ꓑꓴ-ꓔ-ꓳ꓾ ꓟꓶ-ꓡ-ꓫꓵ-ꓓꓰ ꓘꓹ ꓗꓪ ꓟꓬꓱꓽ ꓙ ꓒꓽ ꓮ-ꓞꓲ-ꓠꓳꓸ ꓦꓲ ꓠꓬ ꓠꓬꓲꓸ ꓠꓬꓲ 2023 ꓘꓳꓼ 1 ꓦ 8 ꓠꓬꓲ ꓕꓯꓽ ꓮ ꓔꓳꓸ ꓙꓬ ꓬꓰꓳ꓿
“ꓪ ꓘꓴ ꓦꓲ ꓗꓪ ꓙꓰ ꓔꓬ ꓕꓲꓽ ꓑꓹ ꓗꓪ ꓙꓬ ꓡ ꓢꓲ꓾ ꓮ ꓫꓵꓽ ꓡꓲꓸ ꓟꓽ ꓣꓴ ꓪ꓾ ꓮ ꓙꓵꓽ ꓙꓬ ꓖꓪꓽ ꓬꓰꓳ= ꓬꓲꓸ ꓪ ꓕꓲ ꓦꓲ ꓠꓬ 13 ꓣꓳ ꓙꓳ ꓡꓳ” ꓐꓰ ꓬꓰ ꓙ ꓢꓴ ꓕꓲꓽ ꓣꓳ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
ꓧꓳꓑꓰ ꓜꓴ ꓗꓪ ꓐꓰ ꓥ ꓟꓲ ꓠꓲꓹ ꓞ ꓠꓲꓹ ꓧꓳꓽ ꓣꓱ ꓬꓯꓼ ꓟ ꓶ ꓤ ꓶ ꓟꓲ ꓬꓰ ꓙ ꓪ ꓡꓰꓳ꓾ ꓐꓰ ꓢꓷꓸ ꓪ ꓡꓳ꓿
“ꓙꓬ ꓝꓲꓸ ꓥ ꓟ ꓑꓶꓸ ꓓꓴ ꓬꓲꓹ ꓐꓵ꓾ ꓐꓯ ꓞꓲꓽ ꓖꓪ ꓓꓴ ꓚꓲꓸ ꓚꓲꓸ ꓑꓶꓸ ꓑꓶꓸ ꓮ ꓔꓲꓸ ꓬꓰ ꓙ ꓔꓸꓳ꓿ ꓮ ꓟꓶ ꓦꓲ ꓫꓬꓹ ꓟ ꓗꓪ ꓥ ꓟꓲ ꓬꓰ ꓙ ꓠ ꓔꓸ ꓠꓬꓲ꓾ ꓫꓱꓸ ꓤꓼ ꓢꓴ ꓐꓴ ꓮ ꓙꓵꓽ ꓔꓺ ꓙ ꓓꓴ ꓬꓰ ꓡꓯ” ꓐꓰ ꓧꓳꓑꓰ ꓬꓰ ꓙ ꓜꓴ ꓗꓪ ꓐꓰ ꓟꓸ ꓒ ꓮ-ꓢꓲ-ꓒ ꓡꓰ ꓐꓯ ꓡꓳ꓿