ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓡꓯ ꓒꓯꓹ ꓗꓪ ꓟꓶ ꓤ ꓟꓽ ꓥ ꓠꓬ ꓞꓳ ꓫꓵ ꓪ ꓫꓵꓻ ꓟ ꓐꓰ ꓫꓸ ꓙꓵ ꓟ ꓦꓰꓼ ꓟꓷꓼ ꓘꓳꓼ ꓓꓳ ꓡ ꓥꓳ ꓐꓰ ꓴꓠꓧꓚꓣ ꓗꓪ ꓟ ꓡ ꓞꓳ ꓪ ꓙꓵꓽ ꓙꓳ ꓟ ꓔꓯ ꓫꓸ ꓕꓱ ꓙ ꓢꓴ ꓢꓲꓽ ꓒ ꓓꓽ ꓟ ꓟꓲ-ꓫꓯ ꓐ-ꓛꓬꓸ-ꓡꓯꓸ (UNHCR- Michelle Bachelet) ꓡꓰ 6 ꓦ 11 ꓠꓬꓲ ꓕꓯ ꓙꓳꓺ ꓗꓽ ꓖꓶ ꓘꓶꓽ ꓕꓱ ꓓꓳ ꓡ ꓡꓳ=
” ꓥꓪ ꓠꓴ ꓓꓵ ꓙ ꓔꓸ ꓟ ꓡꓰ ꓐꓰ ꓞꓳ ꓠꓱꓸ ꓤꓼ ꓟꓵꓽ ꓚꓰ ꓡ ꓞꓳ ꓐꓴ ꓔꓬ ꓟ ꓗ-ꓬ꓾ ꓛꓰꓸ ꓐꓰ꓾ ꓗ-ꓛꓲ ꓟꓵꓽ꓾ ꓝꓮꓲ ꓕꓲ ꓗꓴꓷꓼ ꓡꓱꓸꓼ ꓗꓪ ꓟꓯꓼ ꓓꓶꓽ ꓢꓰꓼ ꓡꓯ ꓘꓳ ꓟ ꓟꓬ ꓡ ꓔꓬ ꓡꓳ= ꓙꓵ ꓪ ꓦꓴ ꓢꓴ ꓟꓯꓼ ꓐꓴ ꓠꓬ ꓪ ꓘꓴ ꓦꓲ꓾ ꓞꓳ ꓦꓲ ꓮ ꓙꓵꓽ ꓔꓯ ꓐꓳꓽ ꓐꓶ ꓠꓬꓲ꓾ ꓐꓬꓱ ꓦꓲ ꓗꓪ ꓐꓰ ꓐꓳꓽ ꓞꓰ ꓠꓬꓲ ꓬꓰ ꓔꓬ ꓡꓳ= ꓗ-ꓬ ꓕꓲ ꓟꓵꓽ ꓗꓪ ꓓꓰꓼ ꓪꓴ ꓧꓶ 3 ꓫꓵꓽ ꓠ ꓟ ꓠꓯꓸꓼ ꓗꓪ ꓟꓯꓼ ꓛꓰꓹ ꓢꓴ 108000 ꓣꓳ ꓙꓳ ꓡ ꓡꓳ= ꓬꓲ ꓪ ꓔꓯ ꓬꓰ ꓙ ꓔꓳꓹ ꓙ ꓓꓴ ꓞꓽ ꓞꓽ ꓣꓱꓽ ꓬꓯꓼ ꓔꓬ ꓡꓳ” ꓐꓰ ꓬꓲꓸ ꓡꓰ ꓐꓯ ꓡꓳ=
ꓟꓯꓼ ꓐꓴ ꓠꓬ ꓑ ꓫꓬ ꓔꓯ ꓗꓽ ꓙ꓾ ꓬꓰ ꓙ ꓙꓲꓽ ꓙꓳ ꓡꓳ ꓐꓰ ꓐꓯ ꓡꓳ= ” ꓦ ꓐ 4 ꓟ ꓘꓴ ꓗꓪ ꓟꓬ-ꓟ ꓗꓴꓷꓼ ꓠꓬ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓗꓪ ꓐꓰ ꓞꓰ ꓬꓯꓼ ꓡꓰ ꓢꓲ꓾ ꓮ ꓟꓶ ꓠꓬ ꓡ ꓞꓳ ꓐꓴ ꓟꓶ ꓙꓲꓽ ꓙꓳ ꓟ ꓶꓽ ꓮ ꓙꓵꓽ ꓟꓽ ꓙꓳ ꓡꓰꓳ= ꓕꓱ ꓟ ꓮ ꓙꓵꓽ ꓟ ꓠꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓜꓲꓽ ꓐꓴ ꓑꓶꓸ ꓓꓴ ꓥꓳ=” ꓐꓯ ꓡꓳ=