“ꓑ ꓫꓬ ꓘꓴ ꓢꓯꓼ ꓔꓯ ꓡꓯ ꓫꓵ ꓑꓲꓸ ꓔꓬ ꓠꓬ ꓟꓬ-ꓟ ꓟꓯꓼ ꓐꓰ ꓬꓲꓸ ꓔꓯ ꓔꓺ ꓙ ꓢꓴ ꓐꓴ ꓔꓯ ꓶ ꓡꓯꓼ ꓚꓱꓹ ꓮ ꓙꓵꓽ ꓗꓪ ꓑꓲꓸ ꓞꓲꓽ ꓓꓴ ꓡꓯ ꓫꓵ ꓬꓰ ꓓꓴ ꓥꓳ” ꓐꓰ ꓴꓢꓮ ꓗꓴꓷꓼ ꓙꓵꓽ ꓒꓽ ꓙꓳ-ꓐ-ꓓꓲ ꓡꓰ ꓠꓬꓲꓸ ꓠꓬꓲ ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓦꓴ ꓡˍ ꓟ 1 ꓘꓳꓼ ꓐꓲ ꓡ ꓟ ꓦꓬꓼ ꓠꓬꓲ ꓗꓪ ꓐꓯ ꓩꓴ ꓡ ꓡꓳ꓿
ꓡ ꓞꓳ 1500 ꓣꓳ ꓕꓯꓽ ꓢꓲ ꓢꓰꓼ ꓢꓲꓸ ꓑ ꓫꓬ ꓟꓽ ꓠꓲꓹ ꓒꓴ ꓒꓴ꓾ ꓜꓲ ꓜꓲ ꓑꓰꓹ ꓑꓰꓹ ꓙꓵꓽ ꓔꓬ ꓟ ꓚꓱꓹ ꓔꓯ ꓠꓲꓹ ꓞ ꓠꓽ ꓩꓴ ꓗꓷ ꓠꓯ ꓡꓳ꓾ ꓐꓰ ꓐꓯ ꓔꓸ ꓡꓳ꓿
“ꓟꓬ-ꓟ ꓑ ꓫꓬ ꓐꓴ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓗꓪ ꓡꓽ ꓛꓲ ꓬꓰ ꓠꓹ ꓟ ꓢꓯꓼ ꓩꓴ ꓔꓬ ꓟ ꓔꓯ ꓥꓪ ꓠꓴ ꓟꓽ ꓟꓲ ꓡꓰ꓿ ꓥꓪ ꓠꓴ ꓝꓸ ꓢꓲꓸ ꓠꓬꓲ ꓢꓯꓼ ꓖꓶ ꓙ ꓓꓴ ꓥꓳ” ꓐꓰ ꓟꓬ-ꓟ ꓑ ꓫꓬ ꓐꓴ ꓔꓯ ꓥ ꓟꓲ ꓠꓲꓹ ꓗꓳ ꓖꓶ ꓔ ꓡꓳ꓿