USA ꓑ ꓫꓬ ꓵꓺ ꓟꓬꓱꓺ ꓙꓵꓽ꓿ ꓲ ꓗꓪ ꓐꓰ ꓐꓯ ꓟꓴ ꓩꓴ ꓟꓶ ꓡꓰ ꓢꓴ April Moe Facebook account ꓣꓱꓽ ꓢꓴ ꓡꓰ꓾ ꓟꓬ-ꓟ ꓟꓯꓼ ꓔꓯ ꓠꓲꓹ ꓠꓵ ꓢꓴ ꓐꓴ ꓦ ꓡꓱ ꓖꓴ ꓟꓽ ꓙꓳ꓾ ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓥ ꓟꓲ꓾ ꓬꓲꓸ ꓐꓽ ꓗꓪ ꓥ ꓟꓲ ꓟꓬ-ꓟ ꓟꓯꓼ ꓔꓯ ꓠꓲꓹ ꓠꓵ ꓢꓴ ꓐꓴ ꓦ ꓡꓱ ꓖꓴ ꓟꓽ ꓙꓳ꓾” ꓐꓰ ꓥꓶ ꓡ ꓡꓲꓹ ꓥꓶ ꓡ ꓡꓲꓹ ꓫꓸ ꓕꓱ ꓩꓴ ꓡ ꓡꓳ꓿
ꓬꓲ ꓠꓬ ꓴꓢꓮ ꓗꓴꓷꓼ ꓗꓪ ꓔꓬ ꓥ ꓟꓲ꓾ ꓟꓬ-ꓟ ꓟꓯꓼ ꓔꓯ ꓢꓯꓼ ꓖꓶ ꓘꓶꓽ ꓫꓸ ꓕꓱ ꓔꓬ ꓢꓴ ꓕꓲ ꓣꓳ ꓥ ꓡꓳ꓿
ꓬꓲꓸ ꓔꓯ ꓐꓯ ꓟꓴ ꓕꓱ ꓪ ꓡꓰ ꓕꓯꓽ ꓴꓢ ꓓꓳ-ꓡ 22000 ꓔꓯ ꓫꓵꓽ ꓘꓶꓽ ꓖꓴ ꓗꓪ ꓗꓶꓺ ꓠ ꓗ ꓡꓳ꓿ “ꓕꓱ ꓟ ꓠꓬ 2-3 ꓘꓳꓼ ꓠꓸ ꓕꓽ ꓢꓲꓸ ꓪ ꓓˍ ꓟ ꓒꓴ ꓥ ꓡꓳ” ꓐꓰ ꓬꓲꓸ ꓚꓲ ꓛꓬ ꓡꓰ ꓕꓱ ꓓꓳ ꓔꓸ ꓡꓳ꓿
“ꓚꓲꓸ ꓛꓬ ꓠꓬ ꓓꓰ-ꓟꓳ-ꓗꓯ -ꓢꓰ ꓙꓳˍ ꓟ ꓐꓶꓽ ꓗꓴꓷꓼ ꓗꓪ ꓔꓬ ꓢꓲ꓾ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓔꓯ ꓒꓬꓹ ꓢꓴ ꓟꓯꓼ ꓐꓴ ꓔꓯ ꓢꓯꓼ ꓖꓶ ꓔꓬ ꓢꓴ꓾ ꓮ ꓜꓲꓹ ꓡꓲꓸ ꓔꓸ ꓝꓲ” ꓐꓰ ꓟꓬ-ꓟ ꓑ ꓫꓬ ꓮ ꓟꓬꓹ ꓐꓯ ꓔꓬ ꓡꓳ꓿
ꓬꓲꓸ ꓔꓯ ꓐꓯ ꓟꓴ ꓩꓴ ꓔꓸ ꓟ ꓝꓴꓲꓸ ꓧꓪ ꓟꓶ ꓡꓰˍ ꓠꓬ 6 ꓘꓳꓼ ꓡꓴꓽ ꓢꓲꓸ ꓗꓴꓷꓼ ꓗꓪ ꓐꓰ ꓖꓼ ꓓꓳ ꓩꓴ ꓠꓹ ꓟ ꓥ ꓡꓳ꓿
ꓟꓬꓮꓠꓟꓮꓣ ꓥꓳꓽ ꓠ ꓠꓹ ꓗꓴꓸ ꓢꓴ ꓐꓱ ꓶ ꓠꓯꓸꓼ ꓗꓪ ꓥꓰꓼ ꓠꓬꓲ ꓡꓯ꓾
ꓡꓲꓠꓗꓢꓽ https://www.facebook.com/100070239879140/videos/934084730890487/