ꓟꓬ-ꓟ ꓗꓴꓷꓼ ꓡꓲ-ꓢꓴ ꓡꓲꓽ ꓒꓰꓼ ꓜꓴ ꓐꓱ ꓗꓪ ꓢꓲꓹ ꓜꓲ ꓔꓶꓺ ꓠꓹ ꓙꓽ ꓖꓶ ꓔꓬ

ꓟꓬ-ꓟ ꓗꓴꓷꓼ꓾ ꓟꓶ-ꓚꓲ-ꓠ ꓡꓳ ꓒꓱ ꓗꓪ ꓙꓳˍ ꓟ ꓡꓲ-ꓢꓴ ꓕꓳ ꓶ ꓐꓰ ꓗ ꓟꓲꓽ ꓡꓲꓽ ꓒꓰꓼ ꓜꓴ ꓐꓱ ꓗꓪ 2022 ꓘꓳꓼ 5 ꓦ 30 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓚꓳ ꓡꓳ ꓡꓳ ꓢꓲꓹ ꓜꓲ ꓔꓶꓺ ꓠꓹ ꓙꓽ ꓖꓶ ꓔꓬ ꓡꓳ꓾ ꓐꓰ ꓓꓳꓽ ꓢꓷꓸ ꓪ ꓡꓳ꓿

“2022 ꓘꓳꓼ 5 ꓦ 30 ꓠꓬꓲ ꓗꓪ ꓡꓲꓽ ꓒꓰꓼ ꓜꓴ ꓐꓱꓻ ꓗꓪ ꓢꓲꓹ ꓜꓲ ꓔꓶꓺ ꓠꓹ ꓟ ꓙꓺ ꓠꓬꓲ ꓔꓯꓺ ꓠꓬꓲ ꓟꓬꓱꓽ ꓔꓯ ꓠꓯꓼ 6 ꓙꓵꓹ ꓗꓪ ꓐꓰ ꓪꓴꓸ ꓔꓴ ꓗꓷꓳ” ꓐꓰ ꓡꓲ ꓒꓰꓼ ꓜꓴ ꓚꓰꓺ ꓔꓳꓹ ꓙ ꓟꓬꓱꓽ ꓢꓲꓺ ꓞꓳ ꓪꓴꓽ ꓞꓲ-ꓩꓴ-ꓓꓱꓼ ꓡꓰ ꓡꓳ-ꓟꓲꓽ ꓥꓳꓽ ꓗꓪ ꓐꓰ ꓬꓲꓸ Facebook ꓗꓪ ꓐꓳ ꓔꓸ ꓡꓳ꓿

ꓡꓲꓽ ꓒꓰꓼ ꓜꓴ ꓐꓱ ꓔꓯ ꓧꓶꓸ ꓕꓯꓽ ꓞꓳ ꓪꓴꓽ ꓮ-ꓞꓰ ꓦꓬꓼ ꓠꓬꓲ ꓗꓪ ꓪꓴꓻ ꓪꓴꓸ ꓔꓴ ꓢꓲ꓾ꓞꓳ ꓪꓴꓽ ꓮ-ꓒꓴ-ꓬꓲ-ꓡꓲ-ꓟꓲ ꓦꓬꓼ ꓠꓬꓲ ꓗꓪ ꓟꓵꓽ ꓓꓶꓻ ꓠꓬꓲ꓾ ꓐꓱꓻ ꓕꓴꓽ ꓠꓬꓲ꓾ ꓦꓲ ꓫꓬꓹ ꓠꓬꓲ ꓮ ꓟꓬꓹ ꓢꓯꓼ ꓕꓵꓼ ꓬꓰ ꓗꓷ ꓟ ꓥ ꓡꓳ꓿

ꓮ ꓟꓶ ꓞꓳ ꓪꓴꓽ ꓮ-ꓞꓰ ꓧꓳꓽ ꓪꓴꓸ ꓟꓴˍ ꓟ ꓕꓲꓽ ꓡꓶꓸ ꓗꓪ ꓦꓬꓼ ꓠꓬꓲ ꓗꓪ ꓢꓲꓹ ꓜꓲ ꓔꓶꓺ ꓠꓹ ꓟ ꓢꓯꓼ ꓕꓵꓼ ꓩꓴ ꓡ ꓔꓬ ꓟ ꓥ ꓡꓳ꓿

ꓬꓴꓸ ꓚꓰ꓾ ꓞꓳ ꓪꓴꓽ ꓞꓲ-ꓩꓴ-ꓓꓱꓼ