2022 ꓘꓳꓼ 3 ꓦ 27 ꓠꓬꓲ꓾ ꓔꓦ ꓗꓪ ꓕꓲ ꓗꓴꓷꓼ ꓡꓱꓸꓼ ꓔꓯ ꓟꓳꓸ ꓖꓶ ꓢꓲ꓾ ꓟꓬ-ꓟ ꓟꓯꓼ ꓔꓯ ꓟꓬꓱ ꓓꓳ ꓖꓶꓽˍ ꓟ ꓟꓴ ꓖꓪ ꓪꓴꓸ ꓓꓵ ꓔꓯ ꓰ-ꓖꓶ-ꓡꓲꓼ ꓥꓳꓽ ꓐꓳ ꓟꓽ ꓜꓳꓽ ꓟ ꓙꓳˍ ꓡꓳ꓿
“We Are Soilder” ꓐꓳ ꓔꓸ ꓡꓳ꓿ ꓬꓲꓸ ꓡꓲꓽ ꓗꓪ Subject (We) ꓣꓱꓽ ꓔꓸ ꓕꓯꓽ soilders (*s/es) ꓕꓲ ꓟ ꓟ ꓗꓶꓺ ꓔꓺ ꓕꓯꓽ ꓢꓲꓸ ꓜꓳˍ ꓡꓳ꓿ ꓝꓮꓲ ꓕꓲ ꓘꓶꓽ ꓠꓬ ꓰ-ꓖ-ꓡꓲꓼ ꓥꓳꓽ ꓗꓪ ꓬꓲꓸ ꓪ ꓡꓰꓽ ꓣꓱꓽ ꓔꓸ ꓟ Soilder ꓐꓯˍ ꓟ ꓕꓳ ꓶ ꓝꓳꓹ ꓟꓽ ꓙꓳ꓿ Soil ꓠꓬ ꓟꓵꓽ ꓛꓵꓽ꓾ ꓟꓲ ꓠꓯ ꓧꓪꓽ ꓬꓲꓸ ꓪꓴꓸ ꓕꓲ ꓔꓱꓹ ꓟ ꓔꓯ ꓐꓯˍ ꓡꓳ꓿
“ꓥꓪ ꓠꓴꓽ ꓠꓽ ꓟꓲ ꓠꓯ ꓟꓵꓽ ꓛꓵꓽ ꓥꓳ ꓐꓯ ꓓꓴ ꓟ ꓬꓲꓸ ꓢꓷ ꓡꓰ ꓓꓴ ꓦ ꓐꓬꓱꓽ ꓐꓳ ꓔꓸ ꓐꓶ” ꓐꓰ ꓕꓳ ꓶ ꓐꓳ ꓟ ꓑ-ꓢꓯ-ꓡꓳ ꓡꓰ ꓐꓳ ꓔꓸ ꓡꓳ꓿
ꓟꓬ-ꓟ ꓟꓯꓼ ꓔꓯ ꓪꓽ ꓔꓬ ꓢꓴ ꓐꓴ ꓗꓪ ꓚꓵ ꓚꓵ ꓓ ꓢꓴ ꓠꓲꓸ ꓡꓰ ꓢꓲ꓾ ꓫꓽ ꓟꓶꓽ ꓚꓹ ꓡꓸ ꓬꓰ ꓔꓬ ꓟ ꓟꓳꓸ ꓖꓶ ꓔꓬ ꓡꓳ꓿
ꓮꓽ ꓠꓲꓹ ꓕꓱ ꓕꓲ ꓠꓬꓲ ꓗꓪ ꓟꓬ-ꓟ ꓟꓯꓼ ꓡꓰ ꓑ꓿ ꓫꓬ ꓙꓵꓽ ꓪ ꓣꓴ ꓔꓯꓹ ꓙꓰ ꓟ ꓔꓯ ꓟꓽ ꓪꓽ ꓐꓯ ꓢꓲꓸ ꓡꓳ ꓒꓱ 173 ꓡꓳ ꓒꓱ ꓗꓪ ꓘꓴ ꓔꓴ ꓗꓷꓳ꓿ ꓑ ꓫꓬ 144 ꓣꓳ ꓫꓵꓻ꓾ 280 ꓛꓲ ꓠꓻ ꓓꓴ ꓡꓰ꓾ 280 ꓣꓳ ꓣꓴ ꓡꓴꓽ ꓪ ꓡꓰꓳ꓿