ꓠꓬꓲꓸ ꓠꓬꓲ ꓟꓬ-ꓟ ꓦ ꓟꓲ ꓬꓰ ꓢꓴ ꓦꓬꓼ ꓠꓬꓲ (2022 ꓘꓑꓼ 3 ꓦ 2 ꓠꓬꓲ) ꓗꓪ꓾ ꓟꓬ-ꓟ ꓗꓴꓷꓼ ꓗꓪ ꓟꓬꓱ ꓓꓳꓽ ꓙꓳˍ ꓟ ꓐꓲ ꓜꓳꓽ ꓠꓴꓽ ꓢꓯꓼ ꓢꓷ ꓠꓲꓹ ꓙꓳ ꓢꓴ 5 ꓣꓳ ꓔꓯ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓩꓴ ꓡꓻꓳ ꓐꓰ ꓐꓐꓚ ꓡꓰ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓫꓸ ꓪ ꓘꓶꓽ ꓔꓯ ꓣꓴ ꓜꓱꓽ ꓢꓲꓸ ꓐꓳ ꓔꓸ ꓡꓳ꓿
ꓡꓲꓹ ꓗꓷ ꓡ ꓠꓹ ꓟ (5) ꓣꓳ ꓠꓬ꓾ ꓑꓲ-ꓔꓲ-ꓳ꓾ ꓲ-ꓓ-ꓬ-ꓚꓳ-ꓜꓰ꓾ ꓡꓴ-ꓟꓰꓹ꓾ ꓑꓮꓲ-ꓔ-ꓘꓳ꓾ ꓪꓮꓲꓹ (ပြေတီဦး၊ အိန္ဒြာကျော်ဇင်၊ လူမင်း၊ ပိုင်တံခွန်၊ ဒါရိုက်တာဝိုင်း) ꓐꓴ ꓥ ꓡꓳ꓿
“ꓗꓴꓷꓼ ꓫꓬ ꓜꓶ ꓟ ꓗꓪ ꓬꓲꓸ ꓪ ꓢꓷꓸ ꓠꓲꓹ ꓣꓱꓽ ꓢꓲꓸ ꓔꓺ ꓡ ꓠꓹ ꓟ ꓡꓲꓹ ꓖꓶˍ ꓡꓳ” ꓐꓰ ꓟꓪꓓ ꓫꓵꓽ ꓓꓳ ꓗꓪ ꓐꓯ ꓩꓴ ꓡ ꓡꓳ꓿
ꓪꓮꓲꓹ꓾ ꓪꓰꓹ-ꓟꓰꓹ-ꓔꓸ ꓔꓯ ꓠꓬ ꓐꓯ ꓟꓴ ꓕꓲ ꓚꓱꓹ ꓗꓪ ꓐꓰ ꓩꓴ ꓗꓷ ꓥ ꓟꓲ ꓠꓱꓸ ꓐꓯꓼ ꓕꓲ ꓚꓱꓹ ꓗꓪ ꓐꓰ ꓞꓳꓹ ꓡꓴꓽ ꓔꓸ ꓢꓰꓽ ꓡꓳ ꓐꓯ ꓡꓳ꓿
“ꓞꓳꓹ ꓡꓴꓽ ꓠ ꓟꓽ ꓔꓸ ꓗꓪ ꓞꓳꓹ ꓡꓴꓽ ꓚꓳ ꓢꓲꓸ ꓡꓲꓹ ꓖꓶ ꓡ ꓟ ꓔꓯ ꓫꓸ ꓟꓳ ꓐꓯ ꓟꓽ ꓛꓲ” ꓐꓰ ꓙꓽ ꓘꓶꓽ ꓢꓴ ꓐꓴ ꓐꓰ ꓑ ꓫꓬ ꓐꓴ ꓡꓰ ꓐꓯ ꓔꓬ ꓡꓳ꓿
ꓟꓬꓱ ꓓꓳꓽ ꓙꓳˍ ꓟ ꓟꓴ ꓖꓪ ꓖꓪ ꓒꓽ ꓢꓳꓸ-ꓒꓴ-ꓘꓪꓸ꓾ ꓑꓳ-ꓑꓳ꓾ ꓬꓯ-ꓔꓮꓲꓼ꓾ ꓕꓳ ꓶ ꓐꓳ ꓟ ꓪꓮꓲꓹ꓾ ꓪꓰꓹ-ꓟꓰꓹ-ꓔꓸ ꓐꓴ ꓮ ꓟꓬꓹ ꓐꓱ ꓓꓴꓽ ꓗꓪ ꓔꓬ ꓢꓰꓽ ꓡꓳ꓿
ꓐꓬꓱꓽ-Social media, Amazing Grace, Pai Tagon Fan club
ꓬꓲ ꓚꓰ꓾ ꓐꓐꓚ