ꓟꓬ-ꓟ ꓐꓱ ꓶ ꓮ-ꓢꓲ-ꓬ ꓗꓴꓷꓼ ꓜꓴ ꓝꓲ ꓓꓴ ꓢꓲꓻ ꓗꓷꓳ

ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓔꓯ ꓫꓬꓹ ꓔꓱꓹ ꓫꓬꓹ ꓡꓲꓸ ꓠꓹ ꓟ ꓐꓰ꓾ ꓑ ꓫꓬ ꓐꓴ ꓐꓱ ꓶ ꓬꓰ ꓙ ꓚꓱꓹ꓾ ꓠꓯ ꓞꓲꓼ ꓚꓱꓹ ꓬꓰ ꓙꓲ ꓡ ꓠꓹ ꓟ ꓖꓪ ꓙꓱ ꓢꓴꓟꓬ-ꓟ ꓗꓴꓷꓼ ꓐꓱ ꓶ ꓮ-ꓢꓲ-ꓬ ꓗꓴꓷꓼ ꓜꓴ ꓝꓲ ꓓꓴ ꓐꓯ ꓢꓲ꓾ ꓐ-ꓣꓴ-ꓠꓮꓲꓹ ꓗꓴꓷꓼ ꓐꓶꓽ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒ ꓠꓬꓲꓽ ꓣꓳ ꓕꓲ ꓣꓳ ꓮ-ꓬꓲ-ꓪ ꓬꓴ-ꓢꓳꓼ (Erywan Yusof ) ꓔꓯ ꓢꓲꓻ ꓣꓴ ꓗꓷꓳ ꓐꓰ꓾ Reuters ꓡꓰ ꓠꓬꓲꓸ ꓬꓲ ꓓꓳꓽ ꓐꓳ ꓩꓴ ꓡ ꓡꓳ=

ꓕꓱ ꓡꓱ ꓮ-ꓢꓲ-ꓬ ꓗꓴꓷꓼ ꓝꓲ ꓓꓴ ꓢꓲꓻ ꓣꓴ ꓠꓹ ꓟ ꓪꓽ ꓐꓶ ꓔꓬ ꓟ ꓠꓬ ꓗꓳꓸ ꓗꓷ ꓟ 2021 ꓘꓳꓼ 4 ꓦ 24 ꓠꓬꓲ ꓗꓪ ꓐꓰ ꓮ ꓟꓶ ꓗꓪ ꓛꓲ ꓥ ꓡꓳ= 8 ꓦ 1 ꓠꓬꓲ ꓗꓪ ꓠꓬ꓾ ꓑ ꓫꓬꓼ ꓙꓵ ꓪ ꓦꓴ ꓢꓴ ꓟꓰꓹ-ꓮꓳ-ꓡꓮꓲꓽ ꓡꓰ ꓕꓮꓲ ꓗꓴꓷꓼ ꓐꓶ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓓꓽ ꓟ ꓬꓲꓸ ꓡꓵꓺ ꓪꓰ-ꓣ-ꓢ-ꓓꓲ ꓩꓴ-ꓕ-ꓣ-ꓗꓴ (Virasakdi Futrakul) ꓔꓯ ꓮ-ꓢꓲ-ꓬ ꓗꓴꓷꓼ ꓜꓴ ꓝꓲ ꓓꓴ ꓝꓲ ꓩꓴ ꓡ ꓠꓬ ꓘꓳ ꓣꓴ ꓥꓳ ꓐꓰ ꓐꓯ ꓢꓷꓸ ꓩꓴ ꓡ ꓡꓳ=