ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓔꓯ ꓟꓳꓸ ꓕꓮꓲꓹ ꓗꓪ ꓖꓪ ꓙꓱ ꓓꓴ ꓥꓳ

ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓑꓶꓸ ꓓꓴ ꓬꓲꓻ ꓡꓯꓼ ꓟꓰꓼ ꓓꓶꓽ ꓡ ꓟ ꓔꓯ ꓔꓳꓹ ꓜꓳꓽ ꓔꓬ ꓟ ꓗꓴꓷꓼ ꓐꓴ ꓔꓯ ꓕꓮꓲꓹ ꓗꓴꓷꓼ ꓡꓰ ꓧꓳꓽ ꓪꓴꓸ ꓟꓴ ꓢꓲꓸ ꓦꓹ ꓠꓯꓼ 2022 ꓘꓳꓼ 12 ꓦ 22 ꓠꓬꓲ ꓕꓯꓽ ꓖꓪ ꓙꓱ ꓜꓲꓼ ꓓꓴ ꓕꓲꓽ ꓟ ꓬꓰ ꓓꓴ ꓥꓳ꓾ꓐꓰ the Diplomat ꓗꓪ ꓓꓳꓽ ꓐꓳˍ ꓡꓳ꓿

“ꓕꓱ ꓟ ꓠꓬ ꓮ-ꓢꓰ-ꓬ ꓖꓪ ꓙꓱ ꓜꓲꓼ ꓓꓴ ꓟꓽ ꓥ꓿ ꓟꓬ-ꓟ ꓗꓴꓷꓽ ꓫꓵꓽ ꓪꓴ ꓫꓬꓹ ꓡꓲꓸ ꓐ ꓡ ꓠꓹ ꓟ ꓢꓰꓸ ꓮ ꓢꓸ ꓢꓴ ꓜꓲꓼ ꓡꓯ” ꓐꓰ ꓕꓮꓲꓹ ꓡꓰ ꓮ-ꓢꓰ-ꓬ ꓗꓴꓷꓼ ꓐꓴ ꓔꓯ ꓪꓴꓸ ꓘꓴ ꓩꓴ ꓡ ꓡꓳ꓿

ꓟꓬ-ꓟ ꓟꓯꓼ ꓗꓳ-ꓢꓰ ꓕꓲ ꓒꓳꓹ ꓗꓪ ꓐꓰ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒ ꓪ-ꓠꓼ-ꓟꓮꓳ-ꓡꓱ ꓥ ꓟꓲ ꓜꓲꓼ ꓡ ꓓꓴ ꓥ ꓡꓳ꓿ ꓠꓴꓖ ꓗꓪ ꓐꓰ ꓜꓲꓼ ꓡ ꓢꓴ ꓙꓳ꓾ ꓟꓽ ꓙꓳ ꓟꓽ ꓢꓷꓸ ꓪ ꓢꓰꓽ꓿

ꓴꓢꓮ ꓗꓴꓷꓪ ꓠꓓꓮꓮ ꓗꓪ Burma Act ꓙꓵꓽ ꓗ ꓓꓵꓽ ꓪ ꓡꓰ ꓟ ꓐꓰ꓾ ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓖꓴ-ꓔ-ꓬꓯꓼ ꓡꓰ 2023 ꓘꓳꓼ ꓠꓬ “ꓢꓲ ꓡꓲꓹ ꓟ ꓐꓰ ꓝꓴꓲꓸ ꓪ ꓒꓵꓽ ꓖꓶˍ ꓟ ꓘꓳꓼ ꓒꓬꓱꓼ ꓡ ꓥꓳ” ꓐꓰ ꓢꓷ ꓙ ꓟꓴ ꓙ ꓩꓴ ꓡ ꓠꓬꓲꓽ ꓗꓴꓸ ꓚꓸ ꓦꓬꓼ ꓠꓬꓲ ꓗꓪ ꓕꓮꓲꓹ ꓡꓰ ꓕꓱ ꓡꓱ ꓖꓪ ꓙꓱ ꓜꓲꓼ ꓓꓴ ꓘꓴ ꓩꓴ ꓡ ꓟ ꓥ ꓡꓳ꓿

ꓬꓲꓸ ꓚꓰ꓾ The Diplomat