ꓟꓬ-ꓟ ꓗꓴꓷꓼ ꓡꓲ-ꓢꓴ ꓫꓵꓽ ꓜꓴ ꓜꓲꓼ ꓓꓽ ꓟ ꓖꓪ ꓙꓱ ꓜꓲꓼ ꓓꓴ ꓬꓰ ꓔꓬ

ꓟꓬ-ꓟ ꓗꓴꓷꓼ ꓡꓲ-ꓢꓴ ꓫꓵꓽ ꓜꓴ ꓜꓲꓼ ꓓꓽ ꓟ ꓖꓪ ꓙꓱ ꓜꓲꓼ ꓓꓴ ꓔꓯ ꓑꓲ-ꓳ-ꓡꓱꓽ ꓡꓳ ꓒꓱ ꓗꓪ ꓠꓬꓲꓸ ꓠꓬꓲ 2022 ꓘꓳꓼ 5 ꓦ 3 ꓠꓬꓲ ꓗꓪ ꓐꓰ ꓬꓰ ꓪꓴꓸ ꓔꓴ ꓔꓬ ꓡꓳ꓿

ꓖꓪ ꓙꓱ ꓜꓲꓼ ꓓꓴ ꓠꓬ 2 ꓠꓬꓲ ꓬꓰ ꓓꓴ ꓥ ꓢꓲ꓾ ꓠꓬꓲꓸ ꓠꓬꓲ ꓠꓬ ꓬꓲꓸ ꓪꓴꓸ ꓕꓲ ꓠꓬꓲ ꓬꓰ ꓪꓴꓸ ꓔꓴ ꓔꓬ ꓟ ꓥ ꓡꓳ꓿

“ꓟꓲꓸ ꓟꓲ ꓕꓲꓽ ꓠꓬꓲ ꓧꓪꓸ ꓧꓪꓸꓼ ꓬꓰ ꓪ ꓡꓰꓳ꓿ ꓦꓹ ꓠꓯꓼ 1 ꓠꓬꓲ ꓗꓪ ꓬꓲꓸ ꓜꓲ ꓖꓪ ꓙꓱ ꓡꓯ ꓘꓳ ꓓꓴ ꓙꓳˍ ꓢꓰꓽ ꓥ= ꓟꓬꓱꓽ ꓬꓰ ꓗꓳ-ꓟꓲ-ꓔꓲ ꓬꓲꓸ ꓫꓵꓼ ꓢꓲꓻ ꓚꓱꓹ ꓔꓯ ꓠꓬ ꓟꓽ ꓬꓰ ꓢꓰꓽ ꓠꓹ ꓟ ꓠꓬꓲꓸ ꓠꓬꓲ ꓖꓪ ꓙꓱ ꓪꓽ ꓗꓷꓳ꓿ ꓕꓱ ꓗꓪ 30 ꓣꓳ ꓜꓲꓼ ꓛꓲ ꓡ ꓢꓲꓸ ꓕꓲ ꓐꓱ ꓠꓬ ꓙ ꓖꓴ ꓗꓪ ꓡ ꓔꓬ ꓢꓴˍ ꓟꓲ ꓙꓳ ꓢꓰꓽ ꓡꓳ” ꓐꓰ ꓔꓳꓹ ꓙ ꓟꓬꓱꓽ ꓢꓲꓺ (2) ꓟꓸ ꓒꓽ ꓮ-ꓖꓯꓽ ꓡꓲ-ꓬꓯ-ꓚ ꓡꓰ ꓐꓯ ꓡꓳ꓿

ꓜꓲꓼ ꓓꓴ ꓕꓱ ꓟ ꓗꓪ ꓗ-ꓛꓲ ꓟꓵꓽ꓾ ꓐꓶ-ꓬꓲ ꓟꓵꓽ꓾ ꓟ-ꓓꓲ-ꓡꓲ꓾ ꓬꓥ-ꓖꓳꓥ ꓗꓪ ꓐꓰ ꓝꓲ ꓓꓴ ꓐꓴ ꓜꓲꓼ ꓔꓺ ꓔꓬ ꓟ ꓥ ꓡꓳ꓿

ꓜꓴ ꓜꓲꓼ ꓕꓱ ꓟ ꓔꓯ ꓡꓲ-ꓢꓴ ꓐꓴ ꓮ ꓙꓵꓽ (ꓦ ꓡꓱ ꓚꓱꓹ ꓟꓽ ꓪ ꓢꓴ ꓐꓰ꓾ ꓑ-ꓔꓲ ꓟꓽ ꓪ ꓢꓴ꓾ ꓟꓬꓱꓽ ꓬꓰ ꓚꓱꓹ ꓟꓽ ꓪꓽ ꓢꓴ ꓮ ꓙꓵ) ꓟ ꓪꓴꓸ ꓗꓪ ꓪꓳꓽ ꓙ ꓧꓶꓹ ꓙ꓾ ꓦꓰꓼ ꓙ ꓠꓹ ꓟ 2017 ꓘꓳꓼ ꓕꓯꓽ ꓒꓴ ꓪꓴꓸ ꓔꓴ ꓔꓸ ꓟ ꓥ ꓡꓳ꓿