ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲ ꓒꓰꓼ ꓜꓴ ꓚꓰꓺ ꓢꓽ ꓡ ꓙꓵꓽ ꓮ-ꓒꓴ ꓬꓰ-ꓡꓲ-ꓟꓲ ꓠꓬ ꓡ ꓠꓹ ꓟ ꓕꓲ ꓔꓶꓽ ꓢꓽ ꓡ ꓙꓵꓽ ꓠꓬꓲ ꓖꓴ ꓐꓱ ꓶ ꓢꓲꓻ ꓣꓴ ꓟ ꓗꓪ ꓟꓽ ꓐꓻꓳ꓿
“ꓞꓳ ꓫꓵꓽ ꓐꓱ ꓶ ꓪꓴ-ꓢ ꓖꓶꓽ ꓡ ꓟ ꓢꓯꓼ ꓪ ꓐꓰ ꓢꓷꓸ ꓠꓲꓹ ꓙꓳˍ ꓕꓲ ꓙꓶ ꓗꓪ 5 ꓘꓳꓼ ꓒ ꓐꓲ ꓬꓰ ꓪ ꓡꓰ ꓠꓬꓲ ꓫꓸ ꓟꓳ ꓐꓯ ꓔꓬ ꓥꓳ꓾ ꓢꓲꓺ ꓒꓽꓳ (လူမျိုးအတွက်ဘုရားသခင်ပေးတဲ့ခွန်အားနဲ့ညဏ်စွမ်းရှိသလောက်၅ နစ်သက်တန်းပြည့်အောင်ထမ်းဆောင်ခွင့်ရလို့ကျေးဇူးတင်လျက်ပါကိုယ်တော်။)” ꓐꓰ ꓪꓴ-ꓢ ꓔꓯ ꓫꓸ ꓟꓳ ꓘꓶꓽ ꓟꓬ-ꓟ ꓝꓳꓹ ꓗꓪ ꓐꓰ ꓐꓳ ꓔ ꓡꓳ꓿
ꓓꓳꓽ ꓕꓱ ꓟ ꓔꓯ 2022 ꓘꓳꓼ 3 ꓦ 24 ꓠꓬꓲ ꓟꓶ ꓘꓶꓼ 11:15 ꓕꓯꓽ ꓢꓽ ꓡ ꓙꓵꓽ ꓬꓲꓸ ꓚꓲꓸ ꓛꓬ Facebook ꓗꓪ ꓕꓳ ꓶ ꓐꓳ ꓢꓲꓸ ꓢꓷ ꓙ ꓟꓴ ꓙ ꓩꓴ ꓡ ꓡꓳ ꓿
ꓬꓲꓸ ꓠꓬ 2017 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓮ ꓟꓶ 2022 ꓘꓳꓼ ꓗꓪ ꓛꓲ 5 ꓘꓳꓼ ꓟꓬꓱꓽ ꓬꓰ ꓩꓴ ꓡ ꓟ ꓥ ꓡꓳ꓿
“ꓚꓲ ꓛꓬ ꓶ ꓡꓯꓼ ꓟꓬꓱꓽ ꓚꓱꓹ ꓐꓰ꓾ ꓧꓪ ꓖꓳ ꓓꓱꓽ ꓟꓲ ꓢꓯꓼ ꓐꓽ ꓡ ꓠꓬꓲ꓾ ꓢꓲꓻ ꓣꓴ ꓟ ꓗꓪ ꓐꓻ ꓟꓽ ꓐ ꓡꓻꓳ” ꓐꓰ ꓬꓲꓸ ꓑꓶꓸ ꓟꓳꓸ ꓖꓶ ꓔꓸ ꓡꓳ꓿
ꓬꓲꓸ ꓟꓬꓱꓽ ꓬꓰˍ ꓟ ꓦꓬꓼ ꓠꓬꓲ ꓗꓪ ꓜꓴ ꓐꓱꓻ ꓫꓬꓹ ꓑꓱ ꓟ꓾ ꓐꓱꓻ ꓕꓴꓽ ꓟ꓾ ꓦꓲ ꓫꓬꓹ ꓟ ꓬꓰ ꓗꓷ ꓢꓲ꓾ ꓡꓲ-ꓢꓴ ꓕꓳ ꓶ ꓝꓳꓹ ꓚꓰꓼ ꓓꓳ ꓡ ꓟ 100 ꓘꓳꓼ ꓐꓲ ꓡˍ ꓟ ꓑꓮꓲ ꓔꓯ ꓥ ꓟꓲ ꓬꓰ ꓪ ꓡꓰ ꓡꓳ꓿
ꓐꓬꓱꓽ꓾ Ah Hpu Facebook account
- “ꓣꓳ ꓫꓵ ꓐꓱ ꓶ ꓟꓬꓱ ꓮ ꓟꓬ ꓢꓯ ꓕꓵ ꓖꓶ ꓡ ꓠꓬꓲ ꓮ ꓘꓶ ꓫ ꓟꓳ ꓪ꓾ꓪꓴ ꓢ ꓡꓰ ꓶ ꓥꓳ ꓙꓱ ꓖꓶ ꓝꓲ꓿
- ၅ နှစ်သက်တမ်း အစ်ကို့ရဲ့ဦးဆောင်မှုကို အမြဲအမှတ်ရနေမှာပါ။ တခြားလူကြီးတွေလည်း အစ်ကို့ကို စံနမူနာ ယူနိုင်ကြပါစေ။ တချို့လူကြီးတွေက ထိုင်ခုံရပြီးရင် ပြန်မထချင်တော့ဘူး။” ꓐꓰ Comments ꓬꓲꓸ ꓪꓴꓸ ꓠꓬꓲꓽ ꓟ ꓬꓰ ꓔꓸ ꓡꓳ꓿
ꓬꓲꓸ ꓓꓰꓽ ꓘꓶꓽ ꓕꓱ ꓟ ꓔꓯ ꓘꓴ ꓣꓴ/ ꓟꓽ ꓘꓴ ꓣꓴ ꓔꓯ ꓟꓳꓸ ꓢꓲꓻ ꓣꓴ ꓗꓳ-ꓟꓲ-ꓫꓲ ꓗꓪ ꓐꓰ ꓢꓷꓸ ꓖꓶꓽ ꓡ ꓟ ꓟꓽ ꓙꓳ ꓢꓰꓽ꓿
2022 ꓘꓳꓼ ꓗꓪ ꓐꓰ ꓖꓳ ꓑꓳꓸ 5 ꓘꓳꓼ ꓕꓲ ꓔꓶꓽ ꓡꓲ ꓒꓰꓼ ꓜꓴ ꓚꓰꓺ ꓟꓬꓱꓽ ꓟꓯꓻ ꓢꓴ ꓐꓴ ꓔꓯ 2022 ꓘꓳꓼ 3 ꓦ 26 ꓠꓬꓲ ꓕꓯꓽ ꓟꓶ-ꓚꓲ-ꓠ ꓡꓳ ꓒꓱ꓾ ꓑ-ꓟꓶ-ꓓꓰ ꓘꓹ ꓗꓪ ꓙꓳˍ ꓟ ꓡꓲ-ꓢꓴ ꓡꓲ ꓒꓰꓼ ꓜꓴ ꓐꓱ ꓗꓪ ꓬꓰ ꓓꓴ ꓙ ꓖꓶꓽ ꓔꓬ ꓡꓳ꓿