ꓐꓶ ꓗꓴꓷꓼ ꓗꓪ ꓐꓰ ꓙꓱ ꓦꓲ ꓜꓶ ꓢꓲꓸ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓡ ꓢꓴ ꓐꓴ ꓠꓬ 2022 ꓘꓳꓼ 12 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓗꓳ-ꓪꓰꓼ-19 ꓚꓹ ꓟꓽ ꓛꓲꓳ ꓐꓰ ꓟꓲꓸ ꓟꓲ 2022 ꓘꓳꓼ 11 ꓦ 30 ꓠꓬꓲ ꓕꓯꓽ ꓟꓬ-ꓟ ꓙꓵꓽ ꓪ ꓙꓳ ꓢꓴ ꓐꓴ ꓠꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓕꓱ ꓟ ꓠꓬ ꓐꓶꓽ ꓗꓴꓷꓼ ꓗꓪ ꓐꓰ ꓡ ꓢꓴ ꓐꓴ ꓟꓬ-ꓟ ꓙꓱ ꓦꓲ ꓠꓽ ꓔꓶꓸ ꓗꓪ ꓕꓲ ꓧꓪꓹ ꓗꓳ-ꓪꓰꓼ ꓚꓹ ꓟꓽ ꓛꓲꓳ ꓐꓯˍ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓓꓵꓽ ꓓꓳ ꓢꓴ ꓮ ꓙꓵꓽ ꓠꓬ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ ꓬꓲꓸ ꓧꓪꓸ ꓒ ꓐꓲ ꓗꓸ ꓔꓸ ꓟ ꓕꓳ ꓶ ꓙꓳ ꓠ ꓔꓸ꓾ ꓖꓳ ꓡꓱ ꓟꓽ ꓥ ꓠꓬ 48 ꓙꓵꓹ ꓟ ꓘꓴꓽ ꓗꓪ ꓗꓳ-ꓪꓰꓼ ꓠꓻ ꓟꓽ ꓙꓳ ꓐꓰ ꓚꓹ ꓢꓪꓼ ꓔꓸ ꓟ ꓗꓸ ꓚꓵ ꓕꓳ ꓶ ꓙꓳ ꓠ ꓔꓸ ꓡꓳ꓾ ꓐꓯˍ ꓡꓳ꓿
ꓧꓶꓸ ꓕꓯꓽ ꓠꓬ ꓗꓸ ꓚꓵ ꓕꓳ ꓶ ꓮ ꓡꓲ ꓙꓳ ꓡꓰꓸ ꓙꓳ꓾ ꓙꓱ ꓦꓲ ꓗꓪ ꓚꓳꓸ ꓫꓶꓸ ꓡ ꓟꓶ ꓕꓱꓼ ꓮ ꓙꓵꓽ ꓢꓴ ꓔꓯ ꓗꓳ-ꓪꓰꓼ ꓠꓻ ꓚꓹ ꓠꓹ ꓟ ꓕꓵꓼ ꓪ ꓓꓳ ꓔꓸ ꓢꓲꓸ ꓖꓳ ꓡꓱ ꓬꓰ ꓛꓳꓻ ꓔꓬ ꓟ ꓥ ꓡꓳ꓿
ꓕꓱ ꓡꓱ ꓬꓰ ꓩꓴ ꓡ ꓟ ꓠꓬ꓾ ꓗꓳ-ꓪꓰꓼ ꓠꓻ ꓢꓴ ꓠꓲꓸ ꓡꓰˍ ꓟ ꓐꓰ꓾ ꓓꓵꓽ ꓓꓳ ꓢꓴ ꓐꓱ ꓶ ꓶꓻ ꓡꓲꓽ ꓓꓽ ꓟ ꓟꓽ ꓗꓷ ꓡꓰ ꓠꓹ ꓟ ꓥ ꓡꓳ꓾ ꓐꓰ ꓢꓷ ꓙ ꓟꓳ ꓙ ꓘꓶꓽ ꓗꓪ ꓐꓳ ꓔꓸ ꓡꓳ꓿
ꓖꓳ ꓡꓱ ꓥ ꓟꓲ ꓙꓱ ꓦꓲ ꓚꓱꓹ ꓟꓽ ꓥ ꓥ ꓠꓱꓸ ꓐꓯꓼ ꓚꓱꓹ (ꓞꓽ ꓒꓳꓽ꓾ ꓟꓵꓽ ꓛꓱꓹ ꓙ ꓖꓴ ꓚꓱꓹ) ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓡ ꓢꓴ ꓐꓴ ꓮ ꓙꓵꓽ ꓠꓬ ꓟꓵꓽ ꓘꓶꓽ ꓗꓪ ꓠꓻ ꓘꓴ ꓗꓯꓸ ꓢꓲꓸ ꓗꓳ-ꓪꓰꓼ ꓟꓽ ꓚꓹ ꓟꓽ ꓓ꓾ ꓐꓯ ꓔꓸ ꓡꓳ꓿