ꓟꓬ-ꓟ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓜꓲꓽ ꓐꓴ ꓮ ꓘꓶꓸ ꓔꓳꓹ ꓔꓬ ꓟ꓾ ꓗꓴꓷꓼ ꓜꓴ ꓜꓲꓼ ꓓꓴ ꓗꓪ 119 ꓗꓴꓷꓼ ꓠꓲꓹ ꓧꓳꓹ ꓡꓰ ꓟ ꓟꓬ-ꓟ ꓐꓱ ꓶ ꓟꓬꓱꓽ ꓬꓰ ꓙꓰ ꓚꓱꓹ (3) ꓕꓳꓼ ꓔꓯ ꓟꓶ-ꓡꓯ-ꓫꓸ ꓗꓴꓷꓼ ꓡꓰ ꓠꓲꓹ ꓒꓴ ꓒꓴ ꓔꓳꓹ ꓙ ꓘꓳ ꓣꓴ ꓥꓳ ꓐꓯ ꓩꓴ ꓡ ꓡꓳ=
“ꓥꓪ ꓠꓴ ꓠꓬ ꓗꓴꓷꓼ ꓜꓴ ꓗꓪ ꓐꓰ ꓖꓪ ꓙꓱ ꓘꓶꓽ ꓔꓯ ꓕꓱ ꓡꓱ ꓘꓳ ꓣꓴ ꓟ ꓠꓬ꓾ ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓔꓯ ꓜꓲꓽ ꓜꓲꓽ ꓑꓰꓹ ꓑꓰꓹ ꓢꓰꓼ ꓟ ꓠꓲꓹ ꓞ ꓠꓽ ꓡꓰ ꓠꓹ ꓟ ꓐꓰ꓾ ꓙꓲ ꓟ ꓕꓲ ꓒꓳꓹ ꓗꓪ ꓒꓬꓱꓼ ꓡ ꓠꓹ ꓟ ꓐꓱ ꓶ ꓥ ꓡꓳ” ꓐꓰ ꓟꓶ-ꓡꓯ-ꓫꓸ ꓗꓴꓷꓼ ꓗꓪ ꓐꓰ ꓐꓳ ꓩꓴ ꓡ ꓟ ꓕꓳ ꓶ ꓗꓪ ꓟꓳꓸ ꓖꓶ ꓔꓸ ꓡꓳ=
ꓕꓱ ꓕꓲ ꓧꓪꓹ ꓗꓴꓷꓼ ꓜꓴ ꓜꓲꓼ ꓓꓴ ꓗꓪ ꓟꓬ-ꓟ ꓗꓴꓷꓼ ꓐꓱ ꓶ ꓖꓪ ꓙꓱ ꓠꓲꓹ ꓧꓳꓹ ꓘꓶꓽ (3) ꓝꓲꓸ ꓠꓬ꓾(1) ꓟꓬ-ꓟ ꓗꓴꓷꓼ ꓠꓬ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓗꓪ ꓡꓽ ꓛꓲ ꓬꓰ ꓠ ꓗ ꓡꓳ=(2) ꓣꓴ ꓡꓴꓽ ꓟꓶ ꓢꓴ ꓮ ꓙꓵꓽ ꓡꓲꓹ ꓗꓷ ꓠ ꓗ ꓡꓳ=(3) ꓟꓬ-ꓟ ꓔꓯ ꓟꓯꓼ ꓶ ꓤ ꓪꓴꓽ ꓖꓶ ꓟꓽ ꓓ=
ꓟꓲ ꓠꓯ ꓗꓴꓷꓼ 193 ꓗꓴꓷꓼ ꓗꓪ ꓐꓰ ꓐꓲ-ꓡ-ꓣꓴ ꓗꓴꓷꓼ ꓠꓬ ꓟꓬ-ꓟ ꓗꓴꓷꓼ ꓐꓱ ꓶ ꓖꓪ ꓙꓱ ꓘꓶꓽ ꓔꓯ ꓔꓳꓹ ꓢꓴ ꓕꓲ ꓗꓴꓷꓼ ꓥ ꓢꓲ꓾ ꓮ-ꓢꓲ-ꓬ ꓟꓵꓽ ꓗꓪ ꓐꓰ ꓕꓮꓲ꓾ ꓡ-ꓳ꓾ ꓗ-ꓐꓳ-ꓓꓲ-ꓬ ꓗꓴꓷꓼ꓾ ꓧꓶꓽ ꓒꓽ ꓗꓴꓷꓼ ꓐꓴ 36 ꓗꓴꓷꓼ ꓠꓬ ꓔꓱꓹ ꓫꓵ ꓗꓪ ꓦꓰꓼ ꓗꓷꓳ= ꓠꓱꓸ ꓐꓯꓼ ꓕꓲ ꓟꓲ ꓠꓯ ꓗꓪ ꓟ 119 ꓗꓴꓷꓼ ꓠꓬ ꓟꓬ-ꓟ ꓗꓴꓷꓼ ꓐꓱ ꓶ ꓖꓪ ꓙꓱ ꓞꓷꓹ ꓘꓶꓽ (3) ꓘꓶꓽ ꓔꓯ ꓠꓲꓹ ꓧꓳꓹ ꓗꓷ ꓟ ꓥ ꓡꓳ=