꓽ ꓘꓴ ꓓꓰꓽ ꓩꓴ ꓡ ꓡꓳ꓿

ꓕꓱ ꓟ ꓠꓬ ꓮ-ꓢꓰ-ꓬ ꓜꓴ ꓗꓪ ꓐꓰ ꓪꓽ ꓔꓸ ꓟ (5) ꓘꓶꓽ ꓟꓬꓱꓽ ꓬꓰ ꓟꓽ ꓛꓱꓼ ꓟ 1 ꓘꓳꓼ ꓐꓲ ꓡˍ ꓟ ꓦꓬꓼ ꓠꓬꓲ ꓗꓪ ꓟꓬ-ꓟ ꓐꓱ ꓶꓽ ꓬꓲꓸ ꓫꓳꓽ ꓚꓴ ꓬꓲꓹ ꓖꓶꓽ ꓜꓴ (ꓢꓮꓚ-ꓟ) ꓡꓰ ꓐꓯ ꓩꓴ ꓡ ꓟ ꓥ ꓡꓳ꓿

ꓟꓬ-ꓟ ꓟꓯꓼ ꓜꓲꓽ ꓠꓬ ꓮ ꓠꓲꓹ ꓮ-ꓢꓰ-ꓬ ꓜꓴ ꓜꓲꓼ ꓓꓴ ꓗꓪ ꓜꓲꓼ ꓡ ꓢꓲꓸ ꓪꓽ ꓔꓸ ꓟ (5) ꓘꓶꓽ ꓔꓯ ꓕꓲ ꓫꓵꓽ ꓡꓲꓸ ꓟꓽ ꓬꓰˍ ꓟ ꓡꓰꓽ ꓟꓽ ꓞꓲ꓾ ꓑ ꓫꓬ ꓦꓲ ꓛꓴ꓾ ꓞꓳꓹ ꓡꓴꓽ꓾ ꓐꓯ ꓟꓴ ꓩꓴ꓾ ꓞꓳ ꓢꓰꓼ ꓪ ꓢꓰꓼ ꓔꓬ ꓟ ꓬꓲꓸ ꓐꓶꓹ ꓬꓰ ꓔꓬ ꓡꓳ꓾ ꓐꓰ ꓐꓯ ꓔꓸ ꓡꓳ꓿

ꓑ ꓫꓬ ꓬꓲꓸ ꓜꓴ ꓬꓲꓸ ꓟꓯꓼ ꓢꓰꓼ ꓔꓸ ꓟ ꓙꓳ ꓢꓲ꓾ ꓟꓯꓼ ꓛꓰꓹ ꓔꓬ ꓢꓴ 5 ꓢꓯꓹ ꓙ ꓙꓰꓳ꓾ ꓐꓯ ꓡꓳ꓿

ꓕꓱ ꓟ ꓑꓶꓸ ꓓꓴ ꓟꓬ-ꓟ ꓟꓯꓼ ꓔꓯ ꓮ-ꓢꓰ-ꓬ ꓜꓴ ꓗꓪ ꓐꓰ ꓓꓳ ꓙꓰ ꓝꓲ ꓢꓲ꓾ ꓟꓵꓽ ꓗꓳ ꓓꓵ ꓓꓵ ꓕꓲ ꓙꓶ ꓗꓪ ꓐꓰ ꓝꓴꓲꓸ ꓖꓶꓽ ꓙꓵꓹ ꓛꓲꓳ꓾ ꓐꓰ ꓢꓯꓼ ꓖꓶꓽ ꓔ ꓡꓳ꓿