2022 ꓘꓳꓼ 12 ꓦ 28 ꓠꓬꓲ ꓕꓯꓽ ꓗ ꓟꓬ-ꓟ ꓟꓯꓼ ꓔꓯ ꓔꓺ ꓢꓴ ꓐꓴ ꓬꓥ-ꓖꓳꓥ ꓗꓪ ꓙꓳˍ ꓟ ꓴꓢꓮ ꓐꓰ ꓴꓗ ꓗꓴꓷꓼ ꓐꓴ ꓙ ꓡꓯ ꓘꓳ ꓦꓲ ꓟꓲꓸ ꓕꓯꓽ ꓗꓪ ꓜꓲꓼ ꓡ ꓢꓲ꓾ ꓒꓳꓹ ꓔꓳꓹ ꓡꓳ꓿
ꓠꓓꓮꓮ ꓠꓬ ꓴꓢꓮ ꓗꓴꓷꓼ ꓡꓳꓸ ꓙ ꓗꓽ ꓙ ꓙꓵꓽ ꓗ ꓥ ꓢꓲ꓾ ꓖꓳ ꓟ ꓠꓯꓸꓼ ꓗꓪ ꓟꓬ-ꓟ ꓐꓱ ꓶ ꓬꓰ ꓙ ꓓꓴ ꓚꓱꓹ Burma Act ꓕꓱꓹ ꓞ ꓡꓳ꓿ ꓟꓬ-ꓟ ꓗꓴꓷꓽ ꓗꓪ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓬꓲꓼ ꓡ ꓠꓹ ꓟ ꓚꓣꓑꓧ/ꓠꓴꓖ/ ꓞꓳ ꓫꓵꓽ ꓟꓯꓼ ꓐꓰ ꓑꓓꓝ (ꓑ ꓫꓬ ꓟꓯꓼ) ꓐꓴ ꓔꓯ 2023-2027 ꓗꓪ ꓛꓲ ꓬꓰ ꓙ ꓓꓴ ꓐꓳ ꓔꓸ ꓡꓳ꓿
ꓒꓳꓹ ꓔꓳꓹ ꓢꓴ ꓡꓯ ꓒꓯꓹ ꓗꓪ ꓔꓯꓹ ꓔꓸ ꓟ ꓕꓳ ꓶꓽ ꓠꓬ ꓙꓱ ꓘꓪ ꓟ ꓡꓰ ꓐꓰ ꓐꓳ ꓔꓸ ꓡꓳ꓿
- “ꓠꓓꓮꓮ ꓚꓱꓹ ꓔꓯ ꓟꓳꓸ ꓟꓬ-ꓟ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓡꓰ ꓐꓯ ꓡꓽ ꓔꓸ ꓟ ꓕꓳ ꓶ ꓔꓯ ꓔꓳꓹ ꓙ ꓡꓳ꓿”
- “ꓢꓴ ꓗꓴꓷꓼ ꓐꓬ ꓡꓰ ꓚꓱꓹ ꓔꓯ ꓔꓳꓹ ꓙ ꓟ ꓴꓢꓮ ꓗꓴꓷꓼ ꓙꓵꓽ ꓗ ꓠꓓꓮꓮ ꓔꓯ ꓒꓳꓹ ꓔꓳꓹ ꓡꓳ”
“ꓞꓳ ꓢꓰꓼ꓾ ꓮ ꓔꓳꓸ ꓛꓴ꓾ ꓜꓲꓽ ꓜꓲ ꓑꓰꓹ ꓳꓰꓹ ꓬꓰ ꓢꓴ ꓠꓴꓖ/ꓑꓓꓝ ꓔꓯ ꓔꓳꓹ ꓙ ꓟ ꓴꓢꓮ ꓗꓴꓷꓼ ꓑ ꓫꓬ ꓝꓲ ꓓꓴ ꓜꓴ ꓐꓰ ꓗꓴꓷꓼ ꓪꓴꓸ ꓓꓵ ꓐꓰ ꓕꓼ ꓥꓳ”
“ꓟꓬ-ꓟ ꓗꓴꓷꓼ ꓔꓯ ꓝꓮꓲ ꓕꓲ ꓧꓪꓹ ꓒꓬꓹ ꓠꓲꓹ ꓫꓵ ꓟ ꓴꓗ ꓗꓴꓷꓼ ꓔꓯ ꓡꓲꓽ ꓡꓲꓽ ꓕꓼ ꓥꓳ”
ꓕꓱ 12 ꓦ ꓟ ꓘꓴꓽ ꓗꓪ ꓟꓬ-ꓟ ꓑ ꓫꓬ ꓐꓴ ꓐꓱ ꓶ ꓴꓢꓮ ꓡꓰ ꓠꓓꓮꓮ ꓙꓵꓽ ꓗ꓾ ꓴꓗ ꓡꓰ ꓴꓠꓢꓚ ꓗꓪ ꓟꓬ-ꓟ ꓚꓱꓹ ꓐꓱ ꓶ Statement ꓓꓳ ꓡ ꓗꓪ ꓛꓲ ꓟꓬꓱꓽ ꓬꓰ ꓗꓷ ꓟ ꓥ ꓢꓲ꓾ ꓟꓯꓼ ꓗꓳ-ꓢꓰ ꓠꓬ ꓮ ꓙꓵꓽ ꓔꓯ ꓒꓳꓹ ꓔꓳꓹ꓾ ꓕꓼ ꓡꓽ ꓔꓸ ꓡꓳ꓿