2021 ꓘꓳꓼ 11 ꓦ 8 ꓠꓬꓲ ꓕꓯꓽ ꓬꓰ ꓟ꓾ ꓟꓲ ꓠꓯ ꓗꓴꓷꓼ ꓜꓴ ꓢꓰꓚꓴꓣꓲꓔꓬ ꓚꓳꓴꓠꓚꓲꓡ 15 ꓗꓴꓷꓼ ꓜꓲꓼ ꓓꓴ ꓗꓪ ꓐꓰ ꓟꓬ-ꓟ ꓗꓴꓷꓼ ꓗꓪ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓟꓬꓱꓽ ꓮ ꓙꓵꓽ ꓠꓲꓹ ꓞ ꓠꓻ ꓩꓴ ꓗꓷ ꓐꓰ ꓐꓯ ꓩꓴ ꓡꓻꓳ꓿
ꓖꓪ ꓙꓱ ꓜꓲꓼ ꓓꓴ ꓠꓲꓹ ꓧꓳꓹ ꓢꓲꓽ ꓧꓳꓹ ꓐꓯ ꓞꓷꓹ ꓘꓶꓽ ꓔꓯ 11 ꓦ 10 ꓠꓬꓲ ꓕꓯ ꓐꓳ ꓒꓬꓱ ꓩꓴ ꓡ ꓟ ꓥ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓕꓱ ꓟ ꓔꓯ ꓐꓲ-ꓔꓲ-ꓫꓼ ꓡꓰ ꓧꓳꓽ ꓪꓴ ꓟꓴ ꓢꓲ ꓘꓴ ꓔꓸ ꓟ ꓥ ꓢꓲ꓾ ꓧꓶꓸ ꓕꓯ ꓮ ꓕꓽ ꓖꓶ ꓟꓽ ꓪꓽ ꓡ ꓠꓬꓲ ꓟ 15 ꓗꓴꓷꓼ ꓡꓱꓸꓼ ꓪꓽ ꓡ ꓟ꓾ ꓔꓳꓹ ꓢꓴ ꓟꓽ ꓙꓳ ꓟ ꓖꓪ ꓙꓱ ꓜꓲꓼ ꓓꓴ ꓒꓬꓱꓼ ꓡ ꓡꓳ꓿
ꓠꓴꓖ ꓡꓰ ꓟꓬ-ꓟ ꓟꓯꓼ ꓔꓯ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓜꓴ ꓐꓯ ꓔꓸ ꓢꓲ꓾ ꓗꓴꓷꓼ ꓜꓴ ꓐꓴ ꓡꓰ ꓥ ꓟꓲ ꓖꓳ ꓡꓱ ꓘꓴ ꓠꓹ ꓟ ꓓꓰꓽ ꓔ ꓡꓳ꓿ ꓝꓮꓲ ꓲꓚꓚ ꓗꓪ ꓐꓯ ꓟꓴ ꓕꓱ ꓡꓯ ꓘꓳ ꓡꓯ ꓐꓰ ꓪꓴꓸ ꓔꓬ ꓡꓳ꓿