ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓗꓪ ꓚꓲ ꓛꓬ ꓦꓲ ꓛꓹ ꓒꓰꓹ꓾ ꓡꓳꓺ ꓒꓰꓹ ꓢꓲꓸ ꓢꓯꓼ ꓟꓬ ꓐꓱ ꓶ ꓛꓰꓹ ꓑꓬ ꓙꓰ ꓢꓴ 8 ꓢꓯꓹ ꓐꓶꓽ ꓟꓽ ꓞꓲ (865700 ꓣꓳ) ꓙꓳ ꓡꓰꓳ ꓐꓰ ꓴꓠꓳꓚꓧꓮ ꓡꓰ ꓢꓪꓽ ꓓꓳ ꓡ ꓡꓳ꓿
UNOCHA ꓠꓬ ꓟꓲ ꓠꓯ ꓗꓴꓷꓼ ꓜꓴ ꓫꓱꓸ ꓤꓼ ꓟꓬꓱꓽ ꓬꓰ ꓜꓴ (United Nations Office for the Coordination of Humanitarian Affairs) ꓥ ꓢꓲ꓾ ꓟꓯꓼ ꓘꓶꓽ ꓐꓰ ꓠꓱꓸ ꓐꓯꓼ ꓕꓲ ꓫꓵ ꓫꓵ ꓑꓶ ꓓꓴ ꓫꓸ ꓘꓶꓻ ꓓꓴ ꓔꓳꓹ ꓜꓳꓽ ꓔꓬ ꓢꓴ ꓔꓯ ꓛꓳꓽ ꓙ ꓔꓬ ꓟ ꓜꓴ ꓥ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓟꓽ ꓛꓲ ꓢꓰꓽ ꓟ ꓦꓬꓼ ꓠꓬꓲ ꓗꓪ ꓠꓬ ꓟꓵꓽ ꓘꓶ ꓟꓵꓽ ꓡꓯꓼ ꓗꓪ ꓛꓰꓹ ꓑꓬ ꓔꓬ ꓢꓴ 3 ꓢꓯꓹ 7 ꓟꓶꓽ ꓣꓳ ꓙꓳ ꓢꓲ꓾ ꓮ ꓟꓶ ꓟꓬ-ꓟ ꓟꓯꓼ ꓡꓰꓽ ꓙꓵꓽ ꓡ ꓗꓷ ꓠꓬ ꓬꓲꓸ ꓐꓶ, 495300 ꓣꓳ ꓙꓳ ꓡ ꓢꓲ꓾ ꓮ ꓙꓵꓽ ꓠꓬ 865700 ꓣꓳ ꓙꓳ ꓡ ꓥ ꓡꓳ꓿
ꓕꓱ ꓟꓬ ꓟ ꓔꓯ ꓜꓽ ꓓꓴ ꓐꓰ ꓖꓪꓽ ꓓꓴ꓾ ꓔꓬ ꓖꓴ ꓦꓲ ꓬꓰ ꓙ ꓔ ꓙ ꓠꓹ ꓟ ꓶꓻ ꓡꓲꓽ ꓓꓽ ꓟ ꓒꓬꓱꓼ ꓡ ꓔꓬ ꓡꓳ꓿